Home N Lhungdim PATHEN MIN PAN A TOLTHA BOL HO LOLHING THEILOU DING AHI.

PATHEN MIN PAN A TOLTHA BOL HO LOLHING THEILOU DING AHI.

37
0

MI THATDING PATHEN MIN A KILEPHI CHONSETNA HI LOU HAM ?

Asun
N.Lhungdim
Thangting House
Molnom-West

n lhungdim
N-Lhungdim

16th September, 2021.

Leiset Politics kivaihom naleh kivaipoh nahi Pathen mit a vetdinga atheng leh apha hisoh keilou ding mong ahi.

Ahinla leiset politics ahi kiti vanga Pathen min pan a mi tha leh mat thisan sona kibol hi aguilhun louding hi hetsa tobang ahi.

Hiche achunga thulhun kisei hi eiho Kuki te toh kimat a thil lhung NSCN IM Th. Muivah in alamkai Manipur a Naga hon apanpi uh NAGALAND FOR CHRIST
Christa dinga Nagaland kiti minpu a Kuki ho m 1000 val atha uva kho 360 asuhmang uhi in le lou neilou Kuki mi lakh khat tobang achennao gam a regugee asem amaho bolbang in Kuki te in kibol hih henlang hijongleh athum uleh angaichat uhi Pathen in apeh diu vang hamsa deu ahi.

Lhumlang a Christian gam ho adeh a United Kingdom leh Unitedì State ho Christian gam hi solang ah Buddhist Burma ten lhang lang ah Muslim Bangladesh in chukit leh Lhumlang ah Hindu ten India ten inehchai ding uh ahitai tia adihlou tamtah
manga Western gam ho ana lhep nao chu phondoh lou a um theilou hinte 1996 a Imphal khopi a Kuki mi20000 sang tamtah in MASS RALLY 7September 1 995 ana bol
uchu Meilhei journalist Pradit Phanjoubam kitipa in alim ana lah a England a B.B.Cnews programme a ana sodoh chu NSCN IM Tangkhul ho lamkaina chu dihlou ahi ti ahinf hetchen phat uvin 1995 lai chun U.S a Atlantis khopi ah Naga lamkai ho ana koukhom un tukal keiho a kon a panpi na namulou diu ahitai tia ana phobdoh uh ahi.

Kuki te chunga politics a jat chom chom amasapen a Manipur a UNC ho ahin man uva quit notice 1992 a ahinso uva aban a 1993 a Kuki kho jouse tobang ahin bulu uva hiche bulu na a chu Manipur a adeh a Chandel lang a Kuki thisan beh Naga ho ahin tildoh uva Kuki kho jouse ahin bulu uva adeh a 13th Sept.1993 ni a mithi sim joulou tobang ahung um jeh pen chu athulhuh nao World Body ho in kagam natiu chu hoilai ham atiu leh seiding ahetlou man uva Kuki te gam hi kagam ahi atijeh uva Kuki te Genocide ana umdoh ahi.

Hiche thusoh sa hohi. kisei nom hih jongleh tulai khangthah ten ipi jeh a Naga te toh kimuda kivetda keo hilou a thisan naisan. soh ahi ti ahetlou diu jeh a avel a kahin sut ahi.

Adihtah a chu Naga te hin thisan a kitimatna neilou
Political Convenience leh Compulsion
jeh a hiche tobang kimuda kivetda nahi. hungsoh ahi.

Hiche ahin hetchen dingchu Nagaland a main stream Naga hotoh kihet themloun ima ana khapon ahi.

NAGA POLITICAL MOVEMENT
CHU
aphutdohpa A.Z Phizo in hitobang KUKI te thagam nading a anahssodoh nadinga ana phudoh ahipon ahi.
Th Muiva in apuikon phat a amin
Nagaland a cheng adeh a 14 Major tribes hodinga kiphinna ana pat ahi in hiche kiphinna hi Manipur a cheng Th. Muivah in hijack abol a adeh a Ukhrul a cheng Kuki hodinga phulah na a anei ahi.

Adihtah a chu Tangkhul hohi Manipur a Christian himasa ahivangva Social leh Cultural langa hi Kuki te sanga nemjo ahiuvin ahi.

Tangkhul hohi khokhat leh khokhat Meilhei pao a kihou ahiuvin hiche hi 1957 a Imphal a High School kakai lai in ka umna a Thangkhul hohi khodang a hung ho toh Meilhei pao in ana kihou jiuvin ahi.

Ukhrul khopi a pao chu Tangkhul pao ahi tia School a ahil uleh Tangkhul pao sohdoh ahi.

Hiche tobang Spirit hi Kuki holah a umlou hi vangset umpen ahi.

Naga tehi a politics uh KUKI te bang a thisan a kimat na aum Political compulsion leh Political Covenience
a adihlou 2 kigom chu adih 1 hi theilou ahi.

