Bro.Shonkhogin(Hegin)Haokip, Maranatha Cottage Hebron Veng, Phaipijang, Langol.18.4.2020.
OH ! SOPI PA PATHEN IN NAKIHOU LIMPI NOME.
_Kaseipeh nahiuve, ahipoi, nangho jong lung naheilou uleh chutabang ma a chu namanthah dingu ahi.Lk.13:5.Keiman Sodom khopia chu mi 10 sehseh midih kamudoh
jouva ahileh amaho jala akho pumpi kahinghoi ding ahi. ….“somkhat kho-tona jala chu
kasuh mang lou ding ahi atipeh e. Gen.18: 32. Jerusalem khopi dunga nunglhai malhai
thouvin lang,…mihem dih khattou namudoh jou uva, dihtah a thutan jing mi, thudih hol a
namu uleh, keiman hiche khopi chu kangai dam ding ahi. Jer.5:1_
Sopiteho, Pathenin, aphat aphat’in, Ama
tahsan mi, mikitah, midih, mitheng,
tulaipaovin kiseileh mipengthah dih tah anahol jingin, amuleh agam mite ahuhdoh jin,
amu louleh ana sumang jitai. Kageldanin, chonset kitihi aneohihen lang alen hijongleh
thina chu ahi cheh in, ahinla chonset hi ahungval behseh phatleh Pathen in jong avet jou
jilou tabang khop in, i-chunguva hin thupi tan tidingham ahilouleh suh thengna kitidingham khat hi ahunglhung jin ahi.
Hijeh a chu ihinkho a genthei thohna ham, lhang pia genthei
thoh na ham hiche hi Pathenin eihin kounao tabangin kalan ahi. Masangin tehse hon ling
ahung kiho poupou leh a aosot jengjiuve. Ipi aseijuham itileh KAHING NAOVE atijiuve.
Pathen ahet louvanguva chu Pathen geldohna chu umji ahi.
Hitabang nikho lechun, Pathenin nang a kona adeichu, sana dang ka ahilouleh
thildang neihinpen ati ahipon, naumchan nakhanchan kisemphat’in, nathilbol phalouho
chu dalhan lang, apha boldingin Pakai kom hinbelin. Hichehi damna hipen dingin
katahsane. Ajeh chu Pathenin nanga konin imacha adeipoi, aumjousehi ama a ahibouve.
Nangma ama deibang tah a nahinding hibou aman nanga kona adeipen chu ahi.
Pathenin
Sodom khopi huhdoh nadingin, midih 10 sehseh anathumin, akimujou tapon, akhopi
anakihal lhatai. Pathenin,
Jerusalem huhdoh na dingin, midih khat sehseh bou anakiholin,
akimu joupoi. Hijehchun, Achung uva genthei hahsatna chu thangle pel in anapang jingtai.
Tun jong eiho jong Pathenin sottah pi eimoh vetvet u ahitan, ahinla semphat nadinga chu
genthei hahsatna hohi hung louthei ahitapoi. Nahin kho a genthei hahsatna chu leh natna
satna kiti hohi Pathena dinga SPECIAL APPOINTMENT tabang ahin, phatecha apositive
response boltei nadinga ikihabol diu angaije.
Tu laitah hinkho jonghi ivetna ahileh, ahahsa mama jengin, Pathen themgao
thempuho jong ataouvin, eiho jouse jong itao uvin, ahinla tao mai mai ja phading chat vang ahitapoi. Themgaohon jong taona aneijuvin, corona virus hi March 31, 2020 a
kichaiding ahitai ativin, akichaideh poi.
Ajehchu hichehi mikhat mini thu ahitapoi, vannoi
pumpi thu ahi. Hiche corona virus aphatna ding pentah chu, adehin eiho Christian ka hi tia
kikousa amitehohi adihtah a ikineosah uva, itaoteng uleh ithem imo nao ikihetdohsah tei diu
katahsanin, ikihetdoh hou chonset chu Pakai angsunga i-hinpolut a, tukal bolkit talou
hel dinga ikisih pou pou uleh Pathenin ichonsetnahou jouse eingaidam diu ahi. Hitabanga
chu ikima sih chanuva chu dam na-in i-mano diu ahi. Ikisih lou chan uva chu igenthei
sotdiu tina ahitai. Hiche dammona hi mikhat gataova kona mohphat thei vang ahitapoi.
Nangle kei ikipat lou akhoh e. Pathenin asimho jouse phatthei bohtahen.
