By Shonkhogin (Hegin) Haokip
Maranatha Cottage Hebron Veng
Phaipijang Langol Imphal West
9774096152.
Ahivangin na chunga demna kaneije, nangman nangailut masa chu na lhatai, Hichejeh chun, nangma HOIJA KONA NALHUH HAM? hichu geldohin chuleh NA LUNGHEI JIN, NANATOH MASA HOCHU TONGIN; achutilouva nalung nahei louleh nahenga ka hunga nameivah khom chu aum na a kona kachon mang ding ahi.
Thuph. 2:4-5.
Christian hinkho kitihi phatechan ka mange kitijongleh het lou kah a ipiham inabolkhel khah phatleh ikhup ithal a kichuji ahitai. Ahinla ihetdiu khohtah khat chu mipengthah khat kahi ti phatecha a nakihetchet na nahileh, kipal lhuh ki tihi kilepna a neilou hel ding ahi. Ajeh chu, naki thodoh kit kah sea chu, imacha naki ngense ta louding ahi. Chuleh phat theiboh na jong nachan ding dol nachan thei tah lou ding ahi. Alangkhatna seidinga chu Pathen mit vetna dan pam um ta bang nahitai.
Ahinla, chutia naum jeng vang chun, Pathena dinga natohna ho, na thohgimna, solchah kahi e tia alhemho jong nahe khen theije, chuleh Nicolaitan ho chonna keiman kahot chu nang man jong nahon ahi. Hiche ho chona chu ahileh chonthanhoi naho, thenlouna ho nehle chah lama jong kituplou ho jouse chu ahi. Nangin jong hitabang ho chu nadeipoi tina ahi. Ahivangin, keiman NACHUNGA DEMNA KANEIJE, HICHU GELDOHIN, chuleh NALUNG HEIJIN NANA TOH MASA HOCHU TONGIN, ati.
Lhagaova kipalna ineiphat uleh ikipalnao chu khukhumna dinga thildang jat chomchoma kiselham, kilepham sang in, hoija ilhuh ham, hichu kiholdoh angaijin ahi. Hiche chu ikiholdoh a kineosah puma ikisem phat kalvalla pha aum poi. Achutilouleh, ilhuhna muna chu avelvella lhuna akinei loji e. Thildang dang kicover sanga chu direct a kisuh theng chu lhagaova hinna le damna ahijoi. Hijeh a chu Bible in Hoija kona nalhuh ham atichu, geldaou hih in.
Mitamtah in, backslide hi nop pal thin na in aneiji in, mi thase hon anatoh na a suspend a aum uva nop asah tabangu khun aumjiuve. Chutinaisai ponte, backslide a naum kahsunga hi tahsa le lhagaova nachan dinga lom phatthei bohna ho namuding dolla kamu lou ding ahitai ti kihet jingin. Alangkhatna seidinga jong, ilhahsam laitah a hi,thilkhoh ho (important matters) ho jong decision lah ngam ahipoi. Ichangeija dih ding hinam tihi ivetleh, ginchat aumpoi. Hijeh achu ahithei channa lhagaova ilhahsam laitah a hi, decision akhoh ho lahlou aphai. Adeh a partner thu ahin, natoh thu ahin, adangdang thu lenho, chusanga chu akinthei penna restore kiboldoh a decision lah ding aphai.
Keijong kapenthah jou kum 40 sunga hin, nivei tah kana backslide in, kalhuhna point chu phate cha kakihet doh a kakisih pi tokahin, itabang thil pha kabol vangin kalung jong amongthei mong mongpon, kagentheipi lheh jengin ahi. chuleh hiche ka backslide sunga chun phatthei bohna himhim kamupon ahi. Pathen mi lung setna jallin, kalhuhna point chet chu kaki hetdoh a Pathen koma kisih puma kakipeh lhah phatleh aman ma sanga bang banga lung mon lhamon hihenlang, chonset galjo ho jong chu eipehthajin, itabanga kaki paji hitam. Hijeh chun, sopiteho, ilhahsam nao hi kilepna in neipou hite, ajouleh eimale eima kilhemlha ihikhahdiu ahi. Hoija nalhuh ham, kikhol in, nahetlouleh kithahpat in Pathenin nahina dung jui bangin nahin houpi nante. Pathenin asimho jouse phatthei eiboh peh taohen.
Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.
