NAO, NAHOI CHOM CHOMIN,
KADEI CHOM CHOMIN.
KAHIN NGAI CHOM CHOME
By- Thangboi kip’s
9531808617
09-September-2020
Hiche article hi mipa hung hiding gollhang ho jouse leh, Mipaho jousen anasim cheh-utin! Mipate jousen
i-jiteu komah anasei cheh-ute.
Ajeh chu pachat kitihi alen aneo koima adeimo akium poi.
………………………………………….
- Kichen kitihi kipani hihen, lunggim lungda nikho hijongle Eikipapi’a eilhamon theidingle eima bang banga eilungset thei itahsa langkhat ikimuni. Eden hon’a Pathenin numeile pasal kah a anakoipeh guitanlou lungsetna leh thutep suhbulhit nakhat chu ahi.
- Nupa’n kingailu tahle, kilungkhat tah a inchen ahinsem khom tengle! Insungnom vangam naipen chu ahung hijin, chuteng kichenna phutdoh pa Pathen lunglhai naleh tahsa le lhagaova damtheina jong ahunghi jitai.
- Numei hinkho hi lungset umtah ahi. Nangaito khah em? Numeiyin, anu apa a-insumgmi aphung achang dalha a damsunga lungmonpi dia nahinbel ahitan. Nang tailou alungset ding umlou tina ahijenge. Nangin jong ngailutna dihtah a nalungmonpi a nachenpi angaiye. Nupa kitihi kingalu tah kilungset tahle, kihomtho tah a chengkhom dia Pathen jang-gop ihiuve.
- Insunga kipah theilou mipa nahi a, jingkah nilhah a najikoma! Namehon atuipoi, nabuhon kadupoi tia ankong phung nadalhah ji-em?
Mi ngailutle khotoje helou nahile, Ngailutle khoton nangjong nahin dalhah nikho hung umding ahi.
- Aji chunga kipahtheilou le lungkim theilou pasal chun, jidang tamtah neijongle akipahthei dehpon, alungkim theidehpoi. Hijeh chun na sanakhang chulpi nasenjitoh midang tehih beh-in.
Ajeh chu kingailutah a chengkhom nupa hinkho nopdan chu, sanakhang khatma ma ahiye.
- Numei hi pasal sangin achulbai jon ahi. Alung genthei jeh jam? Ahilou leh
nao ahinvop uva cha ahinnei jou deh deh uleh akikhel chom jiuvin ahi.
NAJI DAMTHEI DING LE MELHOI JING DING NADEI LEH:
…..Nikhat sunghin alhompenin (2/3 times) nivei thumvei beh nuisah / kipasah jingin lang papoh ahilou
leh phatseiyin. Nuihi damtheina,
kipa jinghi melhoina ahi.
Nute adia damtheina le
melhoi nadia “MAKE-UP”
hoipen chu PATEN,
(a) NAO, TUNI CHU HOI KANHINSA CHOM-CHOMIN.
(b) KADEI CHEH CHEH-IN.
(c) KAHIN NGAI CHEH CHEH JENGE.
(d) I-KUM LHON ATAM CHAN IN KAHIN HOMTHO CHEH CHEH-IN NAKOM’AH KAUM CHIMPOI.
Tia naji nakipasah ji nah-em? Hitia iphatsei
jiteng apah a kipah jiu ahi.
Alungthimu ahungkipa tengle
atahsao jong adamtheiyin,
adamthei tenguleh nute-hi
atah tah a amel-la mel hoi jiu ahi.
- Insunga kipah theilouva kinopmo jing hin, hinkho gentheina keu hilouva lhagao lamvaina leh satan thanga O najong anahi-ji. Hijeh chun avela pengkit louding hinkho chomcha sunghin, najitoh kipah tah a chenkhom ding sumil hih-in. Hiche kipana chun ilhagao hinkho jong ichan hamkhat na asuh-hal jou ahi.
📖 THUHILPA 9:9 HI VEN!!
Pathenin nipi noiya
napehsa nahinkho pannabei,
Nahinkho lhumkeiyin
nadeitah najinu chutoh
hinkho nomselchan
manglhonin. Ajeh chu
hiche-hi nipi noiya
nangman natohga na-hinkho
sunga nachan ahibepm’e.
Hijeh chun hinkho
chomcha hi geldoh jing
pumin! Kinah kibao nading
tampi umjongle, ngailutnan
kingaidamto-un. Ngailutnan jolel aneipoi. Ajeh chu Pathen chu ngailut ahi.
Christian insungnom
semdoh nadia minu/mipaten
ahet diuva deium tahchu
I-nungah igollhan laiya,
Christian insung khat
semkhom hite tia! I-kinop
tonia i-kingainaleh
ikilungset nachu, tehnung
voi-nung hijongle pahbanga
pahsah jing ding ahi.
“NAO, KAHIN NGAI
CHEH CHEH-E”
(Hiche thucheng-hi nuten Ulsa longa nilhum’a agimna hou haimil khopma akipa
natheiyu thu ngeitah ahi.)
Asimdoh jouse Pathenin
phatthei eiboh cheh tauhen,
kakipah-e.
