Home Shonkhogin Haokip PAKAIYIN NANGA KONA ANGAICHAT PENTAH CHU IPI HAM ?

PAKAIYIN NANGA KONA ANGAICHAT PENTAH CHU IPI HAM ?

71
0

By Shonkhogin Hegin Haokip
Maranatha Cottage Hebron Veng
Phaipijang Langol Imphal West # 9774096152

Shonkhogin

Chuti ahijeh chun tua hi Vo Israel, Pakai na Pathenin nanga kona angeh khoh pen tah chu ipi ham ? Pakai na gin jinga, chuleh ama lam lhah tin a najuile a navale ding, ama nangailut a, Pakai na Pathen chu nalungthim pumpi le nahinkho pumpia najenle ding, tunia nangma phattheina dia keiman nang kathupeh son Pakai chonna dan jouse leh ama thupeh chengse nit dinghi hilou ham ?

DEUT.10:12-13.

Micah themgao vinjong Pakai Pathenin adeipen tahchu ipi ahidem tin nasa tahin ana boipin, aman aseiyin, ipi kachoiya Pakai angsunga kagalut dingham ? keiman kumkhat lhingsa bongnou ham, kelngoichal asangsang ham ahilouleh vadung sangsom dimset thaotui kipeleh lunglhai mongding hinam ? ahilouleh kasuhkhel ngaidam na dia, Kacha apeng masapenhi kapeh ding hitam ati. Ahinla hicheho chu ahinaisaipoi, Pakaiyin nangakona adeichu ipi ham? Thu adih a natan peh a mi khoto ding nakhoh sah a, Na Pathen nunga kinemsah tah a lam najot ding ahi ati e.

Hiche a Themgao Mica’n aseihi ivetna ahileh Pathenin eiho a kona angehpen tah chu thudih thutah a hinding, mi khotoding chuleh kineo sah tah a Pathen angsunga lam jot ding tihohi ahi. Alang khatna Deutronomy 10:12 a chun Pathenin eiho a kona angehkho pentah chu ahileh, Pakai ginding, Ama lamlhah tina juile ding, Ama ngailut a ilungthim apumpi, ihinkho apumpia pakai jenle ding chuleh athupeh ho jouse nit ding hi Pathenin eiho a kona angeh pen tah chu ahi. ajehchu Deut.10:14 na chun vanle vanjouse chuleh leisetle asunga thil um jousehi ama a ahijeh a chu, Pakai chu thilpeh a kipah Pathen ahipoi.

Hijehchun, sopiteho, achunga thuho jouse a konin, Pathenin eiho a kona angehpentah ahilouleh adeipen tah chu, sumle pai neile gou, thilkeo ahilouleh gancha changle min ahita pon, ajehchu hiche ho jouse chu ama a ngen ahibouvin, hitobang thilho chu ijat po inlang gape jongle chun, Aman aseiding chu keija hibou chu o ati bepding ahi. Gel le chun, nathilkeo khat hi mikhat in hinchoi henlang nangma chu nahungpe leh angol nahisah ding ahi. Nangma thil mama chu hung kipe nahijeh a chu akipaje umlou ding ahi. Hitobanga chu Psalm 24:1 in Vannoi leisetle asunga cheng jouse, aboncha Pakaiya ahi ati. Hijeh a chu, Pathen koma chonset ngaidamna dinga ibel phatleh thilkeo ahilouleh neile gouva doilou ding ahi. Hicheho jouse chu Pathen cha hijouva bolding ngen ahin, Penthah munathei ahipoi itijoh u ahi.

Hijehchun, chun sopi Pathenin nanga kona angeh khoh pentah chu, natahsa pumpi, nalhagao pumpi, nalungthim pumpi chuleh nathaneina apumpihi adei ahi. Pathen natahsana nangailut leh Ama a naki pumpeh thei ahitai. Ama koma nakipeh lut ninileh aman nang dinga aphapen ahoipen nahin gonpeh ding ahi tihi tansanlal pou hite. Pathena kakipehlut jousen Pathenin keima dingin aphapen penin phatthei eiboh jinge. Kanatoh masang kajinei masangin Pathen koma kaki pelut in aman keidinga aphapen natohna le keidinga aphapen ji eina pen tuni chan geijin kakisih khapoi.

Hijehchun, sopi nangma chihna thepna a namakho hinkho a ding nakilhen leh nakisihna thei tamtah naki bol dohthei ahi. Amavang nahinkho Pathena napehdoh a ama thuthu a umdinga nanopleh kho nunga ding nakisihna lhom ding, umjong umlou maithei ahi, ajehchu Pathenin future amu ahi. Nalhagao hinkho chu kisuh dih poupouvin Pathenin natahsa hinkho a dinga najumso lou helding ahi. Pathena kakipeh lut jousen kisihna himhim aumkhapoi. Vangam lut dinga akium thei photleh leisetna dinga boina ding bepseh aumtapoi. Pathenin asimho jouse phatthei bohtahen.

Articles hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Site nalut a notification pop up hung potji ho allowed anabol ji uvo maban a thusim thah ahung ki post teng notice namu ji diu chule Bell button a subscribe kiti chu meh un.

Previous articleJOBEI LE JEMNA
Next articleKIDANA ROOM UM NAJAH KHAH TAH EM?

LEAVE A REPLY

Please enter your comment!
Please enter your name here