NILHUM DINGKUON’A TAMAH-LANU!
(Based on a true incidents Heart-touching story)
(Part-(1V)
Story narrated & Arranged by:
Max @Hegou-Dimngel
—————————–Somasa (Part-111) abanjom,
Kaginchatlou (surprised) kipanale thanuopna eipehjal lachun lampi kajotna sung lhonbeh ahin gelthei tante tin kakinem maitai.
—————————-KEIMAN ALULIU SCHOOL CHAN KAGATHAH LHUNG:
Jing nisuo emhoitah chu solam akuon ahungsoh doh in keijong pung kagahvetle 07:05cm analhing tai, Chuphatnin Aluliu jah’a “kigochaijin ichepan ditai hinjole igeile joukuon ho’n eihinlap kha-ule iminset lhonding ahije” katin; Chuphatnin amanu jong twi kikoi hochu kipohdin ahinseije, Chuin kin “Lamkah lah’a twi tampi ijotpa dinai puohda jengtan chule lampi a chele vahle hodia kisem rest camp deljoh tahite” katie.
Buhchu phaten kakhah kitlhon in keini jong lampi a kamasa’n ol2 a lhunlouna tei2 din kapuuitan ahi.😆Keijong Loi-tho genpa (gollhangpa) thuseichu kageldoh in jinu (wife/fiances) dingin kahinjol pantai, “Sis kalungsetle kadeijeh a gamkhu-chanpi keng’a hijongle ngailutna jalla kahungthah nahin; Nangin jong kalungsetnahi neisanpeh tan” kati, Ajehchu anopma hile chance chu manbeija kimuding sumchu khohlou ding ahitai. Ijemtia aboikhah jongle kideile kingailutna jalla soh ahitia kinemtah a kana gelvangin hitin eina donbutne, “Bro. Gou nanghi kasuongin chule nakitah’e keijong nang kalungsetmo jong nahipoi; keithahdia nang kahin kilhen chula🤭alangkhatna jong kanople jong nanule napa’n eideiponte, kei Liangmei kahijeh in kakiphalamme. Hijongle kanoija nungah Aviliu toh nangni kichengtei2 lhonno, kanule kapa’n chule kasopiten nalungset uva nadei diu ahi; khatveibeh hijongle Tamah-Haosapu chanu kahin inn’a nahungtei dhe lungsettah in” atin, chuin kenjong kakichae tia alungthim kanavetle nahunglou dingle kiletahite innlanga🏘️ ati.
Chuin kahungdhe khatvei neichop (kissed) in kagahtile, “Bro kakipah valle winter vacation teng inna kaumditai tun namit-sing’o”😉 eihintin; Guhthimma kavetle kane (lips)👄ahin chop💋in avotjin jenne, Kalunga kagella🧏 bolchop tange aphaatcha ahitai tia kagah vetle Lydia @Lamneo🧖♀️miellin kamujin kathanopna jouse abeijitai. Ahinla chuche deijeh a kitup (focus/mission) a kinei hijeh avella bolphat kitdin lungthim jat2 kahinbol tai🤣, “Kache2 lhonle muolchung 🏞️ kaphalhon tan chomkhat kicholtoh kihoulim kakop lhonne; Chuin Aluliu chun D. Kotlen lang ahinnung vetna abanle kachie nalhon ding avetkahle kamalam lhonjoh saova ahitan, “Bro nehthei netate kagil-akiel (appetite) valle ahinla twila umkitlou na!”🤨 ahintin akap (weep) gotai. Chuphatnin tuapatna muolchung-cham (plateau) themkhat ijotjoule aken-suh (steep/slope) ngenbou Kuuilong Part-(2) chan hiditai katin (Tamei langa kipatna Kuuilong Part-1 chu amahodia kinaai), Chuin amajong naosen banga kiphin ahinbollin “Bro Gou neipohdhe kakeng anavaltaije achutiloule kaumden dijenge” atiphatchun;
Kenjong chomcha kapohle twi umna kaphahpai lhonding ahitan, Chuin amanu (Aviliu) chu adangchah vallin alhaiphei tan ahi. Keijong twi umna komma suongpi achun katoule naa (leaf) a twi eihindoppeh in eipien, “Naseichu adihji bouve na uu chule kasanga nadonjep vangin pasal hinan kau katinomme; Kinjong kamua chu navon netjeh a kadondale nahung kisiljouva dukan nahinjot kamuapat chun hoikasah valle, kangai tahdan hijongle Namchom2 ihijeh in kamasang ding buh achu kana kigel2 ahin hahsadhe. Lungsettah in loilegol banga umtahite na kalungsetle kadeilouvin gelhihta o Bro.” tichu English le meilheipao vin anaseije, Kei jongchu nikhatlam ahidijeh a vondang kiahlou chule amajong School-Staff Quarter a anadalhah jeh’a Bag🛍️bou anakipoh ahi; Hijongle kalhun masanga dap kathuoh lhonchu ahitai, Guo (rain) ahung jutaan keini jongchu kinothim chun rest-camp kadeltho lhonne. Gam-gillah ahitoh gamgi (border) tohjong akinaaijin guochula ahatdan vot (leech) tamkit toh nah2 in kicholna-inn kapha lhontai,
