Part – Khat (1)
Lalpu lotjem…
6009048006……
Dt. 18/08/2020…
Lunggel chapang cha le tahsa lamma chapang cha kahi nalaiyin, neolaiyin kum som le get (18), kahi kum ahitan, kaninu hi ahung dammo tan ahile; alel thim jeh chun, kanu teho toh keiho inko kachiuvin ahile, aha dammo jeh chun, kanu hin kani te inna chun, lha khat tobang umden ding’in eisei tan ahile, da ding jong chu dammo umpi ding ahijeh chun, nopmo kasa kit’in umding jong chula inkote ho kingai ahijeh chun, chini chun kigel lhah dan ahah lheh e. Achainan ken jong , moh umdi taiye katin, aumden ding chun kaum tai. Akho uchu , phaicham toh jong kinai cha ahin, akiman chah dan ujong akham chan nom asa thei soh kei uve. Kainkoten eigah dalhah uchun, kangaidan chu; lhakhat lang kimuto lou ding chu kagelle kangai vallin, kachang in lupnan kaum’in numei dan dan chun kakap tai.
Jan ahung hile apam langa igah pot doh le, inlang jeng akiven , lunghel najeng in kadim’in, inlang jeng kagel jinge. Ahinlah hapta khat ho kahung um phat vang chun, khoh kasa tapoi. Ka in dan dan in kahin gellin, akhosung ujong kakho bang in kahin gellin, phat ong kanei jiteng, kani hin, cha thum (3) anei ahin, alen pen nu jineia, tua kei toh kakum kibahpi khattoh, kei sanga neo tenni um lhon ahin, kei toh kakum kibah pi nu Themnu toh hin kholai kaga vah ji lhon’in akhosung uchu nom kasan kamoh monden taiye. Chom khat kahung um jouvin, kingaipi , kilungsetpi kanei loulai jeh chun, Themnu hin tuni le kaloinu; mun choma lekha asim ahin, tuni le hung doh dihe, ga vah doh te atin, ken jong ichile kichai chula katin, jan na chi din kaum lhon tai. Kani nu an kaneh sah lhon’in kasuh theng chai lhon phat chun, anaopa kanganse lhon in keini kholai kaga pot doh lhon tai.
Kaga chi lhon’in ahile, nilhah lam pung sagi (7) ti vella ahin, kaga chi lhon’in chom khat katou lhon in ahile, ahung doh pon, chiphat chun; themnu kagah dong’in ,” Hoilai um hammo, koima jong ahung doh hih in” ole najou nasei hai, ash ipi jou nasei nangei akisille ati chu, akichai le hung doh pai tavehta. Oh, kadang chah e,twi naga so diha, gasoh vehtang, ga donta atichun, keijong twi don ding chun, kachitai. Kachi khah nailou jeh chun, kiphalam thim chun, twi don ding chun kachin ahile, Dustbin kikoi chu kahin peh lhu kit’in 😂 kachoh jah jeng’in ahile ama jong akisil chai avon akivon chai ahitan, ahung jellin, ahung lhun chun, koi nahi ham? Eiti chun, kadon but in Themnu toh kahung ahe, twi kagah don gutle kasuh lhuh ahe, chiphat chun, ama jong akile kitan, keijong don talou vin kahung kiletai
Kakile chun, Themnu kom chun, bang hoimo chu nasei dan pichu Ahsijolneng nabah sah jeng in,, chite kati chun, aman jong eidonbut’in hoi nge hih de, hibang min adei theiya nang nanop nop nagah sei ham! Iti chichu hoi di nange, amai jong chu kakho lampiu hijeng phon lhajenga chu, eihin nuisat in; chiphat chun kadonbut’in ipi nanui jat piham? Ahi kasei chu, eihin ven ima seilou chun, Neng , Nengcha naki chai nailou ha?…kaki chaite, kaki chaite, ana um lhon in; Bang hoimo chu, kei ana masa tange, masata masata, injole gachite hinti pou pouta, kachi tah le.. Ti talou jen inge, katin kaga ding doh in; kagah kihei doh in ahile, ahung lut’in”Hoilai nachi got hammo? Hung tou tango, kihung kichai pan panna ! Hichun kagah kiheiyin ahile, injoa kamu nu kakho lampi nu uchu, ana hitapon ahile, kamoh ngon den in, imalou chun, katou lha kittai.
Katou lhah chun, Themnun achi nomma chinom ta chuo, pida natou sah ham? Chi navehta atin, hichun ken jong kadon but’in , nehthei nehthei nati lou hah! Neino noa tua chu kei nei ngoh kit ham? Themnun eihin ven, ima seilou chun, amoh nui lhah in ; hichun, Nengcha chun adatmon pi nati hammo? Ati chun, ima aipoiye atin, kaki houlim taove. Ahoidan chu, kamoh vet nom’in kave ven ahile, Themnun eihin beng’in nakipat pai ham? Umthim thim ta o, 😂…. Ken jong, aloinu kagah houvin, hoilaiya class ijat nasim ham? Kati chun, aman jong frank tah chun, eihin donbut’in kihoulim pi jong anopjeh chun, mu pan pan ahivang chun, ilung’in ichan ham khat vang akigel taiye., kanu pihin ahet ngap ham? Eida lha hoi lheh e katin, kipana le thanop na kaneiye.