Two wrongs cannot make One Right kiti ahi.

Hiti ho jouse hi khonung in Nagaland Governor leh Naga Peace Interlocutor anahi R.N Ravi in hitin asei in akimu in ahoi iñchuleh adih lhehy in ahi.

Hichu ipi ham?”
Nagas have no political right to fulfill autonomy under soverign rights.

The vexed Naga political issue historically and luiguistically failed and they are not qualify for sovereignty and integration based on artificial make up story.

The land they claimed are historically and linguistically for Kuki people.

Achunga R.N Ravi thusei hi India a miching kol hohin eiho sanga ahe jouve tithei ahi.

Aseidoh penchu ipi ham iti leh History leh Pao dungjui a ivet leh Naga te Politics hi fail ahi ajehchu a History uhi asemthu uh ahin apao jong common language a6neilou jeh uva Nagamese atiu corrupted Assamese khu official language a anei uh ahi.

Kuki te chu George Abraham Grierson ICS in Linguistic Survey of India 1903 a ana bol a Kuki language chu Frontier Province a 6 Major tribes lah a khat a identified anabol a Kuki te gam hop jong map ana sem doh ahi.

Chukit leh kagam atiu hi sot lai a kipat a Kuki te letna leh lalna gam ahi.

Tamenglong kiti khu Laijang khopi tia Pu Tintong Haokip haosatna mun ahi.

Ukhrul langa Chahsad kiti khu Haokip te bulpi Doungul pa letna leh lalna gam ahi.

Tangkhul ho hi kho khat le khat kibulu to a kitha kimat Chahsad ten ana huhdoh hou chu kai ana peh uva cham le lungmon a ana chen nao joh ahi.

Hiti ho jouse chu ning tamtah a kon a ivet a ahileh Naga Political Movement Th. Muivah in hem le thal mangcha a agih jeh a Manipur a Naga hon jong anung ajui a tua Naga peace settlement jong Nagaland a Naga National PoliticalGroup NNPG Forum thingnoimi 7 kigom hon Govt. Of India toh aseichai sao chu Th. muivah jeha sign kibol theilou ahi.

Tangkhul hoh Nagaland a Recognized tribe a apan loujeh a athu hi Govt. of India hi khongai bou ahi.

Achaina in tuni a iseinom pen uchu houlam a kivaipoh nahi adih chet chet hihih jongleh 70 to 80% hi adih a kigel a kichelha ahi.

Ahinla Naga te politics Th.Muivah lamkai nahi 100% a dihlou ahi kiti jongleh dihmo ponte ajehchu Politics bolna a Pathen min apat uva mona neilou nunao chapang 1000 val atha uva hiche
NAGALAND FOR FOR CHRIST kiti a giilhunding hamsa ahi.

Lhung jong lhung ponte ajehchu Pathen min pat a mitha chu Politics hileh Hou thu hi jong leh khatcha a kitoh lou ahi.
Pathen min a a thing lhang leh Chistian pi u thading anatio ahi.

Th Muiva kiti pa Pathen kom ah atao jui nalaidem ?

PATHEN IN ATAONA ANGAI LHA NADEM ?

Achaina kei in hiche Ethnic cleansing tia ahinpat uva UNC hon QUIT NOTICE
Kuki dated November 1992 a notice ahin bol uva R K Thekho leh Francis soikai na hung um bana September 1993 a Genocise a hin nei uchu Kuki ten aitih in haimi ngaidam thei tapon te.

A chung a Christiam hima sa ahivang a Christian hidan uhi tunichan a lhagao lang sang a Social Forum hijo nalai ahi.
Christian in Christian a hipio thading tichu Bible hoi laya kisun ahitadem.

1000 val ahintha uva chuche phatlai a Manipur Governor Lt. General V.K Nayar in President Of India kom a dated 5th 1993 a Report chu ivet leh chuphar laiya Manipur a Chief Minister anahi Rishang Keishing in anatosot jeh ahi tia President of India kom a ReportOctober 3,1993
ana pehchu
adihlouna ima umlou hel ahi.

Ahinla vangset umtah in chuphat lai a
KUKI INPI ana po
Pu T. Kipgen leh Pu P.Gangte in Good Conduct Certificate ana peh lhonchu da umtah khat ahung hin ahi.

Hijeh chun Governor Lt Gen V K Nayer in

THUDIH KASEI LEH KA KHAM KA LOST BEP E
anati lo ahi.

Articles hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Site nalut a notification pop up hung potji ho allowed anabol ji uvo maban a thusim thah ahung ki post teng notice namu ji diu chule Bell button a subscribe kiti chu meh un.

Previous articleDINGPI LHANG’A KALUNGSET PAHJEM-III
Next articleHENO NEIHOL DA TAN, KEI NENGBOI KOMA KACHE TAI

LEAVE A REPLY

Please enter your comment!
Please enter your name here