PAN Card semding dan le apoimo dan

PAN hi Permanent Account Number tina ahin, hiche India mi khat hina a neitei ngai ahi. Ajeh chu hiche jong hi eima India mi hina hetna khat ahi Aadhaar ban a. hiche hi ten digit number hiding ahin chule hoitah a laminated kibol card khat ahi. Hiche hi income tax department in apeh thil khat ahi. Aning akah seida utin aphatchomna ho chu ana sei ute. Tulai Bank account ikihon teng hiche PAN card number angailkhoh khat ahitan ahi. Pan card hi koi tabang ho anei thei ham kitileh alen aneo in aneithei ahi, hiche mong in anei ding ahi tina aumpoi. Chule Govt. natoh nei nahung hikhah le hiche nanei teitei hung ngai ding ahi. Chuleh bank a sum sang som nga chunglam lahdoh eilou le koilut na ding a pan hung ngaicha ding ahi. Hiche hi unique 10-character alpha-numeric identifier tin akihe in ahi athupi dan chu. Hiche Pan hin adoi thupi pen chu sum le pai chena kitup chat a vettup theina ding hi ahi, adih a sum le pai hou ho ding a. ajeh chu igam sung uva hi sum le pai kichem atam in hiche ho matdoh thei na ding ahi.

Ahin eiho ding a jong angaikhoh khat ahi, hichu ahile Govt. a mu ding dol ho sum le pai ho dalna ihin nei teng hiche jong hi documents khat a kiman ahi. Chule kum 18 lhinglou hon jong akilah thei u ahi, ahin amaho a hi achom diu in ahi. Pan number hi hiti a um ahi AELPU5278H  chule hiche card aphat na khat chu validity aumpon ahi. Iti ham khat a naneisa khat jong naman sah khah le a number nahet phot le athah nakilah kit thei ahi. Hiche Pan semna ding hi bazaar a asem atam lheh tan ahi chule asem man hi Rs. 250 toh Rs. 350 kikah ala ji uvin ahi. Chuleh hiche alah u hi atam val e tithei ahipoi ajeh chu amahon jong thil tampi aboipi jiu ahi. Khaile tun ipi ti ikisem thei diu ham chu ana seikhom taute. Hiche semthei na ding Dept. in company ni anganse ahi, amani chu NSDL le UTI ahi. Hiche company teni hi mipi ho beilam tah a akisem thei na ding in online portal ahong uvin ahi. Vetsahnan Google search a khun online pan card tin holsah leu chun hiche company teni website hung chom doh masapen ding ahi. Hiche teni lah a chu khat pen pen ana kilhen in.

Ban nei cha ikihil nadiu vin https://www.onlineservices.nsdl.com/paam/endUserRegisterContact.html a hin ana lut ute. Ahung kihong masapen ding chu form khat hung hiding ahi.

