Home Seiboi Tuboi Pathen na kon chun chonset abol jom jipoi

Pathen na kon chun chonset abol jom jipoi

28
0
Pakai gin nahi a mangcha
Pakai gin nahi a mangcha

Rev. Seiboi Tuboi
Nisim 17/10/2021

Rev. Seiboi Tuboi
Rev. Seiboi Tuboi

1 John 3:8-9
Chonset pan chu diabol’a ahi; ajeh chu diabol chu atil abul’a pat hung chonsepeh jing ahi. Diabol natoh ho jouse sumang dinga Pathen Chapa hung kilah ahi. Koi hile Pathena kon chun chonset abol jomjipoi. amuchi alung sunga aum jeh chun; chujongle ama chu Pathena kona peng ahijeh chun achonse jom theipoi.

Chonset chu ipi ham hoija kon na hung kipan ham ti abul le aleh kisei lhing jou hih jong le agom lam tah a sei ding in chonset phut doh pa chu diabol ahi ti chu ihe cheh un ahi, hiche diabol kiti min hi mi daicha vei alam lou va mi pui hoi le Pathen angsung nga kon na Pathen mite pui doh a achon na khel pih a pang pa, Pathen tahsan ho jouse atah san lou nadiu va thu jou jou va thuhilpa, chule tonsot hin na ichan diu engse a got mun thina mun na mipui lut dia kigong pa chu diabol chu ahin ahi, ama thuhil ho chu ahile, achompen na sei dia Pathen itahsan san thei lou nadiu va Pathen chung chang thu ho le Pathen in Achapa Jesu Christa na ahung toh sah ho tahsan lel sah tei nadia thumop ma pang pa chule Pakai Jesu Christa in koihile eitahsan chan chu tonsot hin na kapeh ding ahi tia kitep na anei ho jouse jong mihem te lungthim sung’a tahsan lel na sem le koipih a pang pa chu diabol kiti satan chu ahin ahi.

Hiche diabol natoh jouse sumang dia hung chu Pathen Chapa ahin, Aman thutah thu chu ahung phondoh a koi hile Pakai thusei jouse tahsan na achonset na kisih pi a lunghei chan chun tonsot hin na anei ding ahin atahsan lou jouse chun tonsot thina chang ding ahi tia ahung seiphong ahi.

Hiche a kisih na neija achon na khella Pathen nadia kipe lut jouse chu Pathen chate tia kilheng doh ho chu ahi tao vin, hitia kisih na neija Pathen tahsan na pang det ho jouse lungthim ma chun chonset boljom nom na aum ji tapon Pathen lah thei dol lung lhai na chu bou khoh sah a aniseh a Alhagao hinkho ding bou kikhoh sah na jeng nga kisa lel jing chu ahitao vin ahi, konkhat in mipeng thah sa ho jong anung lhuh thei kit jie atiu khu kei ma tahsan dolle Bible thuhil dung jui ja kavet na kangai to le adih lou vin kamun ahi, Mipengthah dih tah khat chun hitabang lungthim lunggel chu anei tah lou va ahile iti chonset na a chu lhalut thei kit ding ham? lhalut thei nama jong le abolkhel na chung’a kisih louva um lou hel ding ahi chu katahsan in ahi, hiti jeh chun Sopite, Lhagao hinkho man dan dih lou tah a hinkho mang ho chung’a thangset na nei hih beh in ti joh kasei pig nahiu ve.

Hetthei khat chu tulain Christian atamjo hi moh moh Christian atam jo akihi nom in ahi, mi Christian ahijeh ahilou le anu apa akon na Christian hinkho hinmang jing ahijeh u chun Christian te chon nadol la bou hinkho aman u ahi bou vin mipengthah Christian hiding joh chu thupi pen ahi.

Eiho a ding nga suhmil thei lou dia poimo tah chu ahile Christa tahsan na chu thipi ngap chan na panpi ding leiset thil ho toh lheh mang thei lou tahsan na chu nei pi jing angaijin ahi, hijeh chun tonsot gam chan lhun thei nadia nadai chavai ja pang chule jou thu a kon na napui mang thei diabol lungthim git lou na tin cheng masang nga nadin jou thei nading chun Pathen thu a kitu lut in lang suh ling jou hoi hilou tahsan na chu kolchah jing in tia kitep u ahi.


Nisim 18/10/2021

Pakai gin nahi a mangcha them jouse dia hetkhen na ahi

Psalms 111:10

Pakai gin hi chih kipatna ahin, Amang cha jouse din hetkhenna phatah ahi. Aitih-in avahchoina um jing ta hen!

Hinkho chomcha sung’a Pakai gin na neija atoh abol najouse Pakai gin na nei pum ma bol jing nga, kinem sah jing thei mi chun Pakai lungset nale ngailut na kilam doh nan anei pi jing thei jin ahi, Pakai ja kisel jing thei chu miching ahin, ahinkho iti najong le akihin so pi tei tei ding ahi.

Chih na kiti hi Pakai gin na nei ho hi ahiu vin ahi, mihem in chih na itiu hi lekha them het na sang tah tah nei ho khu ihi sah jiu vin, Bible in vang Pathen gin ho hi miching ahi tin aseijin ahi, Het na thep na kiti hi akiham bol hat pan tampi akilam doh thei jin, het na nei ahitah jeh in natoh na jong lentah tah Government in ape jiu vin ahi, Pakai Pathen gin na neilou pum ma het na nei ho chengse chun ahet nao achih nao mangcha in Pathen dou na natoh abol nom jiu vin ahi, ama vang Pakai ging pum ma hetna le thep na nei mi te chu atahsao le a Lhagao hinkho jeng u jong kihin so nan anei jiuve.

Pakai gin hi chih kipat na ahi a ahile, chih na holnom ten Amasa pen na Pakai gin na hinkho chu inei masat diu apoimo in ahi, Pakai gin na mangcha them hojouse dia jong atonsot hinkho chan le aleiset hinkho sung a dia jong thil het khen thei na tampi akilam doh be diu ahi.

Hiti jeh chun thilpha deija Pathen na hinkho kihin so ding nom jousen Pakai ging cheh hen chuti le tonsot chan na ahinkho chu kipa na le lunglhai na lungmon na aneijing ding ahi.

Pathen in athusim jouse phatthei eiboh pih cheh tao hen

Articles hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Site nalut a notification pop up hung potji ho allowed anabol ji uvo maban a thusim thah ahung ki post teng notice namu ji diu chule Bell button a subscribe kiti chu meh un.

Previous articleKACHUN LE KASEN GOLNGAI-IV
Next articleAN AUTOBIOGRAPHY OF PU HAUJAKAM CHONGLOI

LEAVE A REPLY

Please enter your comment!
Please enter your name here