Home Shonkhogin Haokip PATHENIN NAHINKHOHI AJIHCHAI JOUVA (written) NAHIN PENSAH AHI.

PATHENIN NAHINKHOHI AJIHCHAI JOUVA (written) NAHIN PENSAH AHI.

49
0

By Shonkhogin Hegin Haokip
Maranatha Cottage Hebron Veng
Phaipijang Langol Imphal West # 9774096152

Shonkhogin

Kalim kalai kigon masanga patna chu namit tenin amun, nalekhabu-a ahalsi sin akisun soh keiye; Ahalsi jeng cha jong aumdoh masang, Eikisemlai nikho ho geiyin akisunne.

PSALM.139: 16.

Tunin Joseph thusima konin anavekhom uhite. Joseph thusim kijihdan hi ivet na ahileh, abaiya bai ahah a hahsa ahi. Ama pena apahi Jacob ahin anu min chu Rachel ahi. Amahi Haran a ana peng ahin, Harana kon in Canaan ahin, Canaana kona Hebron ahin, Hebrona kona Shechem ahin, Shechem-a kona Dothan ahin, Dothan a kona Egypt anahi. Ahinkho mana chu hiche kah lah chakhat chubou anahi.

Joseph hinkho kijih lona pentah chu ahileh amahi vaihom-a hung panga asopi pasal 11 le anu le apan nikhatleh a anga ahinboh khupding u ahi hi aneolaiya patna aman mang(dream) a ananeisa ahitai. Amang guilhun theina dinga chu thilkhat chelhah (process) ngaijah ahi. Hiche na dinga chu, apan Joseph sangkholchol pollet khat ahinkhuipeh chuleh Joseph amatah in amang a-ute koma ahinsei hicheho jouse hi athusim kisutlona ho suhbulhitna dinga manchah phatah ngen ahung hiuve.

Ahinla athusim kisun bang banga achelhah theina dinga akhohpen tah chu ipi ham itileh, athusim neipahi Pathen thungai, Pathenin adeibanga hinkho mangmi hi angailheh jengin ahi. Hichejeh a chu ihinna apumpi ilhagao apumpi ithaneina apumpia Pathen ngailut a Pathena kipehlut angaiye. Chutia Pathen deibanga hinkho manna aum theileh Pathenin ichunga thilgon aneiho chu aguilhunna dingin imacha ahahsa umponte. Ajehchu Pathen dan thupeh hi ipalkeh phatleh bou boina tamtah sohji ahibouvin, Pathen thupeh dungjuija hinkho mangho dingin asoh jousehi imacha aphachom lou dingin asoh ngaipoi.

Hijeh a chu, Pathen thupeh guilhunna ding ahung kipat phat chun, aboilahlah jengin, ahi vangin aboiding pa hinkho aboilou jeh chun imacha aboipoi kitileh kiseival ponte. Joseph kum 17 ahung lhinphat in process ahung kipan tan, nikhathi apan aute velha dingin Shechem langa asolin ahileh, auteho shechem a ana umtapou vin, Dothan lang anagei taovin, Dothana aga che leh ama chula aute kithopi dingleh velhading a che ahin, autehon amu mu uvin, mangneipa ahunge thatdoh uhitin, kokhuh a seplut uhite, chuteng amangchu ipi hungsoh am veu hite akiti taove. Achomlama seidin, tha chu athat lom tapouvin, kokhuh ah aseplut uvin, kokhuh a konin akaidoh kit uvin, Ismail kiveiho koma dangka 20 in akijoh taovin, chuin Ismail hon Potiphar koma akijoh kit taovin ahi.

Bn Potiphar koma aum chun, Pathenin Joseph jehin Potiphar chu phatthei abohtan ahi. Potiphar in ama noitah a vaihom dingin akikoitai. Ahinla akhohtah khat chu ipiham itileh Potiphar jinun Joseph adeichat jehchun, amanun jonpi dingin ajol ajol jengtan, ahinla Joseph anompoi. Nikhathi Potipharjinu le Joseph sehseh ina aum pet lhonin, numeinun Joseph apummat a ahileh apon akimat khahin, Joseph ajam mangtai. Ijeh in em itileh Josephin iti keiman Pathen douna a chuto bang chonset kabolthei dingham tia ajamang chun, numeinun akaleh langin ajipa koma ahehsen, joseph in eibon e tin apon chu avetsah tai. Hiche phat chun, Potiphat in Joseph chu jail a akoitai.

Jail a akoichun, lengpa jukhondompa leh an vaihom pa jong ana um lhonin, ahinla Joseph in ahinkho thusim autehon abolna, Potiphar jinun abolna khatcha houlim nan aneipoi. Ibol in am itileh aman angaidamsa ngen ahitai. Lungthimkha aneipoi, ngaidamlouna aneipoi. Hijeh achu houlimna a aneilou ahi. Chuche jukhon dompa le An vaihompa mang ale peh chu adih beh seh jengin, hijeh chun, nikhat lengpan mang aneitan, amang ledoh ding koimacha aumtapoi. Chuphatin Joseph ahung kigel doh in Joseph mang ledingin lengpan ahin koutai.

Joseph in lengpa mang chu adongin ahileh lengpa mangin bongpi thaotahtah sagi amun, chubanin bongpi gongset sot sagima ahungdoh kitin, agongsetsot ho chun athaoho chu anechaitaove. Anina chu ahileh changvui boliplep sagi amun chubanin changvui geothet that sagi ma chun aboliplep ho chun anechai kittai. Hichun Joseph in lengpa na mang chu ni ahivang in thakhat ahi. Tua hi kumsagi change min haphatna phading, kumsagi jou phat leh kumsagima kel nasatah alhading ahi. Hijehchun, lengpa nangman miching tah khat lhengdohin lang kumsagi sunga hi phate cha a nehlechan akhop tup them louleh kel a ithigam dingu ahi atileh, lengpan chutobanga miching nang tailou adang aumpoi atin, Joseph chu ama noitah a vaihom dingin alhengdoh tan ahi. Hitachu Joseph mang (dream) le athusim kijihlona chu guilhunga asopitehon Joseph masanga abohkhup dingu chu guilhung ahitai. Hitia chu athusim guilhuna dinga Egypt a gamvaipoa anapang ahi. Pathenin asimho jouse phatthei bohtahen.

Articles hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Site nalut a notification pop up hung potji ho allowed anabol ji uvo maban a thusim thah ahung ki post teng notice namu ji diu chule Bell button a subscribe kiti chu meh un.

Previous articleMIHEM HINKHO A MITAM TAH IN LUNGLHAHNA LE KINGAISETNA PHAT ANEI UMCHEH AHI.
Next articleLUNGSETNA GIMNEI, KA-AWGIN-II

LEAVE A REPLY

Please enter your comment!
Please enter your name here