Home N Lhungdim PASAL HO WEAKNESS LHAHSAMNA THIL 3 CHU IPI PI HAM?

PASAL HO WEAKNESS LHAHSAMNA THIL 3 CHU IPI PI HAM?

61
0

LHAHSAMNA NEILOU MIHEM AUMPOI.

Asun
N.Lhungdim
Thangting House
Molnom-West

n lhungdim
N-Lhungdim

20th September, 2021.

Leiset ah mihem hi alhangpi in NUMEI leh PASAL tin akikhen in Numei ho lhahsamnan weakness hi achom ahin Pasal ho lhahsam nahi achom ahikit in ahi.

Pasal kiti pou in anoi a 3 ho lah ahin khat tei a lhahsamna anei tobang ahi.

  1. JU
  2. SUM
  3. NUMEI
  4. JU hi atil abul a kipat a Numei ho sang a Pasal ho lhahsamna lentah khat ahi.

Bible a jong phatlouna tampi akijih in ahivangin Christian Bible tahsan Christian hohi ju a ngol leh ju a thi atam in ahi.

Tulai jenga jong hi ivet leh khosung vengsung ahin Judon jeh a thi hi kichai tih umlou in akimu jingin ahi.

Kidang ka sah khat chu a kho aveng a Judon jeh a thi mitam um mu a he a ahivang a Judon haichomdeh lou ho kemtih anei lou hi kadatmo lenpen khat ahi.

Kagel dan leh kamu dan in Pasal hohi Natna Satna a thi sangin judon a thi hi tamjo dingin kagel in ahi.
Ka golpa Pu Tawnluai IDES Director a pensioñ in totna in
Canna kho a moupui golvah tui sih lengpitui kiso sah kipapi ho ahi atin ahi.

Masanga a D.Phailien. a Gamnom Christian Home ana bol teni nupa Pu D. Paokholian leh Pi. Zenkhoman in asei lhon a kei geltoh kitohlou ahivanga khonung a dih kasah khat chu Khamna thei Drug neho sangin JU neho hi adam hah jo e atilhon in amani practical experience a aseilhon hiding ahin adihjo e.

Mit a muthei khamna thei ana bol a kinepna umlou hitam kiti tamtah khamna thei a kon in adamdoh in mi tahsan um tah leh ginchat umtah mi akimu jingin ahi.

Ahinla JU a ana ngol hohi adam thengkit nahi hahsa lhehin kamu in ahi.
Ajehchu athin alung ana nehset deh jeh ahi.

Til a kana gel dan a mikhat in khamna thei drug abol leh damthei kit lou dinga kana gelchu khonung in kamu dan in kana hetchenlou joh in kamu in ahi.

Adihtah a chu JU hi aphatseina lang hilou in mi in tahsa damtheina dinga themkhat khat adonleh ama dinga setna hi behsehi lou ahi.

JU hi atheng athenglou aum in Manipur a JU theng leh atuipen a kisei chu Sekmai ju ahi.

Sekmai JU kiti hi min adon a akham leh atahsa hi ngoi jenga ahivanga alungthim hi lim geh leh chingthet a umthei ahi.

Imphal a High School kakai lai 1957-1959 in Ju kijoh naleh kidon namun lenpen chu KAKHULONG kiti Milong ho kho tua Paona Bazar nunglang khu ahi in hiche va chu Milong hon JU ahon uva ajoh uva chuleh jingkah leh tulai a um talou ehbo a ana pang uh ahi.

Kagolpa leh ka Classmate Jangkholun Haokip tua Major J.Haokip chun kidang tahin jukham hohi alungset inahe bol in lamlen a kho heloulum hojong apo in alhunna ah aga thah jui in ahi.

Keivang chun ima bol theilou ahivang uv a jukham hochu kichat umtah a kana gel ahi.

Adihtah a chu JU hi khut a natong 5
MANUAL WORKER sun nilhum kei a atha leh ajung mang

Thinglhang ahileh loulhou miho City leh Town a ahileh Factory a natong hodinga hi nikhat a JU themkhat adon uhi amaho dinga damthei naleh thahatna pe joh tobang ahi.

