By:-Shonkhogin (Hegin) Haokip
Maranatha Cottage Hebron Veng
Phaipijang Langol Imphal West.
#9774096152.
Kipat ingting kapa henga chengting a jah, Hepa, keima van dounale nangma dounan kachonsetai, nacha tihoi jong kahitapoi, nasoh thalah ho khat bangin neisemtan gatinge ati.
Luke.15:18.
Chapa vahmangpa thusima kona aphachom akhoh dehset ni gahve khomu hite. Khatna chu ahileh mipan acha alungsetna asandan athuhdan alimit aumpoi. Anichana a chu ahileh achapa chonsetna chu alimit umlouvin ana chonseta jongleh kisih puma athil bol khel ho chu ahin gel doh a akisih pia ahin dalhah theija apa kom ahinjot thei poupouleh ngaidamlal aumpoi ti imu theijuve. Chapa vahmangpa thusimhi aning akah seihih jongleuhen ihetsau ahijeh chun akhoh lailai gahsei leuhen, hiche chapa vahmangpa hi apotdoh dingkonin apa sugenthei lheh henlang apa ana lunghang lheh jongleh ahung kilethei jeh chun apa akipah lheh jengin ahi.
Mihem geldingin apan analamto ding chu gelphah ahipoi, ajeh chu kikhen lhon chu hoiloutah leh lunghangtah a kikhenlhon ahijjeh chun. Apa akipana lenpen tah hi ipiham itileh achapahi asumlepai aneh jouphat na hung kilemaimai ahipon,athilbolho bolkit talou dinga kisihna dihtah puma chu hung kinungle ahi ti imu thei juve. Ajeh chu amahi apa chapa dinga hung kinungle ahitapoi, apa soh thalah ho khat dinga hung kinungle ahibouve. Hiche kineosahna le adinmun kihetchetna dihtah aneijeh a chu, nacha tihoi kahitapoi, nasoh thalah ho khat in neisemtan ati ahi. Hiche jeha chu apan asohte akouva vonhoipen pen avon pihuva bongthaopen athapihuva kipa golnop anabollou ahi.
Tunin jong eihojong ihina dihtah u ikihetdoh uva Pakai koma ilutphat leh eima kison nathei chonphatna kitimong mong aumji tapoi. Dihtah a adinmun achonsetnaho phatecha akihetdoh tapou chun, achonsetnaho hi ngaidam jou hiding hinam tihi lungdon na lentah anahiji. Ahivangin ibible un,O Pathen lunglengvaija kisihna hi kilhaina sangin nadeijon,hijeh chun lung lengvaija kisihte nahsah mon koiponate. (Ps.51:17.) Chapa vahmangpa banga navamangna a kona na hungkile kitna kisihna dihtah a tichu nathilse bol chu nungbol kitta lou heldinga amakoma nahungkipeh lut leh hichu ahi Pakaijin nanga kona adeichu. Ajeh chu eiho Pathenhi sumlepai ja lunglhai Pathen ahipoi,lungtheng lungdih hobou adeije.
Asim doh jouse Pathenin phatthei boh tahen.
KAKIPAH-E!
“God Loves You!
And
Wants You To Love Him Back”
