Ineo lai uva iki chep phat uleh thu ana kisei hohi nahet be u aum nalai ale hinhap uvo.
▶️Ipi kichep hijong leh akipat masang a : Kei Apple nang Mango/ kei Black nang White/ kei Lily nang Rose tia kiki homji.
1️⃣. Line cross te : Kengto tham thi, kilah pa oilou, Freeman challenge, mini bou tiho ana kisei ji.
2️⃣. Uuu te : Ahailal aum le thi, a aw kikhel jong thi, mikhat thi masang a Lengpa(king) game oilou.
3️⃣. Dampa Spike (Akisel te/Hide & Seek) : Mi hol dingpan 1 to 50 ahi louleh eihon isei seichan u aga simjia ihung holjiu, mikhat spike masang a dampa oilou.
4️⃣. Fire Picture te (Kikap to te) : Molkang khat ahi louleh thal a jahthei khat kiki choi te², ken nang kamu masat ale nang nathi, ini ni lhon a thakhat chet a iki muto lhonleh gangchel a gaki kisel kit, achaina pen a ahing hing in ajo.
5️⃣. Meina te : Khut a 123 te kisim a akiman masa pen² chun mi andal panding (picture), adelpan athamkhah khah chu aman mi andal pan kitding, min itham khat konchet a itou a owaa (òvaaaa) iti leh kisohcha, iloi khat in ihung tham tokah a kiding theilou, intham tham uchu eo jel a kilhei kit jeng, ilel tokah a kichep kichai lou.
6️⃣. Marble te : 3 6 te (3,6,9,12,15,18 die), Rocket te (2 bot, 3 bot, etc..), Tokte (bang pang a), kutis te, ijat ham akisei te (khut a kisel a, a no. kisei ; ijat ham asei dihpen pen chun akilah ji)..
7️⃣. Thilkeo te : Khaini kokta, loukhum, bottle kijang lou, torchlight se, battery se chuleh nen kholna a manthei jouse le thingbong thingbai kichom khom jia insung neokhat kitung doh ji, insung mi hikhom ding kiki homji; Dukan bolloi, me johloi, sa johloi tia kiki homkit, lingga na ahi louleh haina hokhu sum a kimang ji, Vutvai khu ancheng a kimang ji, jan le sun jong kium sahkit; kichep pet a golvah (marriage) jong kibol thaji, koi hamkhat le koi hamkhat kigom ji…
8️⃣. Line te : Songpeh ahoi hoi kiki hol ji, Line sekhah oilou, keng langkhat bou a kiki chem, luchang ajong kikoi ji, mitsin pum a jong line kipal ji, gam kiki chohji, ei inmun aning langkhat mi china dia kihoi..
Kichep na vang hilou hinlah bongpi le vohcha chung a toukha naum uva? Kei katou kha te.
Lungset tah in hapbe thei aum ale hin hapbe uvo. 😅
~ GouArsenal Haokip
