Home L Seikholen Khongsai PASAL THUM GAMLENG HO THUSIM

PASAL THUM GAMLENG HO THUSIM

67
1
PASAL THUM GAMLENG HO THUSIM
PASAL THUM GAMLENG HO THUSIM

Gamleng/Sakap

Writer: L. Seikholen Khongsai,
Laijon Sauson, Tuibong
Nisim 9th April 2022

Hiche foto muna thilsoh ahi.
Hichi muna hin pasal hangsan cheh mi thum gamleng/sakap din gam geh a ana che un ahije. Jan ahung hi ding phat’in mi ni chu aki go lhon nin aloi pa lhon chu buh ngah ding le an hon din adalha hon tan ahile aloi te ni che ding phat’in hung kile vah lhonin lang hung vangpha lhonin tin aki khen tao ve.

Aloiteni jong kolpang lam khat ajon lhonin khat pa hin achung lam aki jot tan ahi. Jan ahung sot tan lha ahung vah tai. Hichun gamlah a chun sa ahung ham tan ahile kolpang lam pang pa jong akigo tan sa ham nalam cu ameipuma adoi jin ahung so kal angah pan tai.

Hi tia sa hung na ding lam avet jing lai hin sa la ahung soh doh mong mong tapon, apung avet le 10minutes lam alut tan amu lou phat in
Lungna tah in atou tan hile hiche pet tah chun achung lam ma Sa khat ahung ham kit tan ahi.
Aman jong chung lam ngan ameithal ahei doh in anga a adoi jing lai hin anung lama hin mikhat ahung nui lhadah dah jeng tan ahi.

Hichun golhang pa jong aking lot jengin, agah kiheija avet le, nungah melhoi tah khat anahi tai. Amapa jong golhang hang san tah ahin , kicha lou hel’in a-umin ahi. Aman jong agel tan,
Mihem ki ti hilaija achangseh a jankhang noija umlou ding dol ahin thilha nungah hi ding ahi ti ahe ngal tan, aman jong lungthim nei tah in ahou lim pi tai. Golnu ipi ti tale na ti ham tin adong tan ahile, numei nun jong ida kicha lou va um nahim koi kahi nei het lou ham a titai. Golhang pan jong koi nahi kahenai hinla bolset bolkhel kanei lou jeh in kakichat na ding aum poi tin adonbut tai.

Nungah nun jong asei tan, henge mihang san nahin ema nalo ponge bolset jong nanei lou jeh in, hinla nahet ding khat chu tu jan ma ma hilai mun hi naloiteni kipui jin lang dalha un achu ti lou le kahin huh doh jou lou d nahije , hiche mun hi nang ho dia munpha ahipoi atin, hiche asei chai chai chun nungah ni jong amang tai.

Golhang pa jong lung kham tah a akigel lai hin
Molchung lam ma meithal ahung ging pan tan,
Aman jong aloipa sa akap ahi chu ahe ngal tan
Lung sa ih pumin ahin tou del tai. Tha chol tah a ahung lhai jinga sahlang adel jing lai jin
Gebuh lama aloi pa um na lam ma mi pen gin ahin ja kit tai. Hichun kal tou ding ajo tahlou jeh in gebuh lam joh ahin thidel tai. Gebuh ahin phah le mei kitih jong anathi tan , torch ligt akho le le leh aloipa la amu kit ta pon, aloipa hin thil khat ato hi tei tan te atin jan khang’a gam mang lah a mihol je jong ahet lou jeh chun, mei beh ki oihen tin mei chu ti ding ati leh mei ana am nalaijin atih kou vin lung kham tah in a umin, itih le ipi thil hung soh ding ham ti agel lai tah in gebuh noi lam ah mi hai cheh thethu gin aja tan, light avah a agah kho le aloipa gebuh a adalhah pachu anahitai.

Aman jong anailut leh houthei behthei ana hi ta pon, alona je ahet lou phat nin buh sunga ahin polut’in meipanga chun alup sah in ahile haibut ji louvin a umin, amit kang jong alehjin hiti chun a umjing tan ahi. Aki mai le len thing/ginger apoh u ahin geldoh in gangchel’in alhai bongin ato apat alu gei aloipa chu aphi khum tan ahile ahung lim doh tai.

Hichun aloipa chun golpa ipi na ti ham ati le,
Meithal ahung gin cun nungah khat ahung in ,nang ho loi hin kakho pi sungu va hemle thal po pumin na hung vah lut’un na chung thu u ki tan ding ahe atin iloipa toh aleng pao koma ei kai lut un , nangni la kamu lhon pon, thing/ginger neihin phikhum chun, anam sen kidah aume gapai doh un a ti un eihung pai doh u ahije. I-loi palhon hi aum nalai je iche loi lou le atha dio ahitai atin ahi.

Hichun amani jong jan thu um lou vin akipat doh lhon tai. Lha vah noi chun molchung lam chun aloipa lhon hol din akal pan hon tai. Chomkhat ache lhon leh , thing chunga numei khat ahung nui pan kit tai. Amanin jong seilou vin ahe ngal lhontai. Agah vet lhonle thingbah a abung bu lama aki khai jing ahung nui kit tai,,

Hichun khatpa hin kap di atin adoitan ahile aloipan ajah da in kan pon te bol hih in atipeh e. Hichun golhang pan jong neingai damun kabol khel tao ve. Anahe masaleo veng hi ti pon te kathem mo u ve, ati tan ahile Numei nu chun thupeh kanei jou va thil soh ahi ati kit tan ahile, Golhang pan jong keiho mihem kahi un thalhom kahi u ve hijeh chun aphat hom ma kasei man lou ahije a tile Numei nun jong hiche thu hi Lengpa koma thu lhut ing kating ama thutan dung jui hi tan te a titai.

Hichun amanin jong aloipa lhon chu ahol lhonle
Thingphung noi khat ah ahin mu doh lhonin houthei la ana hi tapon ajan janin ahinkipoh lhonin inlam ahin del tao ve.

In ahiphat in thiing aphi khum leo akan tapon , uithi a atkhum leo ahai ahung nom jep jin ahin adam deh tapoi, Aloi teni janmang/dream ma thilha nungah nu chu ahung kilah kit in hi tin asei je. Naloipa lhon dam di nadei lhon le jing kah kho vah le nisa hung so doh masanga hi che molchung/kol lhanga hi Ahkang thengset khat ahinga hung lha leo chun dam tan te atin amang kit tai.

Ajan janin amani jong aki thou lhonin amang/dream asei lhonle akibangin ahchakang theng sel ahol lhonin khovah masangin kol chung lam chu anajon lhonin Ahkang chu aga lha hon in ahung kile lhonle nisa so in khosung ahin pha lhonin aloipa lhon chu anadam tai. Akal a kalse vang hiche mol le lhang kiti ah avelche mong mong tapouve.

©️ copyright: Hiche articles hi asunpa phalna bei a mundang a publish louding in temna ahung kinei in ahi.

Articles hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Site nalut a notification pop up hung potji ho allowed anabol ji uvo maban a thusim thah ahung ki post teng notice namu ji diu chule Bell button a subscribe kiti chu meh un.

Thusimbu mobile app ki install nom hon Google playstore a “thusimbu” tia search nabol u le namu lei diu ahi.

Previous articleSUM HI IPI MONG MONG HAM?
Next articlePAO KITI HI KOIMAN HUTKHATA ASEMTHU THEI AHIPON, KOIMA ANEITUM JONG UMTHEILOU AHI.

1 COMMENT

LEAVE A REPLY

Please enter your comment!
Please enter your name here