Home Lahkhom PATHEN THUHI NAJAH PHATLEH NAKIPA AM OR NANING KITEL AM ?

PATHEN THUHI NAJAH PHATLEH NAKIPA AM OR NANING KITEL AM ?

126
0
herod lengpa
herod lengpa

By Shonkhogin Hegin Haokip
Maranatha Cottage Hebron Veng
Phaipijang Langol Imphal West # 9774096152

Shonkhogin
Shonkhogin

Keihon niso lamah Aahsi kamu uvin, chibai bola hung kahiuve atiuvin ahi. Herod lengpan chuche thu ajah phat’in amati Jerusalem miteti alungu ajingtan ahi.

MATT.2:2-3.

Sopiteho, nangma hina a hi Gospel kipana thupha eihuhhingpu u Jesu thusimhi najah phatleh nakipa pa jengji am ahilouleh naning kitelji am ? Ajeh chu eihohi chonse sasa a hungpeng a chonset soh a satan khutnoija kihen ihitaovin, chonphat bol nom jongleu hen, chonset soh a kihen ihitah jeh u chun, apha chu ibolthei ji pouve. Hijehachu, chonset soh a akihen na a kona kilha doh nom ho dinga kipana thuphahi ngainom aum lheh vangin, chonset hinkho a kho hephalouva lungmong tah a kihen ho dingin, kipana thupha ngaihi ninglelai kihalna khat chu ahi.

Ipijeh in em itileh, chonsetna akihenna a kona kilhadoh nom ho dinga chu, kipana ahi vanga chu akilhadoh nom loudinga chu lunggim lungkham umah ahi. Ipijeh in em itileh atahsa ngaichatnaho ikilahdoh peh khante, ahilouleh atilla chu athilbol khel ho chu adihlouva jong ahet ahipon, tua vang chu adihlou hena sasa a abol bolhi amadinga theida umtah khatleh ning kitel umtah khat chu ahi tah jeha hiche kipana thupha hi ajah nom jilou ahi. Hijeh a chu nang mala hoilang a napan ham ? akilhadohnom nahim ? ahilouleh neisuboi hih uvin tiloi lah a chu najao ham tunin kikhol chen uhite.

Hitobang banga chu, Pakai Jesu pen nia chu mi phabep a dinga kipana ahivanga Herod lengpa le Jerusalem mite dinga chu lungjina nikho anahi. Ipidinga lungjingu ham itileh, ahsi lekha them ho thulhut jeh chu ahi. Amahon aseijuvin, veuvin, keihon niso lama lhonin, Judate lengpa apenge tithu ahsi a konin kamuvin, chibai bola hung kahiuve, amachu hoila pengham tia Lengpa ahung doh uchun, lengpa jong alunggim lheh jengtan, suhmang na ding lungthim angai to pai jengtan ahi. Ahivangin, Pathenin aphal louchu satanin imacha alothei lou ahijenge. Hijehchun, itobanga naosen jesu chu suhmang ding agot vangin, Pathenin aphat chachan aseldoh theije. Hiche tobang dinmuna aseisei boljetjet dinga Joseph le Mariam hi Pathen deilhen chu anahilhone.

Sopi, tunin eiho kikhol uhite, Pakai Jesu penhi nangdinga huhhing na dihtah hinam ahilouleh themmo chana ding bep a nanei hitam ? Aman nanga kona adei banga naumtheileh nanga dinga hinna hintin, na umthei louleh nanga dinga them mo channa le thina hi ding ahi. Nasunga Jesu achen masang sese a chu, satan thunoija um kahi ti phatechan kihet chen’in. Hiche gospel kipana thupha hin, satan chu nodoh a Ama lhagaotheng chen ding atijeh a chu achengmasa pa chun, ajat jat a nalhep ji ahi ti jong kihet themin achutilouleh lhagaotheng chenna dinga mun napeh lou hel ding ahi.

Hijehchun, sopiteho, Pakai Jesu hi nangma lhadoh dinga hung ahin, kisel le le hihbeh in, nang hi michonse ahi ti hena sasa a nang huhdoh dinga hung ahi. Ajoleh kisonglal khanate, nahina bangbang in amakom hin jonin lang, kisihpumin, Hepa, kachonsetna hiche, khuche khu nei ngaidamin, keiman tukal bolkit taponge tia a hangsan tahleh tahsan neitah a nasei ngamleh Aman nangaidam ding ahi. Hijehchun, Herod Lengpan Jesu hungpen lungjin lungkhamna a ana neibanga neilouva kipanale hinna damna a ineidinguvin Pakai mina taem ihiuve. Pathenin asimho jouse phatthei bohtahen.

Previous articlePENTHAH KITI HI IPI TINA MONG MONG HAM?
Next articleBJP PARTY HI ITI DAN A HUNG HITI HAT HAM?