CHOLDONI PATHEN THU HILLHANG.
Gin leh Jabol kikhehna ipi ham? Muthei leh mutheilou kikhehna.
Asun:
N.Lhungdim
Thangting House
Molnom- West
Date: 12.07.2020
Bible chang
Thuchih 1: 7
Bible NIV ah,
The fear of the Lord is the beginning of knowledge.
Hiche Kuki Bible kilemasa O V [Reference ] ah
Pakai gin kiti hi hetna bulpi kipatna ahi.
Akile nukhah Kuki CL [Reference] ah ahileh
Het theina dia amasa Pakai jabol ding ahi .
Theology sima hetna thuh tah neivang kahipon Bible hegil ho seidan in tillai in Israel ten Pathen hi amin aphah ngamlou u ahi akitin ahi. Hijeh a chu Hebrew thucheng a YWH thumal 3 a ana het jui uleh anasut jui u ahi akitin ahi.
Pathen in jong Mose kom a , I AM WHO I AM , tichu Keimachu Keima kahi jing in KEIMA kitichun naheng uva eihinsol ahi nati ding ahi tia Pathen chun Mose Egypt gama Israel te puidoh ding a Pathen in akou a sol a chu Mose in kiphatlamna thu asei leh Pathen in hitia chu athulhah na ahi.
Pathen min chu kimohpah phah ngailou tichu kiphah ngam loujeh a Kitepna Lui a hi God Pathen kimang lou a Lord Pakai joh kimang ahi. Ahinla God leh Lord tichu Pathen leh Pakai chu khat ahi bouvin ni seina ana pon ahi.
Jesu Christa penmasang a hon Vo Pakai atio chu Jesu Christa pen joua Christian ten Vo Pathen ti a kikou thei chu akikhehna umlou thakhat ahin ahi.
Vo Hepa tia kinaipi tah a kikou tabang ahitai.Thil phalou ibol lou leh ipa akikicha ngaipon ahi.Hijeh a chu Bible Ephesia 6:2 Pakai jal’n Nanu Napa thun nung in NANU NAPA JABOL IN ati ahi.Anu apa JABOL lou ho ahing sot ngaipon ahi. Amani hi leiset a mit a muthei Pathen ahi. Anu apa jabol chun Pathen a jabol ahi.
Tunia iseinom pen uchu Pathen /Pakai chu GIN ding ham ahilou leh JABOL ding joh ham ? ti hi ahi.
English Bible atamjo ah FEAR tin aleuvin hichu eiho Kuki Bible ajong GIN tin ana kile i n ahi.
Ahinla kei favurite Bible Verson The Living Bible ah fear lheng in Trust and Reverence tin akile in ahi. Hiche The Living Bible hi paraprase tichu [express the meaning using different words to achieve greater clarity]
a kisun ahi jeh Bible thucheng hohi ahetbai in akicheh jon ahi. Vetsahnan Bible a Mathew 6:33a
AGAM LEH ACHONPHATNA kiti abstract word tichu lunga bou um tahsa a hilou ahin bailam tah a moh het thei ahipon ahi. Agam leh achonphatna holmasa un kitichu The Living Bible a avet leh amasan Pathen chu khatna in koi in tin ale in
akicheh sel in ahi. Milham hoding a phapen ahi katin ahi. Bible kile masa OV Reference sang in kilenukhah CL Reference chu thucheng tamtah milham ho hetbai in ahung kile in dei aum jo ma ma in ahi.Agam leha chonphat a jong chuPathen deilam tin ahugie i chuleh Vetsahna kit in Mathew 5:3 a , Lhagao a vaicha ho kitichu Lhagao a chimtih neilou tia ahung kile leh ahet bai kasa in ahi. Bible thucheng Theological terms ho hi milham ding in het hah sa ahi soh kei in ahi.
Tunia i thupi u GIN leh JABOL English a Fear and Reverence kiti hi hitin kisei leh kicheh pen inte kati e.
Mit a muthei hi GIN ahileh apha pen in ahoipen in ahi. Ahinla mit a akimulou phat
leh GIN kitichu
kitoh talou ahi.
D C koma iga cheova chu D C pa khu Gin ding ham ahilou leh JABOL joh ding ham ?
Gucha hon Police akichaovin gucha lou hon Police officer IGP,DIG SP ,Addl S P ho khu kikicha lou ahinla kijabol ahi.
Chate chun anu leh apa a mit a amu pet u ahileh a Gin uleh adihlou apha lou abol loudingu ahi.Ahinla nulepa muphahna lou Delhi, Mumbai ,
Hyderabad leh Bangalore a um phat uleh GIN sanga JABOLna anei uleh thilphalou deiumlou ho a kona kikangse a ki heimang thei dio ahi.
Iseinompen uchu Pathen chu mit a mutheilou Lhagao ahin hichu Pathen DEILAM a umnading a chu Pathen GIN sanga Pathen ki JABOL leh Mathew 7:
21 a ,
Pakai,Pakai eiti chan chu vana lenggam lut louding ,Van a um ka Pa DEILAM bol ‘a bou lutding ahi.
Pathen Deilam bolnading a Pathen mit a muthei lou hi GIN sang a JABOL joh ding ahi ti hi tahsan chate jousen hetcheh ding hinkho a mi mulou a thilse thil dihlou Pathen deilou lam ito phat leh setna a kon a ondoh nading leh Setna GAL idou naova Pathen JABOL hi thil khoh pen ahi tihi ihailou helding u ahi. Ajehchu mi mulou a aphalou bolding hi mi mu a bolding sang a tam jo hijing kei ahi.
