Home N Lhungdim NUMEI MELHOI KITI HOKHU ITOBANG HOKHU HAM?

NUMEI MELHOI KITI HOKHU ITOBANG HOKHU HAM?

92
0

Numei melhoi hi mijousen avetnom sohkei ahi.

Asun
N.Lhungdim
Thangting House
Molnom-West

n lhungdim
N-Lhungdim

5th December, 2022

Numei hi ahoina hi amai a 75% tobang um ahi. Adangchu hoi jongleh amai tilou kimu theilou ahijeha atamjo hi amai a kon a kive a observation kiboljui ahin ahi. Amai ahin amit, abeng, akha, anah kitiho jouse jonghi akivettha ahikit in ahi. Ajehchu mi vetnom moh um hochu hiche amit anah abeng leh amuh ho jouse toh thakhat a kive ahi.

Numei melhoi hi pasal hokeo in avetnom pon numei ho jeng injong pasal melhoi ho sang numei melhoi avetnom sohkei in ahi. Kholai a ahungdoh leh amu jousen velou a um theilou ahikit in ahi.

Numei melhoi hi jatchom chom ahoina degree 4 leh 5 aum in akipatna chu English a preety akiti in Kuki pao in apah thit thet kitileh kitohdom pen inte. Aban ah aduonghoi English a good looking ahikit in ahoimona chom umlou ahivanga aduong hoi ahijeh achu mihon velou a umlou ahikit in ahi. Aban ah numei melhoi English a beautiful kiti loikhat aum kit in hiche hi mijouse tobang in hoi asah hochu kiseina ahi. Aban ah mi hip thei charming women kiti loikhat aum kit in ahi. Masang Dibrugarh a ka umlai in Lion’s Club a ana pang Dr. S.K Jain kitipa in thu asei kigot leh charming ladies thu ana mang jui in ahi. Ama seidan in mijouse hi charm bol hih jongleh ajipa vang charm abol tei tei jeha ana kicheng lhon ahi. Hiche hi English equivalent a Miss World kiti ho eiho Kuki Society a seiding a Miss Kut hinla 1st runner-up leh 2nd runner-up ho jouse hi amel hoilou umding in katahsanpon ahi. Ama ho hi percentage dan in kiseileh 75-85% tobang hinte katin ahi. Numei hi anah(nose) asan leh midang athunun e kiti thusim khat aum in ahi. Hiche chu Egypt lengnu Cleopatra kiti thusim khat aum in ahi. Pascal in aseidan in Cleopatra nah hi ana chom jepleh leiset history hi achombeh hiding ahi atin ahi. Anah sao jeh chun Rome a thunei pen Julias Ceaser leh Mark Anthony ana thunun jou in ahi. Achung a isei bang uvin ahoi chungnung hina dinga amit, anah, a beng, akhagu chuleh ane sa dan ho jouse kitohchet hiding ahi. Hetding khatchu numei hoi jouse hi jinei langah avangpha sohkei pon ahi. Akimkhat hi amel ahoi leh angolnom in numei amelhoi behsehlou avomthim hohi achingjon ahi.

Achung nungpen amelhoi kidang English a stunning beauty kiti loikhat aum kit in amaho vangchu 85-95% a melhoi ho hiding in kagel in ahi. Amaho ho kagel danin Miss Universe hinla hohi hitei inte katin ahi. Manipur gam hi gam ningchong ahijehin Miss Universe ana la hohi ana kimu jipon ahi. Ahinla vangphat umtah in tuchung ah Sangai Festival sunga Miss Universe ana la Lara Dutta leh Sushmita Sen ahung in Churachandpur Public Ground ah ramp a catwalk ana bol in Churachandpur mi atamjon ana muding katahsan e. November 30th nin Hatta a um BOAT ah Sushmita Sen ahung in open vehicle ah atou in akhut ajap in amu jouse a vetnomlou ana umpon ahi. Hiche chungchang a ahunglo nalhon hi Manipur Handloom promotion nadinga Robert Naorem in ana kou ahi akitin ahi. Atahbeh a Manipur Handloom hi hoi leh gun mong mong ahi. Hiche LASHINGPHI kiti jongkhu kampol tobang ahin ahoidan jongkhu kidangtah ahi. Muntin gamtin ah railway station laha jong Manipur Shawl akimun ahi. Kumdang a kibol ngailou tukum Chief Minister N.Biren in Sangai Festival hi munkhat keo a bollou a mun 5 leh 6 ahinbol hi thil phatah ahi. Churachandpur District ah akipat nadingin Behiang mun a Chandrakirti park asem aban a Geljang Resort ah ahin man aban a Public Ground a Sangai Festival ahung kibol hi ahoi in aphan ahi. Kajah dan in 2023 kum leh Miss Femina Contest jong Manipur a umding ahi ti kajan ahi. Hiche Miss Femina contest ahi Miss India kilhengdoh a hiche Miss India chun Miss World a participate abol ding ahi.

