BY: BOIMANG HAOKIP
Lungset hinkho hi koiman apelthei lou naphat khat chu ahi..mihem khat chun aji nei kah in lungset tampi neiman jongleh amilmo deh khat aum ji e..
Hibang chun keijong dongma tampi vang kana neitan kikhen jouteng leh apul u kana dou ji'n kana genthei ji lheh e..Hinlah phat le nikho ahung chisao jepji teng ol ol in kahin miljep jep ji in chomlou kha in kapuldou najouse jong hui nungle ho in alhohmang bangin ana beiloi jitai..Ahin hijat kana lungset nalah a hin adehset kiti khat vang ana ume..amahi insung a dinga jong aneopen tiding chu ahimaiyin ahi..chapang cha kahi nalai lhon jeh chun kilungset hinkho kaman lhon vang in nopna behseh katoh lhonpon hiti chun hahsat na tampi toh hung machal toupeh kahi Jo lhon e.
.insung mite in boina tampi sem uvintin thu tampi sei u jongleh keini kilungset nachu chapang cha kahi lhon vangin atanjou dehpon insung mite thusei le lunggel jouse chu keini din lhepna joh apang in hinlah hichi lhepna chu keini din kikhen na hilou vin kilungset na adet najoh in apang jinge..kum phabep pi hiti chun kingailu tahleh kilungset tah in hinkho kahin mang lhon tan khat umlou na a khat mongthei him him lou chu kahi lhon tai..
kenjong chapang cha kahi nahlai vangchun kalungset dan leh kangailut dan chu hungkhan let a kikhen a laidang lending jong kagel thei pon kaji ding mong mong dan in kagel tan aman jong Chuti ma chun agel tai..mihem hina achun kahlah kom kom le kilungnop mo najong aum ji in ahilou leh kiginmo najong aum ji e..hijong leh kilungset na dihtah bang ahiphat chun kilungnop mo nale ki ginmo naho jong chu keini ding kingailut cheh naleh kilungset becheh najoh in kaneiji lhontan ahi.
.muntin a ahepha jouse kihou lim na in keini thusim chu apang tan ahi..hitia elungset pentoh kikhen kanglou va hinkho mankhom jingchu atepi ding anop na behseh vang kana hetlou chu ahi..ajeh chu phatseh tabang a ki kimuto a ki kihou jing ahijeh chun koima jong kana otcha pon keini hinkho bouchu kana thupi sah in midang umlou kana bahsah jengin ahi..nungah gollhang a simthei mong mong chu kahi lhontan hijeh chun milah a kadongma nu tiding jong kaki japi tapon kajachat najong abeijep tai.
.ajeh chu nungah gollhang hinkho mangdan a akium phat chun aphat dungjui leh aphat lhing ahitai ti dan chun ki free sah tah in kaum pan lhontan ahi..kajo chan in akomin kakho laileng in amajong kei kachi loukah leh ahungji in ahi hijeh chun nikho khat sunghin phat atamjo chu kipana kanei yin ahi..nungah khat hina chun adei angai jong aumda pon ajol jong aumda poi..Insung mite phatsah behseh lou hilhon jongleng keini kilungset najal chun khen na ding tampi jong kapal galkai lhontan ahi..amajong keisanga monpi theile kineppi thei limlemel hihen lang chihna thepna hihen neilegou hijong leh tampi akon in lungset thu aja jingin hinlah kon epi asei vang chun kaki lungset nalhon chun atuhchah jingin lungdang agelthei dehpoi..kum asot chan in kingailut nale kilungset najong asang cheh2 in ahi..
Mihem kilungset na hinkho sunga hin lhepna aumlou le lungset dihtah leh gildan hi koima behseh in ahethem theipon ahi..noma Len lai nikho jong phat sot pi ana cheman tan hinlah keini din phat chomcha dan in akilang jing nalaiye.
Kaki lungset lhon dan chu kikhen a angdang koiding in jong kana kigel thei lhon pon ahi hinlah mihem in ejat kisei henlang kibol jongleh pathen in mihem jong agontohsa ahijeh in mihem lunggel jouse deibang in aguilhung theipoi..
