Part – Ni (2)
Lalpu lotjem…
6009048006……
Dt. 18/08/2020…
Recap ; Chom khat jouvin Nengcha jong ahung kichaitai. Ai hih e, Neng ipi thu mong mong nangei, agimnei kaiye. Kate, ima ahihih e, jan lhah itou na uva chu gachi kit ute, kati bouve. Kaginmo peh peh ahe… Ichi leu kichai chula, tin keiho jong, kaga vah doh kit taove.. Kei dinga chu, akiha umkhom chu nop kasah le kakipa jeh chun, ipi hijongle ama mel mu dingle, ama toh umkhom ding ahipoule khoh kasah lou ahijenge….
Kaga pot un, ketou naji lang uchun, keiho jong kaga tou taove. Jan na lhavah noiya, katou u ahijeh chun, amel chu vet nom aum lheh e. Kadeijeh ham? Ipi jeh tam chula kahe ta hih in, kavet le hoi kamoh sah sah ahitaiye. Kaum khom u sotthimpi katou jou uchun, Thethem injong ahin dong’in kingaipi nanei lou tam? Tia agah doh chun, aman jong ahin donbut’in kanei tapoiye. Mi kitah jong umlou kachim taiye. Chiphat chun, ken jong kajop pai pai jin, among monga tua nalungset na dei umlou dan ham? Tia kadoh chun, aum tapoiye ; ipi thu um ham? Nei chuti doh lhon jeng in, ima umdeh hih e! Inlang kahung kile taove. In kahung lhun hon chun, agei beh seh nailou jeh chun, Tv kave lhon’in kaki houlim lhon’in ahile, aumlou pet na hi seitaite an ti in! Ken jong, kahe hih e, nang dei dei hitan te katin, ama thu thua ding chun kaum tai.
Ajing’in keini jong nidang toh ngai bang in katoh ding lhon ho chu, aban nei chan kahin tong lhon in ; sun lam in amaho inna chi ding chu kaum lhon tai. Kachi lhon in ahile, ama ana umkit pon; chiphat chun, jan na ding chun, kaum kit lhon tai. Sunna chu ain uva koima jong aumlou jeh chun, hoilai chiuham ti imacha akihe tapon, akomma te gah doh lhon di katile, hung kile pai tahtao katia kana doh kit lhon lou ahiye. Chiphat chun jan chu kamoh nga tholhon ahitaiye. Sei ding akigot nitah a, chuti jeng chu; kagellin ahile, thaset na khat jong kaneiyin, ahinlah; Chiho pou katia kanga lhon taiye.
Jan jong ahung lhung tan ahile; chiding kaki got lhon laitah chun, kaninu hi ahung lel thim in ahile, dalhah thei ding ahitapon, chiphat chun; chilouvin kaum lhon tai. Nilhah lam a ama ho hung kile uva ahitaiye, aumdan chu, phailamma apute koma gachi uva dan ahe. Sunna akichia aumlou toh, tua chi ding aki kigotle, kaninu ahung hiti kit chu kagelleh, kisei jongle kilolhing lou di hingaptam katin, Themnu toh kaki hou lhon’in Them, isei da ngap ditam? Vang aumtoh hih ae, ikigot nitah a hiti jeng bouina jeng katin ahile, eihin donbut in, ipi dinga isei da di ham? Chilang toh chun, gelmat hih o. Jingle isei di ahe. Kisong lel hih ta? Ken hin bol nange. Ahile ahile, nang sei hija , iti kingaida di ham? Katin, chuti ding chun, avellin kaum kit lhon tai.
Jan kaki chol do taovin ahile, jan’a kamang aum in chia chun, Nengcha kamang matne. Kamang chu hiti hi ahiye. Nengcha toh hin, kana kingai lhon ahitan, ama toh hin kaga vah doh lhon’in, Chom khat katou lhonna ahile, Nengcha hin, phu le helou chun ahung ding doh in, kei ana chi masa tange, kin khat kaneiye, atin kakhama kadoh a ahijongle, kaloiho khat kinna kachi diuhe atin, eida lha taiye. Chijou chun kahung khang doh in, kamang cha kagellin ahile, ipi mong mong ti ding hija, hitia hi thil umma ham? Katin , jan jong chu imu theilou vin, kakigel khovah maiye. Ajing in kamang chu, Themnu seipih ding katia ahile, kisei jongle ipi, mang chuti tah a seithei ding jong hilou katin, kasei pih tapoi.
Themnu hin sei ding kal bou anga lel ahitaiye. Kei vang chun kadei vang chun, seilhon leng, aman kei dinga lunggel ana neilouva ahile , imajouse chu, keiho kikah a kigamlhat to najoh hung hikha ding ham? Ti joh kaki cha ahiye.
Chubanna ikho hile chun, nom ding ahin; mikhoa ki umma; mi kijolla anop le pha ahung da a mihon ahin hetna, eihin gel ding pa khu kagelleh, kana dei kakisih kit jie.Kakisih’e kati vang chun, kalungset doh ahiphat chun, ima ahithei tapoiye. Ipi pi hile tua ahipen chu, sei phot phot ding ahung soh soh chu, kimaito pi ding ti bou chu ahitaiye. Phat jong ahung challin asei ding phat jong ahung lhingtai. Kison lel najenga dimma kahitai.
