Kichat Um Thilha Thusim Leh Thusim Dang
Ajing jingkah matah in Gogou jong mangboi te innlam chun ahung phei kit tan ahi.
By NICK HANGSHING
Phalbi nilhah khat hin Mangboi leh aloipa Gogou hi niseh a aum ngai bang hon in khojin masang in nilhah a t ding thing achom khol hon in ahi. Hitichun nilhah kho ahung jin phat chun amani jong aki muto hon in, mei atih hun in hitichun meipang a chun akihoulim jilhon in ahi. Hichi nilhah chun amani jong akihou hon chu alunglut hon wal jeh chun phatche lam jong hepha man hon talou in phat soh p ana tou man hon tan ahi. Hichun Gogou chun pung ave in ahileh pung 11 ana lhin phat chun amani jong kikhen d ati lhon tan ahi. Jaan ma agei wal phat chun Mangboi jong chu Gogou achanga achi d chu agel leh num asa thei pon hichun Gogou kom a chun lamkim gei nahung thah ng e atin, lamkim gei kilhon p ding chun apot doh khom hun tan ahi.
.
Hitichun amani jong lampi ajot pum hon a chun akihou lim2 hun in ahileh, mangboi hin gogou kom a chun atot in, nachi lang leh nanunga mikhat in nahin jui le o tin adai in ahi. Hichun amani jong chu lamkim don in akikhen hon in, mangboi jong inn lang chun akile kit in, gogou jong a inn lang chun achi phei peh2 tan ahi. Hitichun mangboi jong innlang jong a ahung phei2 leh mei ati a anatou jing nahon mun achun nungah chapang khat ana tou chu amu tan ahi. Hichun aman jong lungdong tah in, tujaan phat a koibepseu hija jaan noitah a hilai a hung tou a hintem tin lung agel pum in numeinu um nalang chun achi phei hun tan ahi. Hitichun lung agel pum chun hetkhah mi hileh ainn a gathah doh inge tin, anai phei2 in ahileh akom aphah d kon a chun avet kit leh koima ana um tapon ahi.
“Hichun amani jong chu lamkim don in akikhen hon in, mangboi jong inn lang chun akile kit in, gogou jong a inn lang chun achi phei peh2 tan ahi.”
Hichun amajong lungnum ml tan in a inn chun alut pai2 tan ahi. Ajing jingkah matah in Gogou jong mangboi te innlam chun ahung phei kit tan ahi. Hichun amani jong khosung vel dung achun avah le2 hon in, atot hon in aki hou lim2 hun in ahi. Chom khat jou in a meiti na vel aphah hun chun, mangboi injong nilhah masa a thil umchan chu aloipa aseipih tan ahileh, aloipan jong naki chat ham, khat tou chun nadai hin te tin anui sat in ahi. Hichi jouchun amani jong amei t namun achun nisa lum oi tokop in atou kit hun tan ahi. Chom khat p atoujou lhon in, jingkah buneh phat ahiphat toh kilhon in amani jong bune ding in akikhen lhon tan ahi. Chuleh buneh jou leh nilhah a kiti ding thing hol a chi ding in jong aki tem lhon in ahi.
.
Hiti chun bu aneh joulhon chomkhat jouin amani jong aki muto lhon in, kichep togom in ti d thing hol a achi jing namun hon chun achi kit lhon tan ahi. Amani jong atot hon kah lou leh akihou lin ji lhon in, abang leh golhang ahilhon jeh chun nungah thupou asei ji lhon in, hiti chun thinghol pum chun aum ji lhon in ahi. Chomkhat p ahol jou in nisa ahung lhum lhah d phat in, phalbi laima ahijeh chun, khothim nung ahung dap lhah kah a kisil doh ding ati lhon in, thing achom khom doh jou jat2 chu ahin kipoh lhon in ahung kile lhon tan ahi. Lampi kah lah achun Mangboi injong nilhah masa a mei akiti ji nalhon mun a nungah chapang khat amu chu koi chapang hidi baha tin lungdong tah in ahin gel suh peh in ahi.
