Home Lahkhom NAHINNA LEH VANNOI LEISET APUMPI HI KILHEH DING KITILEH NANOM NADEM

NAHINNA LEH VANNOI LEISET APUMPI HI KILHEH DING KITILEH NANOM NADEM

124
0

By Shonkhogin Hegin Haokip
Maranatha Cottage Hebron Veng
Phaipijang Langol Imphal West # 9774096152

-NGALA IBOLA ITHIM BOLBOL DINGU HAM?

Shonkhogin
Shonkhogin

Ijeh in em itileh min vannoi leiset apumpin neihen lang ahinna chan taleh a-ipi phachom ding ham ? Ahilouleh min a hinna lhenga ipi apeh ding ham ?

Matt.16:26

.

Sopiteho, eiho mihem tehin leiset chunga ihin jeh uva deichat ngaichat ineithei ju ahin. Ithinung phatleh imacha kidei ta ponte. Leiset chunga ihinkho beidingkon ahilouleh natna satna sangtah ineiphat jongleh imacha akideiji tapoi. Hichun avetsah chu ipiham iti leh, hinna damna akinei jeh a hi leiset thil le lo, sumle pai ahilouleh nopsahna jatchom chomho kingai cha ahin, ihinna abei phatleh imacha ding akitiji tapoi. Hijeh a chu mihem changlhah mai maiya hingthei ahipoi, Pathen kamsung thusoh a kona bou hing ahi. Matt.4:4. Mihem ten An ineh neh jeh uva hing ihi pouvin, Pathenin ihin sah jeh uva ineh joh u ahi.

Hijeh a chu, leiset thil neile gou, sumle pai sana dangka ahilou leh tahsa nopsahna jatchom chom hohi Pathenin eipeh u hinna inei jeh uva ingai chat u ahin, hinna hi aki lahdoh phatleh imacha ding ahi tapoi. Ngaichat deichat kiti imacha aum thei tapoi. Hijeh a chu, achunga thudoh lentah khat chu ahileh, mihemte hin vannoi leiset le asung a um thilho hi ideibehseh jeh uvin, OFFER KHAT EIKIPE UHENLANG, vannoi leisetle asunga um thilho jousehi nahinna toh kilheh tahite tihen lang hileh nangin ipin nadonbut dem ? Nahinna neipen vannoi leiset apumpin napetang e? tileh ipi in nadonbut mongmong dem? sopi kingaito mong mong tadin ? kanompoi nati jeng louding ham ? hiche chu ahi tuni a ikidoh na nom pen tah u chu. Min vannoi leiset apumpin neihenlang ahinna chan taleh ipiphachom dingham ? aneidingpa aneidingnu aumlouphat leh ipi phachom ding hitam ?

Hijeh a chu, nangman leiset chunga haona ding hihen lang nopsahna ding hijongleh, ipipi hijongleh nalhagao manthah na thei thil kitipou pou chu ijat neijin lang, ijat nopsah jongle chun, anopna himhim umlou ding ahitai. Tahsa lam panga iseibang uva chu lhagao lama jong chutobang chu ahi. Tahsa lama leiset chung a akihin louleh imacha anopna aumlou banga chu, lhagao lama jong khonunga dinga kinepna ineilou poupou leh ima cha phachomlou chu ahitai. Aphatlou maimai jong hitalouvin, tonsot damun meidil chun itih kahalvam dem tia nanga jing ahitai. Kichat umlou ham ? Hijeh chun, sopite ho, leiset chunga ithil deihouhi ihin jehuva ideiju ahin, ithinung phatleh imacha kideilou ahitai.

Hitabang banga chu, mikhat in vannoi leiset apumpin neihen lang ama thitaleh ipi pha chom ding hitam ati banga chu, leiset chunga ihunglona pen tah uchu ilhagao u tonsot leng gama chan inei theina dinguva akigonga hung ihiuvin, hiche ikigot kah uvahi nehle chah kiki hol thu ahin, chuleh hiche ichennao leiset hi chom khat kholjina a hung ihi bou uvin, anneh twidon ikihol nalam uva, ajoleh ikilosetna lamuva hi joule nal adihlou thil kiti pou pou va hinna ding ingaito lou dingu ahi, chutia bolna lamin ilhagao u thilo taleh iboina hou ahilouleh igimna hou ahilouleh ihunglo na hou jouse chu mohseh hiding ahitai. Hijeh a chu, ipi nei uhitin, itobangin hao uhi tin, itobangin nop sajong leuhen, ilhagao u athi kalse chu mohseh hiding ahitan, chuleh I mission u fail ihidiu ahitai. Hijeh chun HINNA lhenga pehding kiti mong mong aumpoi. Hijeh a chu, ilhagao ahin poupou leh adang dangho dinga lunggimna ding imacha aumpoi. Hijeh a chu Bible in Amasan ama gamle achonphatna hol masan chuteng adangse kapeh tha ding nahi atisa ahitai. Pathenin asimho jouse phatthei bohta hen.

Articles hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Previous articleCHUN LE JOTEN EIKHEN JOU LHON PONTE-II
Next articlePATHEN THU HI KOI HAM ASEIDING A KILOM LEH LHING A