Home Lahkhom PATHENIN AMA KIN BOL DINGA NASEM AHI

PATHENIN AMA KIN BOL DINGA NASEM AHI

51
0

PathenThu

-Haopu Changsan,Nomjang

“Nakhut teni mong monga neimeh toh toh a nangman neisemsa kahi.”

(Job 10:18)”

Pathenin ama kin bol dinga asemsa nahi. Pathen thilsem ganhing jouse hin hitheina jatchom cheh anei uve. Ganhing abang chu akichom loi, alhai loi, akijap loi, aleng loi, a op a kithol loi, jatchom cheh ahiuve. Pathenin asem dan cheh uva umu ahiuve.

Mihemte jong jatchom cheh a Pathenin eisem’u ahi. Thil jatchom chom le tongdoh dinga eisem’u ahi.

Architect hon inn sah ding agon masang-uvin ipi inn ding itobanga sah ding ham ti ageltoh masa jiuve. Inn sahna a manchah ding thing le suong ho chu akiman na ding dungjui cheh a inn agon jiu ahi. Hibanga chu Pathenin jong nangma nasem masanga chu leiset chunga ipi pena ama kin nabol ding ham ti agel masat ahi. Pathenin naman nanom chet dungjuiya nasem ahi. Ipi dinga nangma chu amanu/amapa toh nabah lou ham? Ajeh chu Pathenin Ama kin bol ding chu agontohsa ahi.

Pathen lekhabu thengin hitin aseiye, “Ajeh chu eiho ama khutsoh ihiuve; chule ichonphatna dinguva masanga pat’a Pathenin agotsa chuche chonphatna dinga chu Christa Jesua kisema ihiuve”(Eph.2:10). Pathenin ama khut tah a eisemu ahin, Ama kin ibol u le itoh u jatchom cheh ahi; asei ding, atong ding, atilkhou ding, akithopi ding, atao ding, sum le pai a pang ding, agongtoh ding tiho hi ahi. Napen masanga nagontohsa bana nitin hinkhoa jong nasemtoh jing ahi. Kalim kigondoh masang chu na mit te nin amun, Nalekhabua ahalsi sin akisun soh keiye; Ahalsi jeng cha jong a umdoh masang, Eikisemlai nikho ho geiyin akisune(Ps. 139:16) hiche hin avetsah chu ahileh ihinkhoa thilsoh jouse hi ajeh neicheh ahi. Ama kin bolna dinga eisemtup jingu ahin, ichunguva thilsoh jouse jong Ama phatsah dungjuiya soh ahi. Pathenin imajouse panna beiyin akoipoi, ajeh nei cheh a akoi ahi. Nasei theina, toh theina, bol theina, hi theina, thepna ho jouse Ama loupi phondohna a manchah dinga Pathenin napeh ahi.

“Kei ding mong monga kagondoh miten keima choiatna aphonjal dingu ahi(Isa. 43:21)”

Asimlha jouse Pakaiyin phatthei naboh tauhen. Amen…!!

Articles hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Site nalut a notification pop up hung potji ho allowed anabol ji uvo maban a thusim thah ahung ki post teng notice namu ji diu chule Bell button a subscribe kiti chu meh un.

Previous articleKANGAI CHULLOU ZOUZAM-III
Next articleFLOOR-6,ROOM NO.6-X

LEAVE A REPLY

Please enter your comment!
Please enter your name here