Amei kiti namun lhon ahin phah phat lhon chun, amei t namun achun uicha ijat ham khat in tol ana khot chu amu lhon phat in, amanin jong uicha hochu aban del doh hun in, tol akhot namun achun athing chom lhon chu asep khol hon tan ahi. Hichi jou chun ama nin jong adap lhah le kisil ahah ji e ati lhon in, ati sat pet2 a kisil doh ding ati lhon in a inn cheh aki jot kit lhon tan ahi. Gogou jong aki sil jou2 chun a inn mai a chapang kichem hochu ave in ahi. Kho jong ol2 in ahung thim lhan, mun tin chu athim lhapai tan ahi. Kho athim phat uchun chapang hojong innlang achun akile gam tao un ahi. Hichun ama jong aloipa toh atou ji namun chun chi ding atin, bu aki neh tan ahi. Bu aneh pet lai tah chu, Light ahung thi in, Gogou chun Candle leh meikhet hol in rool sunga chun aki mai le2 in ahileh, innsunga chun chapang khat ahin tham khatan ahi. Amaho inna chapang um lou ahijeh chun, ajou a polanga kichem chapang hochu ahisah in, jaan asot tai, chapang pot phat ahitapoi atin, candle le meikhet chu amai2 leh ahin maidoh tan ahi.
.
Hichun aman jong candle chu avah in ahileh amasang achun hichi nungah chapang nu chu ana ding in, gogou chu anung ngat in ahi, gogou injong candle a kon a chu koiham tia alim vet d ati lai tah in, hichi nungah chapang chu ajam in, abu nehna table nui achun ajam lut tan ahi. Hichun ama jong akun in, table nui chu ave tan ahileh koima chapang amu lou phat chun, aloipan asei nilhah khat a chapang a mei pang a anatou in akom kanai phat in aman te ati chu ahin gel doh tan ahi. Hichi pet lai tah chun light ahung vah lit tan ahi. Aman jong light vah pet2 atin, bu ake neh chai in aloipa Mangboi te innlang chu ajon tan ahi. Mangboi te inn agalhun leh aloipa jong inna kon a ahung doh pet toh akitoh in ahi. Hichun gogou lim chu avet le. Kichat mel aput jeh chun Mangboi injong, e nahung t hm, namei san jong hi akidang e atin atot khum in ahi. Hichun gogou injong aloipan nameisan e ati ding chu ajachat p in, a inn a athil to chu a seidoh tapon ahi.
Hichun amani jong a tou ji nalang hon chu achiphei hon in mei aki t lhon in atou kit lhon tan ahi. Hiti chun amani jong atou jing lai hon chun akom avel lhon a nungah chapang khat avah le2 bang khun ahe lhon in, hichun amani jong aki hei le2 hun in, ave lhon in ahileh koima amu lhon pon ahi. Hiti chun chomkhat jou in anunglang lhon akon hin numei khat lhase tah a ahung kinuh gin aja lhon in, ahol kit lhon wang in amu kit lhon pon ahi. Achai2 nan Gogou in abuneh pet a athil to chu asei p tan ahileh Mangboi injong amathil to chutoh ahin gel khom2 leh, akhosung aveng sung uva thilha lang dan in ahin gel lhon tan ahi. Hichun amanin jong num asah thei lhon lou jeh chun amat pet2 a innlanga kile ding ati lhon laitah in, aloi houkhat chu amei t nalhon achun ahung vah lut tan ahi.
.
Ama ahung valut phat achun Mangboi le Gogou jong num asa lhon hih in aloi pa lhon chu atou p kit lhon tan ahi. Hichun amaho chu ahung kihou2 uvin ahi, Hichun aloipao chun mangboi leh gogou maiso chu avet lhon leh dih asah thei lhon lou phat chun, e p thu hitam tin adong lhon in ahileh amanin jong nungah chapang khat amu jing lhon chu ahin sei p lhon tan ahi. Hichi asei jouchun aloipao chun aloiteni chun adai ahisah in, amani jah achun tot tokop in hiti hin asei in ahi. Eiho khoban a khosunga khun nungah chapang khat sum jeh a kipui mang, sum apih jou uva jong a inn koten amu deh lou u ahi, hichi nungah chapang chu anahi khale vang o atin anui deh duh in ahi. Hichun amanin jong aloipao kom achun nathusei chu atah2 nasei ham ahilou leh natot hai atilhon tan ahileh, aloipao jong chu aloiteni atot lhon lou chu ahin het phat chun, aman jong atah2 ahe tin ahin sei pih tan ahi.
