Home Lahkhom PATHEN MI NAHI NAHI LOU ANOIJA POINT KIPE HO A KONIN KIKHOL’N

PATHEN MI NAHI NAHI LOU ANOIJA POINT KIPE HO A KONIN KIKHOL’N

153
0

By Shonkhogin Hegin Haokip
Maranatha Cottage Hebron Veng
Phaipijang Langol Imphal West # 9774096152

Shonkhogin
Shonkhogin

Ahin Pathen mi nang ma vang hichenga kon chun jamin, chule chon phatna, Pathen ngaisah na, tahsan, ngailutna, thoh hatna, nunnemna hicheng chu del in.

I.Timothi.6:11 .

Tunia dingin, Pathen mi nahi nahilou kho nunga nakihet doh a nakisih sangin tunin itobang mi nahim nang ma kikholin. Hiche thugol hohi, Pathen mipa Zac Poonen a kona kiladoh ahi. Amahi Pathen mitah ahin, Navy Officer a kona resign ana kibola Pathen na ahintoh ahi. Ajinu jong Medical Doctor ahi. Chapa li aneilhonin achapa liho jong abona Pathen deibangtah a jineija, abonchaova Pathen manchah thei cheh vetjui theicheh chapa li le mounu li ahin semdohlhon ahi, tun anoija kipe thugol hohi eimacheh in kikholna in nei uhite :

 1.Pathen mi kiti chu Pathen maija dingjingin tin nisihleh a aw ajah jing ding ahi.

Pathen mi kiti chun alungthima Pathen tilou thanopna dang anei poi. 3.Pathen mi kiti chun Pathen gingin tin, chonsetna kiti lam pou pou chu athet bola chon phatna angailut ding ahi. 4. Pathen mi kiti chun lungsat lunghan nale jonthanhoina lungthima konin galjona neijintin, chonset bolsangin kithi leh phante tichan geijin apangji e. 5. Pathen mi kiti chun, nisihleh across kiput intin achamkim lamchu amanojing ding, ahuhhingna chu  tikithing pum puma pohdoh tei ding agojie. 6.  Pathen mi kiti chu Lhagaotheng dim set ding chuleh lungset na kiphutchah kheh ding, koima chan ato akalkang jou lou ding ahi.

       7.Pathen mi kiti chu kineosah tah a thutah a akiphu lut jeh a chu, mipachatna ahilou leh alhagao lama akhan toujeh ham ahilouleh thil imachan  asuhlhuh jou lou ding ahi. 8.  Pathen mi kiti chun Pathen hina hohi athu a konin he them intin, Pathen thu peh hohi aneopen jong juilouleh nahsah mon koiponte.  9.  Pathen mi kiti chun Pathen thupeh hohi phongdoh in tin, hou dihlou chuleh Pathen thu toh kitohlou chena lhong pi hohi  hohsal inte. 10. Pathen mi kitichu Pathen mi ahina le Lhagaotheng a Konin Pathen na kona thuphondoh aneijing ding ahi. 11. Pathen mi kiti chu pontho tah leh kitup tahin na atong Jinge, chuleh atohna a jong tha nom tah leh nomtah in atongtheije.

12. Pathen mi kiti chu hinkho kitup tah a manga thilhahsa hunglhung ding khoh asa poi. 13. Pathen mi kiti chun thil mantam tam a kivonding adei pon, gam ve(sight seeing) gam chomchom gavetna sumle pai chu leh phat ho apha chom louva suh mang ding adeipoi. Chu leh thil jong aphachom tahtah tilou achonompoi. 14.  Pathen mi kiti chun  nehle chah atui a al aneh phat jong leh aphabep akihet ding ahi, atuinai tia amoh neh neh poi, chuleh music , sport chuleh adang dang hinna theilou ding thilho angol pi poi. 15.  Pathen mi kiti chu Pathenin hah sahna jatchom chom tichu, suh gentheina, thohhahsa, adih louva kingohna, tahsa dammo na, sum lepaija genthei na, insung mite a kona demna chu leh houlam kai hoa kona demna hiti ho jouse a kona athohje adouje ahe themsa ahi jitai16.Pathen mi kiti chu hepina dimset hiding, ajehchu chu ama chun achonse pen jong lainat pina aneija kinepna apeh ding ahi, ajehchu  ama tah chu achonsepen tah a anakingaito tah jeh achu hitabang lungthim chu anei ahi. 17. Pathen mi kiti chu vanna um Pa Pathen lungsetna a chu thuhtah a kikhuolut (deeply rooted) na, ima cha lugkhamlou ding, satan hihenlang mipha lou jong akichat lou ahi.

       Hichen hin gahkiveu hitin, point 17 lah a hi ijat tobang nakito pihinam tin eimale eima gah kikhol uhite. Pathenin asimho jouse phatthei bohtahen.

Articles hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Previous articleCOVID 19 SUT KIPANA THU PA: Gospel Dah a ging tai
Next articleEIHIL LA OJA NGAILUT TO THOA JABOL DING