PUBLIC SERVANT
LEH
PUBLIC SERVIC
Asun :
NLhungdim
Thangting House ,
Molnom West.
11th May 2020
LET LE LAL
THUNEI
LEH
THANEI
THANOP UMLOU LAI PHAT KITI CHU HUNG LHUNG AHITAI
Govt natoh a post sangtah tah a um a power leh influence mi phatchomnading hihen eima phatchomna ding a jah lai chu tulai Covid 19 jeh a Lockdown lha 2 lhing kigo ahung hi to kilhon in Power leh Influence nei ho sang in aneilou ho gamcheng in anom jon ahi.Koiman solle a ineitalou a nop dan dan in a kikulkhup a kicholdo a um phat ahi.
Tulai officer len jep ho leh Mipi thalheng MLA ,Minister ho lungset a umpen uve. Thil phachom Creative leh khantounading natoh mong mong tohding koiman gel talou India sung langa ohden stranded ho iti puidohding ahungdoh uva Covid + ahiole hoiya koiding ,quarantine kitiho bou boipi officer holeh MLA ho hi hinom aum hih beh uve.
2017 Assembly Election a anakaidoh lou ho chu kipah uvin te ajeh chu Officer ho leh MLA ho hi soh servant mong mong ahitaovin ahi.Letna lalna vetsahnading pohdohnading lhomcheh cheh kineosah behsehding la hahsa kiletsah la ahithei lou na tam kit lungdon aum tan ahi.
MLA la kahi kha hih in Govt officer kanahin Officer hi jong chu ahahsatdan ,miho in officer hi chu mohnop nop ding ham tikhat unte.Ahinla officer hichu alenpen kihilou ichung senior dimset , anoiya jong dimset kit iloi ipai kiti ho jong itohkhel melchih a hehsetding gel umkit inoiya um ho jong mi phalou gilou lungthim umda kit lou ahikit un ahi.Gal lah a ki um ahi bou in ahi.
Chung a senior jouse tantih neilou a Sir titi komding hiche ho kahlah a mipi ho jong abona mipha hideh kit lou u ithat ding imanding ngen ahijeh a phat tin a kiging jing a um ngai.I soi kaijouse a chingthei tah a sign bol ding ngaikit.
Dih le dih lou leh ichung a thusei jouse YES SIR, tilou kisei thei lou kum 30 lhingdeh YES SIR tijoua retired joua Yes Sir ti tah lou hi anop dan seijou thei ahipon ahi.
Labu a, SOCHATNA KONG NIKHAT KALTOUDING kitibang a Retired ni ajing nikho chu Yes Sir a kon a sochat na nikho ana hitan ahi.
Govt service kamuni a ka join nichu Jing an jan an kihol thu a kon a ka Sochat ni ana hin ahi.
Govt service adeh a officer hi chu anopna jong umnante ahinla nehding kihol thu nading a office staff ho khu gamcheng a nomjo ahi.Amopohnao alhom in ahi.
Incometax Department a staff thu kisei leh Inspector hi chu power ahao a hou u ahivang a responsibility neilou solle kipan sah ipi aga bol la kihe joutalou order ima sign bol theilou loikhat ahin hijeh a chu aching jephon amaphatchomnading thil tamtah kibol doh thei kit u ahi. Officer hilou ahivang officer tobang a thanei kit u ahi.
Police department a ASI leh SI hi tobang ahiove Police Department a Inspector ho chu officer ahi bou in ahi. Ahinla ASI leh SI ho jong Sir akiti lou leh lungnommo kit ahiovin ahi.
Tulai Lockdown lai avang nom le da leh Police jouse jong Lockdown duty mi phoding houset ding tilo
u thuneina leh thaneina umbeh seh lou hiti ho jeh a Virus tam na Delhi leh Mumbai lahCovid positive kai dimset um ahitan ahi.
Covid 19 duty a Govt thunei hon che in tong in ati ho a kilep theilou govt officer, staff member ho adau ahipen e.
Lockdown in la kichai ding mong mong geltalou a amasa a 3 weeks abana 2 weeks abana week ija hikitding ham koima aseithei umlou WHO hon November chan kiging un tia thumop nei Central India langa hivei ani ania apun bang a thi jong ani ani a kibe be School,College leh University la abona kikhah Churachandpur a jong School atamjo Quarantine Centre a kophongdoh ta, Industries jouse la natong um talou , adeh a Small business jouse hi abona hing kikhah ding in aumtan ahi.Mi 4 lah a 1 in job loss aneiding ahi akitin ahi.
Govt Centre hihen State hijong leh Covid douna sum jouse jang jou Bank a jong sumumlou toh kilou ta.
Bank a kon a Loan crore tamtah la a India kon a jammang la beidalou Govt jong lunggim lungdon Economy sedehiti semphat ding lungdon um ta IMF leh World Bank a Bat a sum holla India bou kihikit lou gam jouse tobang nehding chahding kiboi pi soh kei ahitai.
India tutua akhoh pen pen chu Jing an Jan an kihol thu khut a natong MIGRANT workers kiti ho tohding umna muna kison le le mihem Crore tamtah ho hi ahiovin ahi. Avaichat jeh uva koima donse a umlou a in lang cheding hung doh hojong train in dellih 16 tah um kit .Amaho hi ahibou in ahi India sem kiti mihem ho chu.