Hichun aloipao chun jong hichi nungah chapang chu thiham chuleh hing nalai ham wang koiman athu tuchan gei in ahe naipoi e atin ahi. Amaho jong atousung uva chun mei ati2 nao in athing uchu ana bei mang tan ahi, hichun Mangboi injong akom avel a chu t thei e p um m tin amai le2 in ahileh, sun a uicha hon ana khot na mun achun ponse khat amai khat aman jong hichi ponse chu namphu in abot in abot keh tho in hichu atih kong in ahi. Mei ahung kon pet2 chun aloitenin jong akom avel a ti thei um em tin meivah akon chun ahol hon in, bottle se chuleh plastic ho ahin chom khom hon in ahi. Chomkhat jouin thilnam ahin japan tao un ahi. Anam set wal jeh chun mangboi jong atou na akon chu aki chon in munkhat a atou kit tan ahi. Ahiwang anam chu bei chom lou, anam ahat cheh2 phat chun, eah kichot khah eum uhm tin ban neichan aki vet vang un ema aum lou phat chun, anam chu ahung hat cheh2 phat in amaho jong innlng kile ding chu ahin t tao un ahi.
.
Mangboi jong atou na akon a din doh ding atin adih doh got leh thil khat in akeng chu ahin tuh in ahi. Aman jong meivah a kon a avet leh akom a leinui akon a khut khat ahung doh in hichun akeng atuh amu phat in akaa toh apen akop tho jeng leh, aloitenin jong e p thu hitam tin ave lhon in ahileh amanin jong amu lhon phat chun akicha wal hun in ajam lhon tan ahi. Alang khat a mangboi chun thin lhah ding atin e t athin vang chun akeng chu atuh chah cheh2 jeng tan ahi. Upai anei mong2 lou phat chun akeng khat lang achun khut chu alho in ahileh anah2 in amale ama ahung kihuh in, aloiteni jam nalang chun ahung jam tan ahi. Mun khat lai aphah chun aloitenin ana ngah lhon in ahi. Hichun e p dinga kachang a nei dalhah ham tin aki sao the thu kah uchun akom uchu atou nao a auii bang chun ahung uii kit tan ahi.
Hichun amaho jong hichi nam chu ajah phat un, akom avet uleh lhavah muchip chep akon chun akom uva mikhat ana din chu amu phat uvin, amahon jong mihem ahipoi t ahet phat un ahung kijam tet tao un ahi. E t ajam vang uchun hichi thilha chu anung tah un aum chah kheh in ahi. Chom khat jou a houbung mi patrolmax kidet a khovel ho amu phat un ama ho kom chun ajam phei uvin ahi. Akom alhun2 un, alel utoh akichat val jeh uchun koima jong pao thei lou leu in aum tao un ahi. Hichun khovel nungah golhang hochun hichi loicha thum ho chu innsung khat a ajong lut un atou pi uvin ahi. Chomkhat ajou in amaho jong a lel u ahung phat dom phat chun athil to uchu ahin sei tao un ahileh, amaho thusei chu atah ham jouham t khol ding in golhang mi 3 hi asol uvin ahi. Amaho jong atou namun u alhun masang un mihem amon nam khu ahin jau in, a uii wal jeh chun aban nailut be thei talou in akom uchun ading un agal vet tho tao un ahi.
.
Chomkhat jouin alah uva aneopen pan, mithum bou echiu ham kiti mi li eti ehi utam ahin t chun, aloitenin hichi asei chu ajah2 hon in akinung hei hon in ave lhon in ahileh mi li ahitah beh phat uchun, kho ma athim jeh a amel amu thei lou jeh chun aloi khat pa chu atham in ahileh atahsa chu apen deh duh phat chu, mihem ahipoi ahin tin abon un adang ho um nalang chu adel phei tao un ahi. Aloiho kom alhun uchun amahon jong athil to uchu asei phat un koima jong aum nao inna kon a pot ngam talou in inn sunga chun aum chah kheh tao un ahi. Jaan ahung sot cheh2 leh aum nao inn pang chu hichi thilha chun lhasetah a akaa pum in ahin vel in ahi. Hitichun amaho jong a inn chi um talou in, chuleh a emu jong um talou in kicha tah in atou khovah gam tao un ahi. Kho avah2 uchun amaho jong apot doh un, khosung haosapu aga hetsah un ahi, hichun haosapun ave ding a golhang themkhat asol in ahileh hichi golhang hochun akho kom teu kho a akikai mang nungah chapang nu ahichu ahet phat un, ainn kote thu ape uvin along chu ahung kipoh doh sah tao un ahi. Along apoh doh vang un tuchan in alha chu phalbi lai seh leh alang jing nalai in ahi. Khonunga mangboi in ahingel2 leh, jaan a ti dinga ana loi2 chu hichi athinu sangkhol ahidan ahin hetdoh chun jaan jong emu thei lou in ni ijat ham aum leu in ahi.
~BEITA~
Spread the word
Facebook
Twitter
Google-plus
Linkedin
Snapchat