Kanilhonna vonkhelna dingla kanei lhonlou jehchun keiman “mei (fire) katiding ahin; nang kanung langa navon kiheh gotno nahin nungvet ponge” kati, Ama kichaijin kei eisol kittan chule kasongkhol chu meija einasah gotpeh e. Lhunlou dila genadang umlouphat chun kakipat dohkit lhonnin chule adaptoh kikoito digelle phadihija ama alenjo tia kalunga ijat kaboipi vangchun aphachom tapoi, Satan in kalungthim’a “Aluliu chu masatsah inlang sonlhu in chuteng kipal lhubangin amanu chunga optangem!” tibangin kahe’n; Keijong kabol gotle eikituh bangin kaoh-jin kajah jong ahung-chajie, kalung jong akahle ahaang😡jitan “gamlapitah avatne kicholte chomkhat hijongle kalelle” katin katou lhatai. Amanujong kakomma ahungtouvin nehthei (snack) chu ahinla doh in kakam (mouth) a inkoipeh chu katha kiduojenge,💪 Aluliu jong atotnin “Bro. Gou kiletate achutile na lampia gilkel jeh’a ithilo palhon sangin” ahintin; Chuphatnin “Sis vadunga hinjole twi analen khale iboidihe naseibanga chun inn’a kileding kanomme” tin kaledaije,
Aluliu jong amitlhi (tears)😢aluongin ipiba agel hitamla kihelou (kalunggella nupa banga chondi agelpet hinte katie).🤦♂️Keijong tahchapa lungthimse boljong akaanpoi gathah lhungloija summu dichu kalegel johtan anahi, Chuin “Sis kithouvo anaaite damsella kapuilhung ding nahie imalungneo ngaipoi; chule Principal-Dangambou vin nikhuo valla nahunglhun atile kinsei tange katin kahung kipatlhon kittai, Vangphatpin twichu kongchan apha’n neipo’n atijehchun vadungchu kapal gaal-kai pitan anahi. Chutichun kenjong totna kaboljin hahsalheh jongle kachie2 lhonnin Peren dist. Nagaland kapha lhontai, JCB in lamlen (road) anasiem’a ‘chule Saipi (Elephant)🐘 injong Beam Shaktiman nin anahenge; Chuachun Loi (buffalo)🐃a Beam kaimi natongho (employees) lah achun ahungin Nagamese paovin kagathah danthu Aluliu chun anaseije, Nilhah langkaichun Kuuilong Part-(2) chu kalhunglhon tan khuosungmite chun eina kouvun Kolbu le Changmai eipelhonne. Hitichun kaneh joulhonchun School kinothimma kajuon lhontan ahile “nilhum dingkuon’a Tamah-Lanu!” chu kapuilhung tan ahi,
Chupetna chun Kerela a pasal (Oja) Liangmei numei tohkicheng chu twikhai din ahungin; Eimu2 lhonchun Principal (Dangambou) chu agakoudoh in Buhuonna-inn (kitchen) nachun eilhunsah lhonne, Chuin English paovin Aluliu jahdin “Friday nia hungta a ibolla Choldoni (Sunday) nikhuo a eimipa tohin nahung ham?” ati. Chuin aseipai kitnin “nangnuhi tahsan tah’a kaneija ahinla thieng tapuon nate ajehchu nainn-sungmite tohjong kana kihouvu ahitan, Gansemni (Friday) a napa’n kahinsol tauve atichulaem najahcha lou” tin aphuohtan ahi; keijong “Sir nagelkhiel ahije Friday nichun ahungina ahivanga akilhonpidi miumlou jeh’a kei eihin kipuije, hijongle lampi kahin kiholthu lhonna tua hunglhung pan kahilhon bouve” kati. Chutahchun Aluliu chu akaptan🥱ahile Ojapu khatpachun towel le toka-sing (half-pan) eipen kisildin eisoltai, Kachie dikuon chun Dangambou vin amanu chu Nagamese/Liangmei paova chun nasatah in anahousen ahi; kakisillha loijin kahung kile’n numeinu (Aluliu) chu kisildin asolpai kittai, Jaan ahitan kabonvin bukane taovin ahsa mechu kanepuon maipuong metam kanetai.
Hiche thusim lunglut tahle thanuom tah’a simhojouse nabonchao chungin kakipana kahin phuongin, chule Pathen in phatthei nabohcheh tauhen!
Abanna Final_Part-(V) na a ALULIU LE KEIMAN GENTHEINA KHELLA LOLHINGTAH A KIMUTONA kinemmin anangah jingute🙏.
Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.
