Home Crosby Haokip PAKAI KOMA KIPHINNA

PAKAI KOMA KIPHINNA

12
0

Published by Thusimbu

Crosby HaokipConvenor KWC


Suhmil tei ding kahin go jinge;
Nalunghanna boldoh ding kago jinge.
Keima deidan a hinkho man a;
Leiset nopna ho kadei joi.
Ajeh chu na-Thu hi keidin jui hahsa kasa vale Pakai.
Kaloihon nomtahin hinkho amang un;
Sah le lhang, sim le mala a hinkho nopna twi adon uve;
Keivang nathu juiding, kati jehin;
Paomo le chatmo bangin kaum e.

Katao tengleh kataona aguilhung deh pon;
Kaka teng kamitlhi lon jong namu poi.
Pathen deiya hinkho man ding kalheng in;
Ahinla nangman kichat chat um’in hinkho neimansah ji.
Pathen kahet hi mi nuisat nan kaum bep in;
Taona kaman jongleh mipha lhem, eikiti.
Pathen kahet hi insung vaichat nan kanei lo tai.

Ahinla thil jouse hi kavet teng;
Pakaiyin eiphatthei bohna ho akisel ji.
Keiman kamu chen thei pon aume, ti vang kahei.
Keima gimna ho hi simdoh thei ding hileh;
Nang din sim kham jong hinpon te.
Kakiphinna hi kangolna ahibouvin;
Nangma lunggel kahet jou lou jeh a seikhel kanei ahi.
Namu chen thei leng kakiphinna jouse hi,
Jou ngen ahi, ti kamudoh ding ahi.

Keiya dia nathohna ho hi asang valin;
Chonse keiman kahe them jou poi.
Calvary lhang chu keima indet hihen lang;
Thingpel thu chu keima chihna ahi.
Kataona nasan lou ham, kati vangin;
Guhthim a nasan ji ahijeh in kahe vah jipoi.
Kamitlhi lon namu poi, kati vangin;
Nang mitlhi jong analong ji e.
Keima chonse le mimol bou kahi;
Leivui soh kit ding keima tunin,
Kakhelna jouse kamun kalung kahei tai. Amen

Previous articleVANGAMA NAKILENA DING TICKET NAKIKAH (BOOKED) HITAM ?
Next articleLEISET NOP MANG JONGLEH CHRISTA KANEIYE

LEAVE A REPLY

Please enter your comment!
Please enter your name here