NILHUM DINGKUON’A TAMAH-LANU!
(Based on a true incidents Heart-touching story)
Part-(111)
Story narrated & Arranged by:
Max @Hegou-Dimngel
————————–Somasa (Part-11) abanjom:
Chuni sunn’a chu Hahao nulepa agena dinga imajouse gontupsa (arranged) anahitah jehchun alangkhatna seidin kavangpha lhehjeng lhonne.
————————ALULIU LE KEIDIA BUH (HUT) SUNGCHU GENTHEINI-JAAN:
Chuni jaanchu huuilhi alaangin adaptoh vanjong athiengsetne chule Aluliu kolbu (maize) gochu kaven ahile, chubanga melhoinu chu apumpi’n ti-ul (sweat) nin achuptan amajong adiella chun anakitheh jin ahi; Kinjong “Sis. phatante nagil akieljongle kei pasal kahi’n nahin gopeh nangnge nangjoh nuommin anakicholtan (lungthim’a nungahnu imuttengle natoh kipatdi katihe🤭) katile,
Aluliu chun “Bro. nangjoh kicholtan sunni-lhumma lampi navat nalelval dhe keijoh toutange” ahintikitte (adanchu eiginmo himaithei🤦♂️), Chuin ibakilo dingham jaan-khang (midnight) tengle anop adathu umlouvin kakomma hunglum tante katin kaga kijam masatai. Ahivangin ka imudehpoi chubanna jong puonsil chu ni ahin, keichun khatpen chu kakisil/kakithuo’n guhthimmin kapung (watch) kameh vahle 09:30cn ahitan; Aluliu jongchu analel-thimchu hitantin kakomma ahunglum pantai, Keichun olcha khuohelou banga kagah haoleh akithouvin meipanga akingaijin atoutan ahi. Kalung hangvalla kangaphat kitle jaankhang-kim ahitan keichu kakimut lhemsah ahepuon avellin ahunglum kittai, kakhutna kabu pungchu kavetle guhthimma 01:17cm analhatan tuchung vanghi amalenjep ahijehchun hinpan tante tin kagelle; Chuaphatna keijong bolle bollou kasaikah/kagelkhen ahinla atah a boldichula kadeijoh kalung aboitai,
Chuin kalungthim’a Pasal in kipanjeng henno katia kagah koi (hugged) leh ka imutlou ahetphatnin atouna ngaija bang (wall) achun kingaitoh lunggel aneijin aimuji’n ahi. Keijong kachielhon dikuonna kanu thuseichu kagel dohtan chule jinga lamjot tengle kalelval dijehchun boltalouvin banglang kanga’n lunggel neipumma chun kaumtan ahi, Aluliu chagin kaja’n guhthimma puonnoija kavetle imudin kakom hinjuonne; Chomkhatpi amajong kigingthimma alupma kadon louphatchun keilang ahin ngatan amalle katochu agoileove, Chupetna kalunggelchu boljenga naovop (concept) ahijengle kichenpi dijenge tichu ahi. Akahle Kukile Naga gaal anahijehchun jidinga kadeimo nale chujaan’a amelhoi jehchun nungahma ahile, Golden chance lha-suoding chu kagelmo leovin kati-ul (sweat) kamaaija adim lhajenge; Chubanna sunna loitho genlah a gollhangpa’n “nabol nuom (willing to have enjoyment) leh jol’in lang hi o” einatichu kana bolman kittapoi,
Aluliu umchan chula sadoh (hot) hitantin keijong kagah kihei guotjile kapa anagollhan laaija ajimasa Ng. Lydia @Lamneo chu kakhouva cheng amanu miellin kamujitan ahile kathanopna jouse abeidoh jitan anahie. Jingkah khuola vahtading ahin kalungel’a patchop dingla case/FIR hinbol jengtale Nl. Hoinu’n athuchu aseilou maithei ahi katin, Jingle lampi saohina a chuteng chance tampi kaneije tipou kakilhepna’n; Akahle Gollhangpa seibanga gahjol/gahhel dingin thanuom tahchun anina chance chu kana lhasuo tai, Chomkhat chu keini jong ka emucheh lhontan ahile hetman louvin jingkah 05:30cm anapha mantan ahi. Chuphatnin amachu aleljoh jehchun chomkhat jen alum nalaije ahinla keiho langa lampi adihchu kahet phatnin, Aluliu chu oljeple kisukhang tante katia keichu polanga nikhuo chu phading hinam tin kavelen ahi; Chukahlah chun ama’n haa-not (tooth brush) chu buhmaai achun hungbolle, keini jong kilhungvah tadinga katilhonnin hijehchun geijepma nomtah a chedin kaumlhontai.
Chutiphatnin amanu chun Oja agapan thuchu aseijin akisih lhehjenge, ahinla acheloukit nahile amasa analodohsa bat (debt) umhochu mohseh suohding a-itt kitnin ahi; Phaatchesa laaija amapienpi achung’a pa Thomas Bangalore chun College Lecturer dia anakoupetna anachielou aseijin akapme,😭 Keijong chu hinjole loukuon dinga mihung tengle kabol hisahvinte tin kalhembi loi2 tan anahi. Chuphatnin amanujong agilkiel kittan nehthei (snack) ahinladoh in “Bro. netate ong” eihintin, Keijong kolbule changmaai khatcheh jaan’a anaum denchu kavel guotle; Aluliu chun “Bro “meilhei-pao nahetlou kalung nadonge” tin einadaaije, Kinjong “Sis. English le Hindi pao kahet poule aphai ibolla ipao suhmil jenna midang pao kithodi ham? katin kaletotne. Chuti ahiphat nachun jaan’a kamitmo chu kagelle kajah achatan, Abang kuomle athil-puohchu athingap hitam! tipou kagelle; Chupetnin lunggel thah kahinnei kittan namphua Aluliu chu kaboldi ijemtia adaale gathah loudi,
Chukitle muolchung chankhu ajoltoh athah kakop teng anopmale sumla kimu nuomla kisanalai ding tin kana kinemme. Ahinla ijemtia ama alenjonu’n kiboldi ahinpat loule mohseh a muolchung chanbou thah maitange katin, Oleba Kuuilonga kagathah lhunteng bollou nakah a eibolle tin sum eipeda-khale vang kathi jong abaije tipou ajat2 kageldoh e; Amavang kanule kapa’n eitaopeh naho jalla damma inn kinung lhunkit ding ahitichu katahsan kitne, Chutia kalungkham maisuo chu ahinmutan ahile Aluliu jong akiphalam lotan anahi. Chuin “Bro. Max nungchie tahite kasugim vaaltai” ahintin, ken “Sis. Kei nangdia kapanhila ibolla nalungneo ham? oleba neiginmo tuohbouve” katile; Amachun “Uu kinvang nang kadeijin chule hoijong kasahdan” ahintie, Kaginchatlou (surprised) kipanale thanuopna eipehjal lachun lampi kajotna sung lhonbeh ahin gelthei tante tin kakinem maitai.
=Hiche thusim lunglut tahle thanuom tah’a simhojouse nabonchao chungin kakipana kahin phuongin, chule Pathen in phatthei nabohcheh tauhen!
~Abanna Part-(1V) na a KEIMAN ALULIU SCHOOL CHAN KAGATHAH LHUNG kinemmin anangah jingute🙏.
Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.
