Reposted today 16th July 2020 because of its Relevance in Current Incidents.
NIRMAL KUMAR MUKARJI
(9.1.1921- 29.8.2002)
-THE BUREAUCRATS PER EXCELLENCE-the best example of a good Christian officer.
Asun:
N.Lhungdim
Thangting House
Molnom- West
Nirmal Kumar Mukarji hi Indian Civil Service 1944 batch anahi ahi. Jan 9, 1921 in Delhi ah anapeng in 29 August 2002 kum 81 ahi in Delhi ah anathin ahi. Apa chu Satyanand Nukarji phat khat a Delhi a St.Stephen College a Principal anahin ahi. Amaho inko hi Christian phatah ahiuvin, 1944 kum a ICS Exam a topper anahin ahi. ICS officer lah a Retd. nukhahpen ahi in Home Secretary anahi in, Churachandpur a Pu K.Kipgen IAS Deputy Commissioner ahilai in1972 Churachandpur ah Nirmal Kumar Mukarji Home Secy. pa chu ahung khol jin in BSF Helipad ah alamto na ah keijong kanajao in ahi.
Churachandpur Town Hall ah mipi meeting anaum in ahi ama lamtona in. Nirmal Kumar Mukarji chu St.Stephen College leh Harvard University ah lekha anasim in ahi.
Prime Minister Morarji Desai,Choudhury Charan Singh, leh Indira Gandhi Prime Minister hilai March 31 1977 akipat March 31 1980 chan in kum 3 lhingset Cabinet Secy. anahin ahi.Nirmal Kumar Mukarji in a retd. jou in Punjab ah Governor in 8Decenbrr 1989 to 14 June q990 chan jong ana pangkit in ahi.
Tunia iseinom uchu India Bureaucracy a Cabinet Secy. kiti hi asangpen leh alenpen ahi in,tulai in alha sumsanding jong achombeh in asempih ahi.Lha a Rs 2,50,000 asan ahi. Hiche Cabinet Secy. ahin Christian anapang kha chu Nirmal Kumar Mukarji ahin amachu Prime Minister 3 noia Cabinet Secretary na anatoh ahi. Abana PMO a Principal Secretary anahi Dr P.C. Alexander anahin ahi.Amajong Christian officer kaisang pen a nahin ahi.
Cabinet Secy. Nirmal Kumar Mukarji
Thusim ngaitah khat , Morarji Desai Prime Minister ahilai 1977-1979 lai in Dr P.C.Alexander chu Commerce Secretary anahin Janata Party in amaho mikhat achom a deisahna apehnom jeh uvin P.C.Alexander chun adih a ahetlou jeh in anabol nom hih in chuche phatlaia Commerce Minister chu Mohan Dhari ahi in, Dr P.C.Alexander in jong alungdon man in Cabinet Secy. Nirmal Kumar Mukarji kom ah ache in PM kom ah neikilhon pin dih kasahlou leh katohnomlou khat tohsah ding eigong uvin ahi atiphat in N.K.Mukarji injong Dr.P.C.Alexander chu PM Morarji Desai kom ah apui in athu chu agasei lhonleh Morarji Desai in nangni Christian chet chet nahi honjeh a kitho a kipanpi ding nagel lhon ahi in kei rime Minister kahin keidei dungjuia natoh lhonding ahi ati phatchun N.K.Mukarji in jong Prime Minister
kom ah kum 30 val na kahintoh na ah ka hou Christianity toh kimat in sihnei langnei na khatvei cha kanei khapo in thudih leh thutah kahin chepi peh a Cabinet Secy chan hi kahunglhun ahi. Nang Hindu nahi a
kei Christian kahijeh a ka Christian chanpi panpi dinga neigel a ahileh tu tu in Cabinet
Secretary kahina kahai e tin ana donbut in ahi.
In alhun alhun in Prime Minister kom ah Cabinet Secretary a kona ahaina Letter asun in athot leh PM in ahaina lekha amuphat in akou in ajol in a withdraw sah in ahi. Ajehchu ka haidi atichu gihna a asei ham atileh atah tah a ahiphat a chu anungjol kit ahi. Hiche tobang Govt. Officer ICS hihen IAS hijongleh ahilouleh MCS hijongleh thudih leh thutah dinpi a pang ngam leh doujou hi mi aumding ginchat aumpon ahi,ajehchu ama a Cabinet Secretary a kon a hai ngap ahi..