Chubang lom lom a kilungset hinkho mangteni chu kagelphah lou laitah in keini ding kikhen na kolni ahungsohdoh tan mibang a thusei them leh lunggel them kahi loujeh chun seiding jong kahe thei tapon lainat nale kana hinkho in eibom tai..kasei thei chan kasei yin kabol in hinlah aphachom tapon kho hephalou khop a nopna hinkho mangpa chu kana joh in kamang tan ahi..kalungset na asan Val jeh in laidang anga pahdin kagelthei pon keia ding mong mong a kagel jing nalai chu ahi..hijong leh keisanga adeilhen chomjoh um ahitah jeh chun keini kikhen chu ama din athoh dan a nomjep in hinlah midang monpi theilou leh laidang lending gelthei lou kahi jeh chun eidalhah chu kagel ji teng kahet lou kah in kalhi ana long jitan ahi..
noplai nikho koukit kanom in hinlah kakou phajou tapoi..kaki ngailai lhon a katou namun lhon leh kachi namun lhon kamu jiteng lungmit in noplai nikho ho achamlouvin ahung kilang ji in lainat valjeh chun kitim joulou vin kahinkho chu kalhi toh kamang jing tan ahi..alangkhat a kagel jiteng koima genthei ding kinom lou ahijeh in kei ei dalhah a laidang anga nomsa tah a hinkho aman dingchu keidinga kana ahivang a amading a kipana joh ahikit jeh chun kaoimo thei dehpon ahi..koila kangoh theipon kagenthei na jouse chu kaha kihet cheh cheh in kalung in amang thei tapoi..kagel tohchet jiteng hitia apul kadou douva genthei tah a kahin sangcun kithi doh jeng taleh kati nakom jong aumji e..
nikho asot chan in miltah sang in kangaina asang cheh cheh jo in ahi leh hinkho mandan jong ahah lheh tan ahi keijong ama bangchun lungset dang neithei jongleng nomdom ding ahi in hinlah ama tailou midang him him toh kingai a kilungset ding kagelthei loujeh chun kagel doh chan in ka ka pi in kalhi jong ahulthei tapoi..kakom a aum a anuiho kagel ji a hibang a chu midang anga anuiding kagel leh kei ka ka jing jeh chu na kasa dehset yin lhaset na in kadim ji in abang komle kapdoh theilou vin kaki nuh nuh ji in ahi..hichan a kagenthei valjeh chun seithei chan kasei in hung kinung le ding lonlhi pumin kakou jingin hinlah phachom dehlou ahi tahjeh chun keiding in lhase pum pum a ama ni hinkho leh kilungtoh tah a hinkho mangho otcha tah a um tilou lamdang aum tapon ahi…
Nunlui tiding jong kalungset na in aphalpon lungin jong agelthei him him poi..kum phabep pi jou gei in kalung in amabou aum jing nalai yin ahi..keijong akidoi lou mong mong phat chun laidang kahung lengtan kilungset pi dang kahin neitai hichi gei kisan chun kalungthim chu ama chung in bou aum nalai yin genthei na in hinkho kamang jing nalaiye..laidang leng cheh kahi lhon vang chun amel kamu ji teng nunlui melin alang thei jipon kalungset nu Mel chu ahung sohdoh thou2 ji in ahi..a aw kajah jong leh kalungset nu aw in kagel jing nalai yin hinlah hitia kagel najouse chun kipa na eisopeh chom louvin lhaset naleh puldou na,kana joh eiso peh jinge..hungkile thei hikit henlang nomin laikhat in kileng khom henlang pahbang in phungkhat in kipah khom leh tichu kangaicha jing nalai yin ahi..
Lungset kiti vanghi alamdang e ong??hibang lom2 a kamilmo a kalungset jengchu keile keijong kaki lungdon lheh e..ka ka teng eilhem ding kavaimo ji in kalunggel teng eilhamon ding kavaimo ji e..tahmel in kimu jing jong leh alungset na changjoulou kahi jeh chun tahmel a kamu naho jong kipana ahideh pon a aw kajah hojong lunghel naleh lhaset najoh ahiji tai..kilungset hinkho sunga hi kinah,kibao,leh kisonlal na jong umding mong ahi hinlah hiti hojouse chu kikhen na hilou vin kihou toh najoh hithei leh khenna kolni hi koima chung a moh um dingin kagel poi..lhepna jaolou leh puldou genthei na jaolou lungset chu pon doung tabang bou ahi in ajem umlou tabang ahi..
