||Jaila||
NAPAN LAHNA IPI HAM ?
By~ Seikholen Khongsai
September 18, 2012
Gam leiset huh na dingin,
Kavai kone, Nampi kivaipohna,
Phunggol Chang gol chamdel’a,
Namtin Jat tin lungkhat’a,
Paotin Paotang longdel’a,
Pahvui khat’a pahkhom din,
Sihtwi bang’a longkhom din,
Chihna thepna doukhang din,
Khantou machal mano din,
Chonchanpha’a kithemchuh din,
Khanchan pha’a kikhoukhah din,
Alhasam kihuto kithoto din,
Ahatmo kidiemthem le kikhoton,
Pahcha leilai namtuisel sel’a,
Khoiva ten avopjing bang chan,
Khangthah Khanglui jousen,
Nampi semphat nadinga,
Ipanmun ikihet cheh u hinam ?
Napan mun alen’e sopi –
Kihetmosah lou jen’o :
Ivaigei khah ding kichat aume.
Nampi semphatna dinga –
Pan lalou chu – Nampi’a dinga
Thet umtah melma tobang ahi.
Nampi kikhai khom na’a panglou chu –
Agopsa pahcha tolla kichohpha le,
Athu kitanchaiya Themmo –
Khailih dia kikoipa tobang ahi.
*****************