Pu Liankunga IAS
Mizo holah a Officer thudih ma ma phabep khat aum in khatchu Maharashtra cadre IAS Pu Lalhmingliana
Saiawi 1966 Batch IAS ahiAmajong a retired jou in jong Central Administrative Tribunal ah member in jong ana pang in ahi. Aban ah Pu Liankunga Bihar cadre IAS jongchu ahikit in ahi. Pu Liankunga IAS chu Lallu Prasad in election a akainom jeh in apanpi ding a constituency ah posting anabol in sum suitcase khat dimset agapeh sah in asum chu asimleh 49 Lakhs tah ahi akitin ahi.Aman treasury ah aga koisah in ahi.Chuleh adang dang Incometax a Chief Commissioner anahi Pu V Tochhawng IRS , keima tah in anoia kumtamtah na kanatoh ahi.1997 lai in VDIS kiti scheme khat ana um in hiche scheme achu sum nenom hoding a tamtah nehnathei ahin ama tobang Gauhati a toupan crore lang anehna ahivang in aman chengkhatcha anepon ahi,kahetna chu Advocate khat a in ah nikhat agachen Sir Sir VDIS scheme a neikithopi jeh in kipaman kapeh nome aga tileh aman ken koima kipanading in nakatong ngaipoi,katohding chu adih e kati ho bou katoh ahitin ana nodoh in ahi.Ka service sung a ka boss 9 tah noia kanatong in amatobang kanahepon ahi,Mizo officer Pu Lalfakzuala IAS , Pu Rualzakhuma IAS leh adang dang jong aum uve.
Pu N.K.Mukarji chu ICS Officer lah a Retd. nukhahpen ahi.31 March 1980 chu ahi.Hiche ni lhaha chun Central Secretariat North Block hungkumsuh a ain lam anajot ahi. Amabana Cabinet Secy. hunghi ho chu IAS Officers ngen anahitau vin ahi.
ICS Officer hohi masang in Steel Frame of Indian Administrations ana kiti in, thih tobanga tah a ana kiseia thudih thutah boua vai anahom ahi. Manipur a 1919/1920 laia SDO a hung Songpi SDO B.C.Gasper, Tamenglong SDO William Shaw leh Ukhrul SDO L.L.Peters hojong chu ICS Officer ngen anahiuvin ahi.
Tulai IAS Officers hohi adihtah leh thutah ma ma jong aumda pon ahinlah tulai hin IAS Officer atamjo hi Ministers ho deidan dan tong leh sum le pai a kitimjou lou atamjo tan ahi. Masanga ICS Officers Steel Frame of Indian Administrations kitichu tulaia IAS Officers kimkhat ho hi Bamboo Frame of Indian Aministration kitileh hung kilom ding in aumtan ahi.
Materialism leiset thil deichatna leh ngaichatna hi adimtan, tulai hin Govt. Officer hoding injong adih achang a natoh hi thil hahsa tah ahung hitan ahi.Ajeh khat chu ahileh masanga British phatlai a Minister ho bang in tulai Minister achombeh ahitaovin ahi.
Manipur ah Kuki chate lah ajong khat le ni aumthou in ahi. Masanglaia Pu Sehkhongam Singson IAS kitipa jongchu thudih leh thutah a dingpen in akisei in ahi.
Achaina a tunia iseinom uchu Christian Officers len hohin Christian ahinao quality N.K.Mukarji leh P.C.Alexander banga tuhdet jingle chaldet jing ding in deisahna lentah akinei in ahi.
Christian officer houin kai holeh Hou in kaikhalou Meilhei officer hotoh kikhehna umbehseh tahlou hi vangset um leh da um pen ahitai.
British romantic poet minthang
William Worthsworthin ,(17 April 1770 B 23 April 1850 D)
“The world is too muchi with us , late and soon,
Getting and spending
We laywaste our power .
Little we see in nature that is ours.”
anatichu ihitaove.
“Sumholna thei jouse holding ,
chohding a deijouse chohding.
Jilechate toh kihouman lou a boiding.” hichu tulai hinkho ahitai.
Too much of MATERIALSM
Too little of spiritualism.
And killing ourselve before,
We are here to die.
-31.01.2020-