Hinlah kihetthem to na aumleh pon jemhoisel tabang hikit ding ahi..lungtup molso dinga kaki gel a kipah tah a hinkho kaman a nuina hinkho kaman laiho chu kijop be theile kanom lheh ji in hinlah genthei hahsat na insung a hung khanglen kahijeh a kadei bang leh adeibang kachan joulou hochu kapona jilheh e..nalungdei toh nomin hung lengkhom mai inlang keivang napuldou na hinkho hi kumkho a kichinjing ding kahitai ka mit a kon lonlhi long chengleh kahinkho genthei najouse hi nangdin vangphat na himai henlang kipana bukim na himaihen tia kalhahdoh ji vangin kalungthim vang akicholdo thei him him poi..
Thing na bang in ki thah donkit thei henlang atha beh in noplai nikho ho bangchun kilengkhom kit henlang lungtup kimolso le kanom lheh jengin hinlah emajouse chu lainat Val jeh a lunga kagel thubou ahi in atah sodoh nading lampi umlou ahijeh in nitin hinkho genthei na kibelap najoh in apang jinge..chuchan a kalungset najong ahai dehpon hinlah laidang leng ahitah jeh in kamdam awnem in laidang leng in lang neimil tan tin eihoupi ji e hinlah hitai asei nalai tah tah chu kapona ji in kaki pasal sah lheh vangin amasang injong kana moh lhiso jitai..lungset dang kanei chu ahitai hinlah kalungthim invang nunlui nu bou aum jingin ahi..puldou kana kaban dom nadia laidang kalen vangin kipana ahideh pon ahi…
Jankhat beh hijong leh eisang kit henlang kipahtah in hinkho kimang henlang jankhat beh puldou lonlhi tangleh kanom ngeie..kalungset na kasei jingin kasei jouse ahethem e hinlah kachung a lungmong joulou ahitah jeh in kathusei jouse jong huilah a changvai kithe abang ji in aphachom ding ahideh poi..kumkho a lungtup molso piding kanom in hinlah adeilai changjoulou kahi jeh in jankhat beh hijong leh eisan ding kisan in kangaicha tai..
Chavang chollha nu jong moulpang a kon in ol2in vannoi leiset salvah din ahungdoh tan lampi dunga nomsatah a kilungtoh a kituhto pum a kijot le2ho kamu in aw kaden epi vanga kineia hibang lom2 a hi genthei kahi ham
Hoiba ham kei lenpi ding tin chollha vah noi in katou in miho umchan otcha pum chun kamao2 jenge…
Kamcheng in ki2maito henlang eikhen ding ahitah jongleh hoisel in eiki khen leh ahah na hijong leh nopdom dim kagel e.
Hinlah lungset dang aneijou a khenna thu hung kija ahijeh chun kapona dehset in ahi…Jan jong ana sottan lamlen a kijot le2 ho injong ain lamcheh ajon gam taovin hinlah keivang lhase pum2in chollha vah noia kalhi lonlam cha helou vin katou jing nalaiye…
Aw Chung chollha moullep dato keijong samang jal thei louvin navah noi in katou nalai ye kalungset pen nu inla eidalha tan nangbeh in nei hethem inlang tujan seh2 hijong leh nei umpi o tin chollha chu kave in lhase tah in kakou ve..chollha injong ei hethem dehpon alhum nading lam jonin achitai.. meibol in ahinle jiteng vannoi leiset jong athimji in kalungthim jong athimji in lainat na akibe ji in ahi.
.janlai huilhi bang in kileng thei henlang kalungset nu Komin kileng leh kanom ji e..janlai huilhi ganung inlang kalungset nukom in kangaina le kalungset na thimthu neigalel peh o aman la lungthim kipah tah in samang jal tantin kei hilaia eilhem ding bei a changa kamao2 hi neivet jou hinam lunggel thei mihem in kalai nat nale kagenthei na eihetthem peh hihjong leh nangbeh in nei khoto inlang chollha nu in eidalhah jounung hin neihin mut kit o tin janlai huilhi chu kahoupi ji e..janlai huilhi leh chollha nu chu lunggel neithei hileh ka genthei na eihetthem peh lhon intin eilhamon lhon inte..
