(The result of abortion)
By :- Thangboi Kips
(9531808617)
Arrange by : Ngul Kipgen
Kum i-jat hamkhat masang chu ahitai, akhomin vang seida tange, higher secondary school la class-(X) kasima hostel kaum laithu ahi. Kaumna komte chu achateu nungah gollhang jong um ahitauve. Khatvei anu-u hi Hospital akon damjou talou dia ahin nungpoh uva, in a aumpi mai maiyu ahitai.
Nilhah khat-hi aboi dinga aum phatna, gollhang ijat hamkhat injong kaga gepiu ahe. Janlangin ahung laichat pantan; akahleh athijin, akahleh ahung haidoh kitjin, ahung haidohji phat leh, anat chu athoh lal behseh jin, vetngam ngam jong ahiji poi. Khutia thitheilou hingtheilouva athoh gimbehseh phat chun, aji achaten jong avejou tapouvin, tehse hon ajipa komah lhadoh jengtan..! Lungmonga chetheilou lhah ngaicha ahe ati phat u-chun; aloipan ngailheh jongle damlou ding thou-thou ahijeh chun hitin ahin lhatan ahi.
“Kasana khang chulna leh leisetna kangailut pen, Lucy nu nathohna kavejou poi boi. Hinthoh hu thei hileng kanom tangeiye. Neilhahlel u ahijong kahenai, keihonjong kahin lhajoupouve! Hinlah, Pathen tepsa phatle nikhochu lhingkhat jong hitante na, lungmongin nomin chemaitan, i-chate leh na-u ken lhalel lheh u jongleng banjet nin kahin lhauve. Lhaolha selou jeno kasen aangkoi..! Lucynu,” tia ahung ka lhah phat chun achate hojouse akaplou khatcha aumta pouvin ahi. Keijong leiset mihema kahung penna pat hitobang chu katokhah lou jeh chun, kaluchang ah-bom te apha jengin, kalungset valjeh chun pasal jou talouvin aning langa kakap tan ahi.
Ajipan chutia ahinlhah phat chun, ol-olin amit ahinsing’in ahaitan-tan ahi. Ahin, pung makhai jouvel khun ahung haidoh kitin, kichatah leh lhilong pum-pum in Lucypa, “heu, kave ngampoi kache ngampoi” atin akaptan ahi. Aloipan “boi ipi nakichat ham?” tia adoh leh hitin ahinseiye..
“Heu, vangam-ah kachen ahileh, lampi ni (2) anaumin khatchu gotmun jotna ahin, khatjoh chu vangam jotna anahin ahi. Vangam lampia chun kachen ahileh, Pakai Jesu’n einalamton! Hitin ahinseiye. Kachanu ngaitah nahung na lampihi nangho a ding mong mong’a kasem sana khopi, nat thohgim leh lhilon kana umlou nagam, hinthing pahna gamnom tonsot-na ngaichengtoh khenlou na khopi jotna lampi ngeichu ahin, nahin kilhen khah’e. Hinlah, navaigeitai, tua nakilhen ding ahipon; leiset nadamlai kumkho’a chu nanaki lhen ding joh anahitai. Bible ajong kanasei hilou ham? Namasang uvah lampi ni (2) kakoipeh ve, hoijoh nakilhen diuham kati. Nangin thina lampi chu nakilhen ahitai. Ajehchu leisetna nabolkhel leh nachonset na adang jouse kangaidam theiyin, hinlah, NA OI-SUNG’A KHO HEPHALOU NAOCHA LUNGSET NA BEIHEL’A ABORTION/ NANASUH LHAH VANG CHU KANGAIDAM THEITAPOI, hijeh chun nache nading hilang johkhu ahe tin, Damun meidil lang’a chun eisoltai.
Damun meidil chu mitna muphah ahinailou vangin, kichat tijat aumdan athomgin leh, kalemao awgin chu akija pha’in, kaki cha behseh’in kave ngampon, kache ngampoi” tin akaptan ahi.
Akisih a lhilong’a aka vangin; second khat jong phat pehbe anahi tapon ahi. Athoh hah nalom lom’e. 😭 hinding agot lelah anatnan aphal tapon; athile la ajotna ding mun hetsa ameila mitmo alungla thimo damun meidil chu ahi. Thitheilou hingtheilouva vanle lei kikah-a lunglengvai tah a agenthei danchu o. “PANPI THEI HILENG PANPI KANOM TANGAI’YE“, Hinlah, ingailut pen iji i-chan jong eipanpi theilou na phat chu anahitai. Amanvang, hah lheh jongle hiche nichun anahai tan tan; leiset anadalha tai.
Abortion/ Nao suhlhah kitihi bible’in jong aphal pon, i-Pathen lunghan na ahi tia hou natonghon anasei-u jong kaja jing’in, hinlah, phatah in kanahe chen pon; serious tah a jong kanagel lou ahi. Tunvang kahe chen mong mong tan kakicha behseh jeng’e. Sopi nangin jong phat chomkhat jachat ding kichat man a nanabol khah a ahitah leh kinomsot louvin, Pakai ang’ah kipelut loiyin, vaigei khan nate.
🔷 Tuni’a minu mipa inchen hahsat jeh ham, ahilou leh, chate kisangnon jeh ham khatna kihoutoh a abortion bolho hihen lang,
🔷 Nungah gollhang molphou ding kichat jeh-a nao sulhaho hihen lang,
🔷 Damtheilou jeh a damding deina a nao sulha hijong leh,
Achunga kimin phah lah a hi najaokhah a ahileh, kipasal sah leh lungtah betbut louvin i-bolkhel kisih in i-Pakai komah mitlhi longin ngaidam thum tao hite. Ajeh chu itobang chonset na hijong leh kisih a ahenglam hinbel techu i-Pathen’in ngaidam lal aneipoi.
👉 Damun meidil akhun minute khat jong koima lungtah in ki pasal sah jouponte.
👉 Hijeh chun vangam nikho’a nachena ding lampi ni (2) chu hoijoh naki lhen ding ham? Tu hinlai damsung hin kilhen tan sopi..
Mihem hina a seikhel seival aum leh, Pathen’in eingaidam u henlang, asimdoh jouse tahsa leh lhagaovin, Pathen’in eihoupi taohen.
……..KAKIPAH’E…….
Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.
