Home Lahkhom PATHEN GINNA HIN THIL PHALOU TAMTAH A KONA NAHUHDOH DING AHI

PATHEN GINNA HIN THIL PHALOU TAMTAH A KONA NAHUHDOH DING AHI

156
0

By Shonkhogin Hegin Haokip
Maranatha Cottage Hebron Veng
Phaipijang Langol Imphal West # 9774096152

Shonkhogin
Shonkhogin

Pakai gin kitihi chihna bulpi ahi. Veuvin, Pakai gin kitihi chihna chu ahin, thilsea kona kikangse kiti hi hetkhen themna ahi.

Prov.9:10. Job.28:28

Eihon Pathenhi ipidinga igin dingu ham ? Ajechu Amahi gindinga lom mong mong ahi. Amahi eisempao Pathen ahin, vanle leiset le asunga um thilho jouse sempa ahin, chuleh Amahi eihuhhing pu u ahi. Aman thil jouse ahetlou khatcha Jong aumpoi,(omniscient). Mun jouse a aumin (omnipresent). Chuleh thiljouse chunga thu neitah jong ahi.(all powerful). Koihileh Pathen ginna neipa neinu chu mi hampha ahi.

Pathen lungsetna jal’in, kenjong Pathen ginna jal’in kahinkho hi gapsap na thei thilphalou tamtah a kona kanahoidoh na chu, keima phatna jala ahipoi. Pathen ginna jala chonsetna tamtah a kona anakihoidoh ahibou ve. Adeh in hinkho then louna lam dol hihenlang, nehphalou donphalou ahilouleh khamna thei thil dangdang hoa kona anakihoidoh nahi Pathen ginna jal ahibouve.

Pathen ginna hin chih nale hetna jong eipeuvin, chuleh ase apha hetkhen na jong eipeh thaovin ahi. Hijehchun, Pathen chihnahi ineija ahileh thil jousehi akitup theijin ahi, chonphatna lama thanop na umintin, chonsetna lama thasetna umding chuleh apha chomlou ding kiti phot phot na chu thanopna umlou ding ahi. Chuleh Pathen ginna nanei leh nathina thei naman nathei thilhoa natha nomlou helding, mi khat in napachat ding deimana imacha danger muna nalut lou helding ahi.

Ajehchu, namelma diabol chu keipi bahkai kitumletlut banga koi kavalthum thei dem tia hollea vahle ahi ati banga chu, aman navet lhih jing ahin, suhmangnathei chance napeh a ahileh aman abol jeng thei ahi tihi sumil pou hite. Pathen gin kitihi apha chom louding thil kiti poupouva thanopna umlou ahi. Amavang aphachom dinga chu thanomtah hikit ahi.

Pathen ginna hin sumlepai mandan jong aphachom lama mandan eihiluvin, nehle donjong ipi neha ipi don dingham tijong eihet sah uvin ahi. Chuleh inchen louchen na a jong ama hinabep a inchen louchenje ahet sah in, ama hina sanga sangjo jo a vannoi miteho umchan tholou vin, aneikhamkhama hinkho manje ahetsah in ahi. Pathena kona chihna kitihi koimachan avese ngaipoi.

Amavang mihemin amahina valval a ahungkiloset phatleh hetlou kahin lhepna a alhalutjitai. Hijeh a chu Pathen ginna kitihi neilou akhohdan chu, Pathen akiginlouleh guh-thima bolthei ngen ahitah jeh hin, phatna ding mong mong aumpoi. Pathen naginna ahileh, aman imajouse ahetjeh a chu, nangman guhthimin ipi boljongle chun, ahetsoh kei ahin. Chuleh hoilai muna kiselchah kheh jonglechun naumna nakiselna muna jong chu ama uma ahi. Chuleh aman abolmo imacha umlou ahi, alung alhaileh thilpha bol na dinga bolmo umlou, alung ahanleh suhmangmo imacha umlou ahi.

Hijeh chun, sopiteho, Pathen ginna neija ama deibangtah a hinkho manchu gamchenga phajoding ahi. Ajehchu ama masanga ipi nabola nakisel thei dingham ? Ostrich kiti Vacha len tah nielgama akiseltoh ibah diu ahi. Ostrich kiti Vacha jatkhat hi aletnalen akenga lhaitho ahin, gamlenghon Nielgam (desert) lah a adeljiu leh kiselnathei aumloujeh chun, acholbehseh phat leh aluchang Niel lah a asulutin akisel chah kheh jin, ahinla atahsa pumpi chu dohtettut a gamleng hon anung kengtenia noptah a akimatjiu ahitai. Hitabanga kiselchu danger tah ahi. Pakai koma lhailuta, ama koma kiseljouhite. Pathenin asimho jouse phatthei eiboh peh taohen.

Articles hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Previous articleJORHAT TOULPIA-II
Next articleNAGAS WILL NEVER JOIN THE INDIAN UNION AND ACCEPT THE INDIAN CONSTITUTION