Keini jong kakigot nabang lhon chun, ama komma ding chun, kachi lhon tai. Ain u kaga lhun hon chun, ama jong ana moh um in; kholai leng ding chun, ainkote kom chun, aman jong aseiyin, katou jinao mun lang jon in kachi taove. Chi nilhah kachi uchu, nidang banga chi kahi lou phat uchun, amel kamu jongle koima hetpih lou chun kagenthei lheh e.
Kaga lhun jou uchun, chom khat kaki houlim un, pao jong chu kaha pao poh jou talou ahie. Kimimo val jenga ahijeh chun, genthei nabep khat kaki boldoh dan in aumme. Chi nilhah kachi uchu kin khat nei ahiphat chun khongai sot jong umtalou vin, Themnu in, ahinsei pan tai. Neng, thil khat phatsottah pia patna sei ding kana tilhon, ahin tunilhah hin sei lhon tange. Gogou hin alunggel asei nom phat sottah pi lungthim a ahingel, ahin genthei pi ahin, tuni lhah nagel thei dile alunggel sei sah o. Nengcha in ahindonbut in aman jong, kalunggel kasei ding ho chu, ahethem jeh chun, ahin donbut in; ipi thu ham? Eiho kikah a kiphatlam na di aumpoiye. Hin sei jengo.
Chutia ahin donbut phat chun, kadip chu akong abang jeng tan, kei kisei ding danna aumdoh tan ahile, mi masanga idin doh a thusei ding ikigotle igeljouse akihai mang bang khun, kaumtan kakisonglel lheh e. Tuni lhah hi phat kijen pet ahijeh chun lhaso ding kanom pon, seipai ding jong; hah kasa kit in pan doh thei lou vin kaum tan ahile, Nengcha’n eihin donbut’in Hegou nasei ding jong kahe masa taiye. Idia nakiphat lam ham! Eini kikah chuti chun, umhih o an titan ahile, wow.. Neng, atah a kalunggel namuthei khat hai? Kahe tai natin, eihin nuisat in, ken jong nang kamu masat nia kipat chun, lunggel kana neitaiye. Ahinlah, numei kahi jeh a! Nang nahin seiding chu, kana nga ahiye.
Kalungel lou langbeh a ahung umtan ahile, kahung hai nem domme.
Kei ; Neng, neina hetthem chu kakipah ae. Nakomma sei ding tia kana geljing ahin, hinlah nang le kei kikah a kigamlhat na hikha ding ham? Tijeh a phat hichan hi kahin im ahie.
Nengcha ; Ipi dinga hitia chu naja chat ham? Chutia chu um umjeng le chun midang in nang sang in hinsei masa ta henlang hile iti ding ham?
Kei ; Henge, neng ken jong kagelle. Ahinlah, mitmo najeh a imajouse hiti hi ahiye.
Neng, seijengleng, kalungset nahi nei san pih o.
Nengcha ; Ugou, nang in nasei masanga pat anomsa kahitaiye.
Kei ; Neng, natot loupi atah chuna.
Nengcha ; Ipi dinga chia chu katot ding ham?
Kei ; Ale, chom khat kipana ding bep in vang neilungset hih o na?
Nengcha ; Idia neisonlel ham? Lungtup molso khom pi ding thichan geiya dinga, kalungset na kapih nahitaiye.
Kei ; Kipana jeng in kadim in, lungset hinkho mang pan ding kahitan, alang khat na kagel kit le, nainkote hon hin heleu ei phat sah ding u hinam?
Nengcha ; uGou, chun le jon ijat sei jongle nang le kei in, ikilungset le eikhen jou pouvinte.
Chi nilhah chu kei ding chun, lungset hinkho kiti chu ahung kipan tai.
Chom khat jouvin, Themmu jong ahung’in ipi nati honta?
Them, ipi jong kati lhon ding ham? Katin ahile, ama chun, akileh lam chun ana gelkit in, aloinu kom chun, Neng, ipi nasei kit ha?
Nengcha ahin donbut in, Eilungset le eingai lu ding aumlee idia ken kanunsun ding ham? Ahin tin ahile, ahin man toh tan. Ahile, nang ni nana kihou lhon ditam? Kasuh boi lhon em? Kahung nuidoh in, ipi suhboi em? Imajouse nang jal hichume. Janjong ageitan, iki le diu tam? Katin ahile aman jong akhoh poiye atin , inlam in kahung kile taove. In kahung lhung hon tan, ahile kani nu ana tou nalaiyin, Boi, nanu ten phone ahin bol uchuo, inati ding ham? Atin ken jong kadonbut’in heni, nang jong damdoh hatiou loulaiya, chom khat kium nan te katin, jan kichol din kachi tai.
TO BE CONTINUE….
PART NI NA HICHAN CHUN AKICHAITAI. ABULLA PAT LUNGLUT TAH A EIHIN SIMPIH JOUSE NABON CHAU CHUNG’IN KAKIPANA KAHIN PHONGE. CHULE ISIM NABAN UVA LUNGGEL SEINOM NEIYA IUM ULE KIPHALAM LOU HELLA ACHUNGA KIPE CONTACT NUMBER AKHU WHATSAPP AHILOULE CALL A NEIHIN HOUPI THEIYU AHE..
KAKIPAH AE….
Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.
