NASEI MASANG IN
GEL TOH MASAN
(Jildoh thei thusim)
~St kuki
(7085383639)
Hospital apat hung potdoh Inn lang kilego mipa khat hin achapa akhot in ahinkai in train station lang jon in ache lhon e, train chung a ahung toudoh lhon tan ahile train jong chu akipandoh peitai, chomkhat jouvin chapang pa chun window lang chu aven ahile moul le lhang ho hoidan chu amutan atha anom lheh jeng in akipa beseh jehchun apakom achun—
Chapa: hepa!! Ven, moul le lhang hokhu ahoithei tave na?
Atin thanom tahchun ahinsei e,apan adonbut in—
Apa: boi, chesang a hoijo leh nomjo jong nahin mu muding ahi,
Atin kipana mitlhi chu amit akon acham louvin analong e. Train jong nom in achejom jeng in chomkhat jouvin achapa chun ahinsei kittai—
Chapa: hepa!! Ebola meiboul hokhun enung’u ahinjui ahidem?
atin kipah tah le thanom tah chun ahindong kittai.Apachu ema jong seidoh theilou khop chun amitlhin ana chup peitai, alhi akitheh in mailhei selchun achapa umchan chu ave lhi jengtai. Hita achapa chun window lang avet a kipah tah a achop toh apen atho jeng phat chun akom a tou nupi upa phabep chun athei da tauvin angol(alung bukim lou) ahisah tauvin apa jah achun asei uvin, “Nachapa hi angol ham?hita um hi khat veibeh hospital a anapui tem uvin” atitauve, hinla apa vang alung ahang pon nupi ho ang achun ahung nuilhan aseitai— “Kacha pa hi hospital a avel vel a kanapui u ahitai, amahi apen apat khomu lou anu apa, aloi agol moul le lhang hoidan ema hephalou mukhalou chu anahi hinlah tunin pathen thilbol kidang tahchu kachapa chung a ahung chuin lamkah a kho ahinmu thei tai”, atin achapa chu a angkoi in mitlhi vachut chut chun akikoi lhon tai..
Hiche thu ajah doh uchun nupi upa aphun sou sou hochu ajah u achatan, apohnat pilheh tauvin akisih pilheh jeng tauve.
Moral: Mikhat chu akhuti e akhati e tinlang aumchan in vetdan, ajeh chu mihiem akihi cheh vang in nang tahsa bulhing set a naum bang a mijouse a umding in geldan asung thu nahet tokahsen moh kam kat dajeng in geltoh louva thusei chun khonung a jum naleh jachat na nahin pohlut pehthei, nang adia kipal na lentah hithei ahi.
Asim jouse chung a pathen in ngailut na a thah beh in hin punbe sah jeng tahen.
Kakipah e