Nengcha ; Iti kan kou di ham? Tuni bep ikihet u hija, akou didan kihelou..
Thethem ; Lenpu tin kouvo, Nao jong nati thei chu…
Kei ; Lhingneithem, in lhun teng namai khah dihe, nang nuhi… Khoh hih e, nadei dei dan in nei kouvo.
Nengcha ; ale, He lenpu ti tange na…
Kei ; Henge, akhoh hih e, nang Nengcha titange na…
Nengcha ; akhoh hih e, nang dei dei ahe..
Thethem ; Neng, chom khat iga pot diuha, nehthei neh di gaveute..inna umkhop umme.
Nengcha ; Henge, akhoh hih e, chiute…
Kei ; In lang gaphah ngai kit vehta…
Nengcha ; pida ong?
Kei ; Ka Wallet kan kipoh lou chuo…
Nengcha ; Kate , chipou chu, ken cho nange..
Kei ; kiphatlam aumme, ken cho nange…
Thethem ; olmo ji hih o, chi thim thim ute , atin dukan lang kajon taove ..
Neh thei dingho kakilah un, lhavah jong anop jeh chun, chomkhat apam lang kem khat chung in katou uvin, kakihoulim un ahile, phat jong ana geitan, keiho jong kaki khen taove…
Jingkah lang in, katho tho lhon’in kaki sutheng lhon in, an ho kahon hon’in bol dingho neo neo ho kabol chai lhon phat nin katou lhon’in kaki houlim lim lhon in ahile, jan lhah kadoh hai, kakho lampi kati nu chu, kahin gel doh in kadong in ahile, aman jong aunu ahe.
Kei ;Them, Nengcha khu ahoi kit nin, ale iti danna aunu khu amai khuti setha..
Thethem ; Ana kihoi sah beh seh ale, tua khu khuti ahe…
Kei ; Ale, Nengcha jong khuti thou di chula…
Thethem ; Nengcha chu kihoisah kiti bollou mi ahe, anei neiya lunglhai jeng ahe…
Kei ; Oh, kihoupi anop dan chu, frank thet na..
Thethem ; janlhah a nana chidoh man lou chu navangpha mong mong ahe…
Kei ; nang ba seilou chu….
Thethem ; Nadei thou lou ong?
Kei ; Dei chu thuchom , kavet nom dan chu..
Thethem ; Nadeile, nakiseipih hen kitia, nedei loule chuti tante…
Kei ; kadeipoi bon kiti dehlouva… Kiki hepan panna ,,kiseipaile agel khel dihe, oldeu vin sei nate…
Thethem ; Ump…. Nang dei phat phat le sei naite, moh a mi masa diham kati ahe..
Kei ; Dongma langa ba iti nammo, kitah a hinam?
Thethem ; Kaha het hih e chilang vang, aki umkhom jing laiya vang chu, aphat na pha ahe, aneija ahijongle min akhen tilou aman akhen ji poiye…
Kei ; Ale, tua khun anei dem?
Thethem; Aneilou hile akilomme…
Hoi kasah kamu nom jeh chun, kani nu kajen chai lhon louho, neh ding adang dangho kaneh chai sah jou lhon’in keini jong, ama ho inna ding chun, kachi kit lhon tai. Ainkote ana umda leu pha di hija, Kaga lhung hon tan! Nengcha jong ana um’in an neh na kong le lheng, ho ana sutheng’in kalut lhon chun, ana tou lhonno? Kana nga nahi lhonne, atin ; ipi thu um hei? Eini eina nga lhon katin ahile, Thethem in eihin donbut’in vadi ati hidihe.. Ipi thu umha ! Tia agah moh doh doh chu, Ana tou lhonno, kahung kichai le sei nange…. Mong jella ama kivea kitou touva chu, kakho lampi nu kamu chun, lunggel kisem hole, lunglut najouse abei hel jenge. Ama chula, akiha sem dan dan chu, hoi tange la ti mong mong lou? Ama kasei sei vanga eijong gah kihoi deh kit lou ? Kihoi le chun, kisei le nommo dija? Ahoimo le ahoimo kidem le koiman jong nommo kisa lou ahijeh achu, ken jong, ima gellou tah achu; kagel jouse, abonna thethem komma kaseiji ahe..
Chom khat jouvin Nengcha jong ahung kichaitai. Ai hih e, Neng ipi thu mong mong nangei, agimnei kaiye. Kate, ima ahihih e, jan lhah itou na uva chu gachi kit ute, kati bouve. Kaginmo peh peh ahe… Ichi leu kichai chula, tin keiho jong, kaga vah doh kit taove.. Kei dinga chu, akiha umkhom chu nop kasah le kakipa jeh chun, ipi hijongle ama mel mu dingle, ama toh umkhom ding ahipoule khoh kasah lou ahijenge….
To be continue……
Part khat hichan chu akichaitai..lungluttah a hin simho jouse nabon chau chung’in kakipana kahin phonge.. Chule , isim naban uva lunggel seinom, neiya ium ule, kiphalam lou hella, achunga kipe contact number akhu iki jah mat theiyu ahe……..
Kakipah ae…..
Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.