Tuni iseinom uchu leiset chungah numei melhoi tamtah aum in hiche plastic surgeon hon aseidan in amit hoipen chu American actor Winona Ryder ahi in ama hi tutu in kum 50 tobang ahitan ahi. Chukit leh adonghoi a kithang chu Australiaian actor Nicole Kidman. Nicole Kidman hi Moulin rouse film a ana pang nuchu ahi. Chukit leh Miss World ana la Priyanka Chopra, Aishwarya Rai kiti teni jongkhu ane asa vanga ahoi a ana kilhengdoh ahi. Aban ah Hollywood star Angelina Jolie kitinu khu ane padet a melhoina kithang ahikit in ahi. Hollywood leh Bollywood actor lah a ahoi a kithang minthang hochu phabep khat kisei leh atahsa hoilanga seiding Mexican actor Salma Hayer, Welsh actor Catherine Zeta Jones kitinu jong khu ahi. Chukit leh bollywood ajong melhoi kidang tamtah aum in amaho chu Deepika Padukone ahin Aishwarya Rai ahin chukit leh amelhoi a semphat ding beihel a ana kisei Jaya Prada ahin chukit leh Miss Asia ahi ana kiti Zeenat Aman ahi in chujongleh Hema Malini jong kum 80 lhing kigo hita jongleh amel hoina hi vetnom aum nalai in ahi.

Melhoi hoisahna hi kikhel jing ahi in khat in hoi asah chu khat in hoisa behseh lou ahikit in English te thucheng in beauty lies in eyes of the beholder avepa mit achu hoina chu um ahi ati chu adihmo pon ahi. Masang in thinglhang a chenlai in nungah hoi numei melhoi kiti hi aum behseh pon ahinla tulai in thinglhang kiti jongleh loulhou thingpo alhom in adeh a phai gam a cheng anu apa service hohi ahoi atamjo tan ahi. Japan galjou a Indonesia President a ana pang Sukarno in hitin ana sei in ahi “The God must be beautiful God who has created such beautiful women”. Kajan dan leh kahet danin President Sukarno leh masang a Libyan President Gaddafi in bodyguard in numei bou amang lhon e akitin ahi. Ajehchu numei hoi hochu office a ache a amu leh chuleh ahungdoh a amuchu nom asah ahi. Dih inte ajehchu numei melhoitah imu leh kipa aumjui mong in ahi. Kagollhan lai in numei charm eibol behseh kahepon ahinla ka innepi hin charm eibol a kana kichenpi ahi kitileh kijou ponte. Kuki gospel lasa nungah hohi amelhoi lou aum behsehpon ahi. Ahinla ama holah a charm eibol khat aum in ama nuchu ajinei ta in amin chu kiseidoh da tante ajipa engse khat inte. Indian Tv India today a news anchor khat nukhu charming kasa lheh in ahi. Hitia hi mijouse hi khat in charm abollou ahi.

Articles hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Site nalut a notification pop up hung potji ho allowed anabol ji uvo maban a thusim thah ahung ki post teng notice namu ji diu chule Bell button a subscribe kiti chu meh un.

Previous articlePurple Stag Gambling enterprise 325% casino platinum play initial Put Complement So you can $650
Next articleMIHEM EIMA SUM CHIN LEH HOUBUNG SUM CHIN AKIKHEHNA NAHET THEI UVEM?

LEAVE A REPLY

Please enter your comment!
Please enter your name here