Ahinla Office a natong leh khut a natong lou ho dinga ei ma leh eima ol ol a kithanalung put English a
Suicidal tendency anei ji uh ahi.
Nangma nakitha nom leh kon nakham theiding ham ?
Molnom kho tute khat jong chapang cha in Ju don jeh in athi in ajileh achate 5 problem lentah sempehin
adalha in problem umlouna Cemetry ajon tan ahi.

  1. Ani na ah SUM hi inei lou leh hitheilou ilhom nei sanga itam neileh lunggim lungdonna hesoh gentheina hinpolut thei hi
    SUM
    ahi.

SUM HI DEIDING AHIN AHIVANG A NGAILUT LOU DING AHI.

I Bible uva 1 Timothy 6:10 na ah
Ajehchu sum ngailut hi setna jouse bulpi ahin,sum muding ngaitona kihabol nalam ah mi kimkhat tahsan a konin akihei mangun ama holeh amaho thoh natna tampi akisuhkhah lo jiuve
kiti chu kiche tah a ahil chen ahi.

Tulai in NUMEI phabep sum khong MARUP kabol e ti in a in alou joh a jite in le lou tungdoh tamtah akihe
in ahi.
Totnain Numei MARUP bol atam jo MAIDUP
atoh uve katichu 70 % beh dih ding ahi.

Tillai in NUME hohin SUM hi aboipi pon tulai NUMEI hohi tillai 1970 masang tobang hilou SUM a boi atam lheh tan ahi.

Hiche hi a AJI teu sum mu chu lhing joulou jong hikhat inte ajehchu tulai in SUM le PAI lam a kimehgah na ECONOMIC PRESSURE atam in NUMEI ho dei le ngai jong atam in chate chihna thepna Jilna dinga jong School pha leh school hoi College mun chom chom a simsah na ding ahin sum ahung ha kingaichat in ahi.

Ipi hijongleh insung Luboh PASAL hohin dei umleh aphapen chu NUMEI hohi SUM hol nalam ahin kiha kumdasah uleh phapen inte katin ahi.

Kahet khat chu NUMEI akhut a SUM
konlou beh ho in ajipa uh hetlou a SUM asang sang leh mikhat in a lakh a bat alah uhi kitoh kasa hih behin ahi.

Ajehchu pasal in SUM alah tahjong leh asummu toh kitoh a asahjou dinga aginchat jeha ana lah ahi.

NUMEI hon SUM lolou beh a SUM tamtah BAT a ana lah uhi iti sahkit ding ati uham hiche hi kadetmo pentah khat ahi.

Hiche tobang jeh hin insung tamtah aboi in JI tu kinah naleh kingailutna alhomsah in ahi.

Hiche tobang hi insung kimkhat in nato tah diuvin kagel in ahi.

Hiche hi Vangset umtah NUMEIN ho SUM holna a kiha kum behseh hi thilpha leh thil hoi ahi hihbeh in ahi.
Insung amin phat nasang in minset na tamtah alhun akimun ahi.

  1. Athumna a NUMEI jong PASAL a lip leh minse aumlou ahipon ahi.

Apomlai aji acha dalha a pasal dang toh kilhaimang a um jing in ahi.

Ahinla NUMEI ho minset nachu koi tobang PASAL in NUMEI chungchang a aminset leh kithodoh kit nading hahsa minsetna ahi.

PASAL jouse tobang hi abon chakei hihih jongleh NUMEI a lunglut sohkei ahi.

HICHE HI NATURAL HUMAN SEX INSTINCT AHI.
Psychologist Mac Dougall in mihem Hnstint 14 lah a 2nd na ahi.

Pasal hiche neitheilou chu Gay ahiou ngal leh Pasal lhing lou joh ahi.
Hiche Sex Instint mihem instint 14 lah Hunger Instint ban tah
a ahi.

Pathen in Numei leh. Pasal ki ngaicha tipo ding a asem ahi.

.

Ahinla kah lah lah leh PASAL tamtah NUMEI chungchanga a ji khatbou hilou a 2 leh 3 neiloi jong umlou ahipon ahi.

Hiche hi dei umlou hijongleh panmun len leh poimo tuh ho ahilou leh mi hetlou a umthei ahi.

Ahinla milah a hung kilang doh PASAL ho dinga achunga a JU le SUM a minse ho sanga NUMEI
a minse hochu khoh dehset ahi.

