~Story By
Nick Hangshing~
Nungah khat hi aum in ahi, nikhat hi nungah nuhin bol d ahet lou jeh chun, nehthei akichoh in, tv vet tokop in ane in ahi. Aman jong lunglut tah a TV avet lai pet tah chun hetman lou in nisa ana lhum in khom chu ahung thim lhatan ahi. Nungah nu inn kisah namun chu gamlah tabang thim ahijeh chun nisa alhum jong leh kho athim wah ji in ahi. Chuleh a compund sung laitah a jong chun thing phung khat aum in ahi, chuleh hichi thingphung chu a tou na common room window apat in phatan aki mun ahi.
Nungah nu chun Tv chu lunglut tah a avet vang in, window apat chun avom letlut khat akot lang a achi phei chu amu pel jap in ahi. Hichi jouchun phulou helou in akot chu ahung kikhen poh lah in ahi, hichun nungah nujong aking wal in, atou na akon chun ading doh in koiham tin adong in ahi. Hichun kot lang chun achi phei im kot chu ahong in ahileh hui in amai ol2 a ahin mut a ahin mut vot bang khun amai leh amit chu avot lha in ahi. Ahiwang in polanga ema amu pon chuleh koima jong amupon, athip chet jeng in ahi.
Hichun numeinu chun kot chu ol chan akhah in, atou na achun atou kit tan ahi. Atou lhah2 chun ajou a sanga hat jo leh ging jo in ahung kikhen ging kit in ahi. Hichun aman jong apet2 in window lang chu ave pai in ahileh a compound sunga thingphung um nalang achun thil khat hi amupel jap in ahi. Aman jong ema dang bol lou in l, window apat achun thingphung umnalang chu ave in thil ahung so ding chun angah tho tan ahi. Ahin ema atilou phat chun, ainn kom vel a chapang hon akot chu song a ase hiding in agel in ahi. Hichun chapang ho hiding in agel in num tah achun tv chu ave kit tan ahi.
Minute ijat hamkhat jouin kot chu amasa a sanga hat joh in ahung kikhen in, loh joh ahung kiloh tan ahi. Hichun nungah nu jong chu apet2 in alhai in kot chu aga khah chah tan ahi. Hichun aman jong pot pai tao inte tin agel in angah tho tan ahi. Ahin apot lou phat uvin, alunggel angam dom nadi leh ama le ama kiveng bit nading in kitchen a chun alhai phei in chem cha aga kilah tan ahi.
Hichi jouchun room window chu ol2 in ahung kikiu pan in ahi, chomkhat jou in hichi a window kikiu chu ahung ha kikiu cheh2 in chuleh gang jong ahung gang cheh2 in ahi. Amun a chun numeinu chu aki acha wal in akang den tan ahi, hiti chun window ahung ha kikiu cheh2 chu amoh vet tho tan ahi. Hichi numei nu inn chu aneo jeh chun kisel nading in mun jong aum thei pon ahi. Alangkhat in amajong akisel num deh pon ahi. Ajeh chu akisel leh akichat na asan cheh2 d jeh chun kisel lou a ahung ding chu kimai to p ding in aum tan ahi.
Chom khat jouin a window kikiu chu ahung thip tan ahi. Hichun nungah nun jong kot lang chu ol2 in anai phei in, kot achun aki ngai in polanga mi um m tin ngailhih ding atitan ahi. Hichi pet tah chun window a hin mi le(shadow) tabang adin chu amutan ahi. Hichi amu2 chun ama jong chat lou in kot achun aki ngai tan ahi, hichi pet tah chu akingai na kot chu polanga kon in thum vei ol cha chan ahung kikiu in ahi. Hichi jouchun ema jouse athip chet tan ahi. Aman ajah thei pen chu ahileh a heartbeat hi ahi. Hichub kot chu amasa a sang a hat joh in ahung kikiu kit in, polanga kon chu aw khat in nem heu chan, nungah nu bilkol toh kitoh chun “neilutsah in” ahin tin ahi.
Ahin nungah nuchu thip beh in aum in ahi chomkhat set jouin, kot chu ahung ha kikiu cheh kit tan ahi, hichi phat ahin wang polanga kon chun aw pitah khat in lunghang tah in asei ngai bang chun “neilutsah in” ahin t kit in ahi.
Kot kikiu chu aki nga tapon ahi, kot ahung ha kikiu chan in polnaga aw jong chu ahat cheh2 in ahi. Polanga kon chun “neilutsah in” tin tang lou in lunghang tah in asei2 jeng tan ahi. Kot kikiu chu ahat cheh2 in, chuleh ahung hat ngal tah phat chun kot chu akithing leu in chuleh akiu hong deh2 jeng in ahi. Numei nuchu akichat wal phat chun amit lhih amoh lon tho tan ahi. Hichun kot chu hon d leh hon lou ding chu alungin agel kha le2 tan ahi. Ajeh chu kot chu ahung ha kikiu cheh2 in, akiu hon deh2 jeng tan ahi. Hichun polanga kon a aw chu “naum jong kahe nai” tin apen toh akisen akop in asei in ahi. Hichun window chu ha beng in ahung kibeng tan ahi. Hichi phat chun numei nu jong akisen in, “koi nahi ham pot doh in” atin ahileh, hichi asei jou2 chun a inn chu apum in akithing in, “neilutsah in” tin hasen in ahung kisen tan ahi. Hichi awcheng chuleh thukisei chu numei nu lungsung in aging den2 jeng tan ahi. Achai2 nan thil umdan chu akhoh seh cheh2 phat chun, numei nun jong amitlhih akitheh in, kot kam chu ahong in, hut khat in kot chu asat hong tan ahi.
Ahiwang in polanga chun ema amudeh pon ahi, chuleh polanga thingphung leh hui hojong chu athip chet jeng in ahi. Hichun aman jong kithing pun2 in kot chu anung kha tan ahi. Kot akha jou2 a akam chah jou2 chun, numei nu chu apum in ati ahum in, hichi jou2 chun anunga kon chun aw pi tah khat in numei nu bil kol a ol chan, “neilutsah jeh in kakipah e” ahin tin ahi, numei nu apet2 a akihei wang in ema amu pon ahi. Hichi nia pat chun numei nu chu inna jong hm thei talou in, inndalhan akichon doh tan ahi.
Numei nun ada lhah jou in, hichi inna aki chon kut thah ho chu, nini jong um ngam lou a ahung jam doh lou leh, athiden ji tao un ahi.
~BEITA~
