CHOLNGAH NI PATHEN THUHIL
: Pathen nganse jou a eiman kinunglah hi ipi aphatchomna um ahidem?
Asun:
N.Lhungdim
Thangting House
Molnom- West
16th August 2020
Bible chang :
Psalms 37: 3-7
Psalms 23: 1-3
1st Peter 5- 7
Achung a Bible chang tamtah lah ahin
1 Peter 5-7,
“ Na lungkham na jouseu chu ama chunga seplha uvin ajehchu aman na khankho diu agel nai”.
“Houbung la 100 na
- Iti nop hitam Pakaiya,
Ki ngaiya cholng’a ding ;
Na thahat chun nei tung ding’in,
Ka lung lhahna chan’a.
Chorus :
Na lunggel lungkhamna jouse
Sep lhan abonchan Achung’a ;
Na lunggel lungkhamna jouse,
Aman nakhan kho ding agelnai.
- Ka lunggel jouse Nachung’a,
Ngaleng Nalung ahi ;
Ka lung hesoh genthei jouse,
Nangman na hesoh nai. - Na mi lungset khoto ging chan,
Nangma lam jeng kavei ; ,
Ka lungdon hesoh na channa,
Nangman lungmon neipen. - I-bol’a ka lungkham ding ham ?
Khonung thu ding gelna ;
Ipi ka kichatpi ding ham ?
Pakaiya kingai leng.
Houbung la No.94 na a
CHONSET LUNGDON GIM POMANG DING
INEI UI GOLPHA JESU.
- Chonset lungdon gim pomang ding,
I neiyui golpha Jesu ;
I jakai ipoh lut thei diu,
Pathen heng’a taona a ;
Lungdong lungmong mo hesoh a,
I ding gim ithoh jiu ham?
I lhut lou jeh jiu Pathen heng,
I taonauva ijakai. - I neiyum thunoh le lhepna,
Lungjin lungdonna umam ?
Lung lhalouvin um jing’u te,
Pathen heng lhut’in taonan ;
Mu nau hitem golpha adang ,
Ei thoh khompia ginchat thei ?
I hatmonau Jesun ahei,
Taovun aheng lhut soh-un. - Hatmo le pohgih po ihim?
I lel’um pohgih pohna ;
I beldiu Jesu aum nai,
Taonan aheng lhut soh-un ;
Gol’in nadeimoa napai em ?
Taovin Pakai heng lhut’in ;
A bante nia nang huhhing’a,
Nangman nomsa tading chu.
Hiche achung a la ni hi phatah a ivet leh hingjing Pathen tahsan Jesu Christa Huhingna Tahsa, Lhagao leh Lungthim, Lunggim Genthei na tamtah leiset mihem tahsan ten ihinkho uva ihinto houhi atamjo hi Pathen ngense a Pathen kom lhut lou a eima ho Hetna, Chihna, Hatna ho songa iki maitopi jeh uh ahipen in ahi.
Hiche hi Solchah Paul in alekha thot na a aseibanga Tahsa leh. Lungthim leh Lhagao kitho a leiset Lunggim, Lungdon na neilou beh mihem umlou a kham cheh a neisoh kei ihinkho uva hi Lunggim
Lungdon na ,nat leh sat hohi abailam pen a Pathen a kingai a Pathen ngense hi hin ol na leh dam olna ahipen e tihi tahsan chate jousen ihet sohkei uh ahi. Setna gal hi aphatseh in kimutopi a kidoupi jing ding in aum jing tobang ahi. Hiche setna hi ahi thei chan a kidoupi sese lou a setna a kon a kidal doh ding joh hi Christian te hin ding dan kahinkho a kamu le kahet experience khat ahi. Ajehchu setna chu Pathen thahat songa ikidoupi leh jou jong kijou khat nante hijong leh setna chu lhagao ahin lhagao lah a jong lhagao phalou ahi. Mu theilou lhagao phalou khat toh mit a muthei tahsa kidou chu ichan hamkhat gei a kilem teitei[bruised] ahi. Lem sanga kikangse a achon na kihedoh chu damna joh ahi. Setna chu kimaito a kidoupi sese angaipon ahi.
BUHSE ivei toh kimat a thu kisei khat in damdoi lou ineh leh ni 7 a kidam inelou jong leh ni 7 a kidam kiti bangin buhse vei a louneh a dam sanga buhse veilou na dinga kiven chu thilpha jo ahi.
Ajehchu kidam leh kidam hih leh lou kine henlang kine hih jongleh alhompen a ni 7 kina a hesoh kithoh ahi.
Kahinkho a kato leh kahet chun tahsan chate tamtah hin Pathen kangen se e Pathen phasah sah hitan te tia isei jui uhi 100% in adih juipon ahi. Pathen kangense e Pathen phasah hitante iti vang uvin midang khat ahilou leh thildang khat ingense uvin Pathen phasah hitante tia isei vang uvin itheilou kah leh iki nunglah kit jui uvin hiche leiset tahsa leh lungthim hesoh genthei na chu eima in suhbei ding leh suhmang ding igel uvin hinkho hi imang jui uvin ahi. Hiche hi phatah a kagel leh adih behseh lou isei uva Pathen jong atah tah a ngense lou a ama phasah sah hitan te ti umlou a eima phasah leh deidan joh a hinkho iman uhi achomlam tah a sei ding in ilunggim nao ilungdon nao hi Taona a Pathen kom kicheh tah a thensel a ilhut lou jeh uh ahipen in ahi.
Houbung La No, 94 na a
Lungdon Lungmong mo hesoh a iding gim ithoh diu ham? Ilhut lou ejh jiu Pathen heng ita nau,
a ijakai hiche lachang hin phatah in eihil chen uvin ahi.
Pathen kom lungtheng sel a ilhut lou jeh uva ichung uva Lunggim Lungdon na hi eilha kang lou uva um jing jeng ahi. Kahinkho ah kalunggim lungdon na kachate chunga kalunggim kalungdon nahi tamtah um jongleh 100 lah a 50+ tobang hi khat chung ah aum in hiche hi kum 30 lang. kajinu to kitho a kalung katha kanei kanga jouse it lou hel a Kaman lhon vangin keini deibang in ahithei chompon tutu hin kalung dong ma ma tan ima jouse hi Pathen kangense in Pathen
phasah sah hitante kati leh kalung anop jep in ahi ahivangin katheilou kah leh kaki nunglah toh akilou ji in lunggimna chun 100% in eidalha theijehl hiche hi Pathen kom a taona a ka lhahsam jeh jong hikhat inte.
Tuni a iseinompen uchu Pathen kom a Taona hi thanei chungnung Christian te dinga Galvon Phapen leh Hoipen leh Mantam pen ahi tihi ihai loubeh diu ahi. Taona a hi Gal isat diu, Taona ahiGal ijo diu, Taona hi Pathen to kinaina, Pathen ngense na 100 lah a 100 nei a Pathen a kingai a Pathen phasah sah hitante ti 100 lah a 100 inei thei uleh Christa Tahsan te hin Chamna leh Lungmon na chuleh Kipana inei diu ahi.
Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.