Leiset chunga mi minthang tamtah jong atoh nalang a minthang lheh henlang hijong leh JU le SUM a minsetna neilou ahivanga NUMEI.
chungchanga seiphat changlou mi tamtah aum in ahi.

US President ana pang holah a amasaloi Gen eral Eishenhower kiti leh John F. Kennedy leh Bill Clinton kiti ho chu adang ho sanga
NUMEI langa ana minse ahi.

Adeh in President Bill Clinton chua Office a natong kithem chuh Monica Lewinski chu numei leh pasal kikah a kitimatnalom ana neilou hijong leh achungthu aboi in IMPEACHMENT kisan ana bol uvin avangphat man a sohcha nah nah ahi.

1960 lai a U.S President John F Kennedy jong chu amel ahoi in mihou te chapa ahi.

JU le SUM lang ah boina imacha aneipon
ahivangin ama weaknesa pen chu NUMEI
melhoiho chungah minsetna ana nei in ahi.

Leiset chunga numei hoi akithang Marylin Munroe thina chungchang ajong ama minset ding jeha hiche nungah nuchu ana thi ahi tia thulam lengin akisei in ahi.

Tunia iseinom pen uchu PASAL
hodinga lhahsam na a 3 achunga kiseiholah a kichat umpen leh tijat umpen chu
NUMEI ahi.
POH KEH THEI BOM TOBANG AHIOVE.

SUM a minset leh JU a minset chu adamna abai in
NUMEI

a minset chu adam thengna hahsa tah ahi.

President John F Kennedy naopa khonung a U.S President hithei dinga ana koi uh
Edward Kennedy kitijong chu jan khang laiya nungah khat toh jukham pum a Car a lhai nalhon a vadung neo khat a lhailut lhon a a nungah nu donlou a ama munkhat a ahindoh jeha chu khonung a aminset nachu bei theilou a President ajong ding ngam talou ahi.

Hiti ho jouse hi ivet leh NUMEI a kiching tup PASAL hohi pachat umpen ahi.

Masang lai in Bollywood a Filmstar Gollhang hochu Nungah mei hotoh kisei tha jing khat in ama defence nadia asei khatchu keiho hi
MEIKONG toh kichem.
tobang kahiuve NUNGAH
hoi hung kilheng hotoh
FILM
kitho khom ahijeh achu kiven jong hahsa seisetlou jong hahtah dinmun a kadin uh ahi atin ahi.

Eiho lah a jong masang jep a Pathen thusei minthang khatchu
Nungah hotoh aum khom jing jeha minsetna ana to lon ahi.

Adehin Social leh
Politics langa holoi hi achom in koi doh tadio ti ? ati ti ti tajong leh kiseida jenghenlang HOULAM kai lang hohi Numei a akiha ventup diu angai in ahi.

Ajehchu amaho hi Role model vet to a kinei u ahi.

Kum 1970 laichun Pathe n thusei Nagaland lang a hung kon Upa Seikholen kiti khat ahung doh ana popular lheh jeng in mun tamtah a Crusade ana nei in lhagao lam ah mitamtah in ana phatchom pi lheh in ahi.

Ahinla adih jeplou khat chu nungah hon ana ha bop uvin ajenleding
kichuna jeh ham in adih adih lou la akihe hih in nungah lang ah minsetna ananei in aphamo lheh in ahil.

Achaina na iseinom uchu
PASAL
ahipou leh achung kisei 3 ho lah a hi khat tei a vang lhahsam na anei tei uh ahi.

Aneilou beh aumpon aminse loubho chun
Pasal kiching tuptina joh ahi .

Hiche pasal ahina a apenpiu ahi.
Leiset a hung peng PASAL jouse in anei tei tei u Natural Opposite Sex attraction ahi.

Tichu UNNATURAL ahipon ahi.

Hiche Pasal lhahsam na hob hi anei lhom um anei tam umjoh ahibou ahin amaho semthu jong ahipon ahi.

Articles hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Site nalut a notification pop up hung potji ho allowed anabol ji uvo maban a thusim thah ahung ki post teng notice namu ji diu chule Bell button a subscribe kiti chu meh un.

Previous articleFOOTBALLER KAHUNG HI TENG-I
Next articleMANIPUR State MLA ho SALARY:

LEAVE A REPLY

Please enter your comment!
Please enter your name here