1. Hiche site nalut teng option ni namu ding ahi khat chu apply online kiti khat toh Registered user kiti khat.
2. Apply online nalut teng form namu masatpen a khu: Application type a khu “New Pan” kiti pen khu lhen ding.
3. Chuleh categories a khu “Individual” kiti pen khu nakilhen ding ahi. Chuleh anoiya applicant information khu adihlou umlou hel a nasuh dim ding ahi. Hiche jouteng capcha chu nahet a submit nameh ding ahi.
4. Submit nameh jouteng token number khat nahin peh diu ahi, hiche number chu kijihdoh ngai ding ahi. Nasem chaikah a hiche hi naman jing ding ahi, aban continue meh pei ding ahi.
5. Hiche a chu aban a hi na documents iti na submit nom em tia hung kidong ding ahi. Hiche a e-kyc kiti ho jong aum in ahin hiche authorise ho bou in abol thei ahi.
6. Hijeh a chu eiho ding a aphapen chu “Forward application document physically” kiti pen option chu meh ding ahi.
7. Aban a hi na details ho hung kidong ding ahi, naming umna ho le ijakai abon in fill up in. chule hetding khat chu min a alphabet ni bou jao ho kimang thei lou ahi. Chuleh naming chu khat bou ahi leh last name a koi in.
8. Hiche a athupipen chu Aadhaar details hi ahin hiche iman le documents dang submit ngailou ding ahi.
9. Aban a hi area code, AO type kiti pen hi Manipur, chuleh District ho hoisel in kilhen in.
10. Hiche ho nakichai le achaina ding a chu document submitted a khu aadhaar kiti option umsoh kei ahin hiche ho chu abon a nameh ding ahi.
11. Aban a anoiya declaration hung umding ahin hiche a chu namin le na umna mun sutna um ding hichu kitup chat in sudim in.
12. Submit nameh teng khatvei suhdih nathei phat nahin peh ding un hichu hoisel in venlang sudim in.
13. Aban a hi sum pehna hung hi ding ahin hiche a ding a hi na ATM card namanchah a napeh ding ahi. Alhangpi a sumpeh ding hi Rs.116 bou ala uvin ahi.
14. Napeh jouteng 16 digit number acknowledgment number nahin peh diu form toh pdf format a hichu abon a naki print doh ding ahi.
15. Hiche form a chu lim behna ni hung umding nalim nakibeh ding chule documents a naman chah aadhaar Xerox copy ni nasoi nakai khum ding, chuleh soi bolna ding mun ho a kitup chat a nabol ding.
16. Athupi pen chu page akipatna pen nalim nabehna a khu lim chung a soi nakai ding lim polang chat nakai lhung ding. Aphapen chu soi nakai teng u le naming tah khu mang ji un.
17. Hiche documents achung a kisei hohi envelope a heng in lang anoiya kipe address a hi speed post in thot in.

Income Tax PAN Services Unit,
NSDL e-Governance Infrastructure Limited,
5th floor, Mantri Sterling, Plot No. 341,
Survey No. 997/8, Model Colony,
Near Deep Bungalow Chowk, Pune – 411016

1. Hiche hi alhangpi a hapta khat sung a documents ho verified ahin bol ding u ahin, aboina aum le na email a nahin hetsah diu ahi.
2. Hiche a hi na email hi thupi lheh ahi, ajeh chu hiche a na card hung lhun masang a verification akichai le pdf file a na pan card chu ahinthot diu ahi. Hiche chu naki print doh a naman chah jeng thei ahi.
3. Ni ijat ham khat jou le na address, aadhaar a jaopen a chu na pan card chu ahin thot ding u ahi.

Hetding a pha ho chu online form process nachai teng achung a kisei bang khun speed post a documents ho ana thot teitei un. Chuleh abei pen khat chu iti ham khat a na phone number toh aadhaar link ahi a leh, e-kyc chu nakilhen thei ahi. Hiche a hi na aadhaar number napeh le na number OTP khat hung ding hiche a chu verification kichai pei ding documents ho thot ngai lou ding ahi. Akisei bang a aadhaar hi documents thupipen tah ahin hinla, nanei lou khah tah leh document naman chah thei ho chu:

Voter ID card

Driving License

Passport

Ration Card having applicants photograph

Arm’s License

Photo identity card issued by state or central government or any public sector undertakings

Pensioner’s card carrying the photograph of the applicant

Health service scheme cards issued by central government or Ex-serviceman contributory health scheme card with photograph.

Hiche hohi document a naman le nathot teitei ngai ding ahi. Acknowledgement number pen a hi na pan card ichan geitam ti hi aphatseh a track nabol jing thei ahi. Hung ki update jing ding ahi. Inam sung uva digital & technology lang hi promote nasatah a akibol nom jeh a ihetlou hou beilam tah a ibol thei ho u hi hung kijih jing ding ahi. Asim pontho utin chule practical tah in jong bol utin chule gol le pai te ho jong hitabang ho sim ding in share boljing ute. Nangman naphat chom pi khahle min jong aphat chompina ding gel in ajeh chu asun pahi nangho ding gelkhohna jal a phat tampi sumang a free a hung kisun ahi ti hei poute.  Tulai thil jouse online a bolmo aum tapon chujeh a mi ibolsah sang a innmun a eiman kibol thei ahi tia hung kisun ahi.

Achung a kisei ho kal val a hetbenom hihen doh nom neihon anoiya Comments section a khu nahin doh jeng thei u ahi. Thil ahung kidong dungjui a donbutna hung kibol jing ding ahi.