Hibang lom2 a nunlui nu kangaia kalhilon na aban theilou chu kagel jiteng phamo kasah ji e..ajeh chu anjoleh kahinkho man hahsat dan leh kalhaset danho chu kalungset nu din hamset na hikahnte tin kagel ji in kilhem mai tange kati ji vangin hetlou kah in themmo na neilou kamit a lonlhi thengsel in avel a katahsa a hung kile kit loudia ka benga ahung lhonlhah ji teng kalai kabang thei jipoi…kalungset nu in hichan a kagenthei chu tahsan leh ginchat injong neipon te hijong leh chollha nuleh janlai huilhi nu tilou leiset chunga koiman amulou jeh in jong tahsan ponte…
Hiti chun nilhah sehleh samang jal thei louvin chavang chollha vah emsel noia chun katou ji in ahi..
Kalungset nu vang alungset patoh kipahtah in lungset thimthu lel lhon intin nui na hinkho mang jing lhon inte..kalungset nu dia anuina Cheng keidin kana joh ahi ji in ahi..alungset pa in agavil teng nuisiu vin dongkot in ana lamto tante hinlah keivang lailen na ding vaimo in chollha nu leh janlai huilhi tou kihou ding damthei loua um kalungsung kot chu lonlhi pumin kahong ji e…
Kalungset nu kavaimo tai
Lungset thimthu lel pi ding jong kavaimo tai…
Hichan geia nunlui nu kangai jeh chun kadongma nei jong kana geldoh thei tapon hijeh chun knjong awnem hiuchan kalhadoh tai..nopna neilou kahinkho chu koima eikipasah ding kanei tapoi
Ajeh chu kakipa nading ka nunlui nubou ahi…nunlui ngaina jeh in hinkho kamang jingin ahi..hitia kahinkho manchu nilhah khat chollha vah noia lunghel tah a kana toulai in kalungset nu in eihin hedoh tan alungthim in apona thou nai hinlah lungset dang nei ahitah jeh in eiphatbol nom tapon keimu nading joh chun alungset patoh kipahtah in anui khom lhonin chomkhat kaumna kom lampi a chun ading lhonin akingai nathu lhon asei lhon in achipai2 kit lhontai…ajing in msg eihin thot in keihi nanga ding kahi tapoi na nunlui joh kahitai keijeh in genthei kisa tahih inlang kisugim2 tahih in natahsa thohlal sahbep bou ahi ahinti tai..
keijong mag kamu2 chun kalhase lheh jengin echan a kalungset ham ahet jeh a hitia chu asei ahijong kahe thou vin ahi..eti kathangtom a feltah louding kati vang in lung lai a changsa thisan a behsa kalungset najeh chun kadon da thei dehpon KAGENTHEI na kibe najoh ahitai…
Kahlah kom2 leh msg eihin thot ji in laidang lengmai tan nunlui ngaina in lhisoh tahih in keijong kipahtah in hinkho kamang tai tin chuleh avel a kahin houpi lou maithei ahitai damsel in tia ahin thot chu kamutai…keijong kapona behseh in kangai lheh a kalungset lheh vang chun laidang lending kahin geltan ahi.
Lungin kagel ji e hinlah katahso ngam dehpoi kalungset na chu ana sanglou hileh matah a kana mil ding ahitai…Hinlah ka kapi2 a ama in eihouset2 sangin kati in knjong lungset dang kanei tai..kumni jou langgei ahitan kahlah kom2 leh NUNLUI NGAINA LONLHI vang along jing nalaiye…
Lungset na mitch
o ahijeh a kalungset na eina sanpeh ahi in hinlah mitcho chun kho ahinmu phat in kaphat nale kalhin jouna a mudoh tapon kagenthei na jeng amutah jeh in keidin kumsot a kana joh asohtai…limlemel tahsa kikhel liuva apul kadou na jong akile thei tapon kalungset na amanjoulou ahtjeh in jong vetjou lou ding umchan jong kamasang in abolji lhon in ahi..
Kalungset na asan dan vang ol2 in ahin hedoh tai hinlah keivang lungset dang nei kana hitan ahi..hiJong leh khatvei kom2 leh kasumil joujipon kalungthim in ahung kilang ji in ahi..hichi teng lechun guhthim in nunlui ngaina lonlhi ana long ji e….
Lungset dihtah khat miljeng ding kiti vang ahahsa e…..chuchan a kalungset na chu ana hethem leh tahsa limlemel kikhel liuvin ana lhilong pong kating ana genthei ponge..hijong chiho jouse chu kalungset na dihtah ahi ahedoh na in ahung pang tai……..
