STORY BY; KIKIM…..
✍️✍️✍️Lalpu lotjem.
6009048006.
PART – NI (2)
RECAP;Heo, kahinkhoa nang toh, kaki chen louva midang komma kajineia ahile, kahinkhon lungmong leh kipah in cheng ponge, tia kitepna ana nei ahie. Ama ni dinga chinia akimuto lhon chu, akingai lhonna pat amasa pen ahijeh chun, akingailu dehset lhon in; phat ahom tho lheh hon jenge. Ahinlah, phat hom tho lheh hon jongle, idei deia kimang cha thei ahilou jeh chun, ama ni jong inlam jon in ahung kile lhon taiye….. Phat sotthim jou vin, Kikim jinei sah ding ahin go taove……
Jinei sah ding ahin got dan uhi hitia hi ahiye, Kikim anu hin, Kikim hi jinei phat jong ahiphat chun, ama dei ipi ham? Ti jong donglouva aman achamma ana gon ahiye. Kikim vang chu, ana dalheh jenge. Ahinlah, ama iti ada vang chun, chilou theilou dinmun’in ahin pha taiye. Kikim hinkho man ding dan chu igelle, poh nat leh lungset aumme.
. Lungtup molso pi dinga, lungset ana chan, kinepna , kipana ana pih sa ahinkhoa jui dinga ana lungset khat mil jeng ding, kiti chu thilnop hilou ahiye…Aman jong insunga thil kigong holeh, thil umdan ho jouse abon in Au seiboi kom chun, aseipih taiye. Abonna aseipih jou chun, neihung kipui tan tia hi, aseitan ahile, Seiboi injong agellin, alungset lou jeh a ahipon, insunga bouina jeh chun, akipui thie ding phat leh nikho aum thei mong mong tapoiye.
Amani jong akihou jilhon’in ahile, Kikim ding in lhaset leh ka na di jeng in ahung um pan taiye.
Masanga kho hepha louva, mong tah a hinkho ana man lhon chu aung kou nom ngeiye.
Aguh in kikim akap jing in, au seiboi yin itih le eihung pui ding ham? Ti bou agellin angah jinge. A call jin akohou jilhon in, ahung ding bou angah jinge. Kikim hin ageljin, eihung pui phot na ahile, itobang hijongle lungset jeh a kimaito pi ding chen geiya ana kigellha ahiye.
Kikim – Heo, itih le nei hung pui got ham?
Seiboi – Sen, ken jong kahung pui nom mama jenge ahinlah, in langa boui na jeh a hi hung na ding man phat mong mong umjilou ahe.
Kikim – Phung dang ang dang kachan ding nei phal mong ham?
Seiboi – idia nalungneo pai ji ham. Phat ahung hithei le kahung ding ahie.
Kikim – Kalungset ae, neiti hilou ham? Ole tunia ipi dinga hung nom loua naum ham?
Seiboi – Kim, kasei tah chula, bouina hohi dalhah thei ding aumlou jeh a hin chai ing kating, hung nange kati chula.
Kikim – Kahinkho man ding dan nei vet jou mong ding hinam.
Seiboi – Kim, chuti chun sei ji hih o.
Kikim – Chutia chu kasei loule iti kasei ding ham? Nang in nei sei sah ahiye.
Seiboi – Kim, Chun le jo in hetthem hen lang hileh tunia hitia hi ium lou ding hija.
Kikim – Chun le jo in hethem hih jongle, nang in neilungset poule, neihung puiyo.
Phat le nikho ahung chal challin ahile, kikim hi kiosn lel na jeng in adim’in ahinkho nop na kiti mong mong aum thei tapoiye.Jan le chollha nouiyin, atouvin; Masanga kipah tah a ana lenkhom lhon lai agellin, jankhon lhiloungin; Au ngaiyin akap jinge. Alang khat nin Seiboi jong chutima chu ahiye. Kikim toh akihou lhon jong leh lhiloung in, amah thah jin; lunghel najeng in adimin, genthei kibe lap nan apange.
Achang in jan nouiyin, atouvin; Sen, ken nang kalungset lou nahipoiyee, na chun le jo tea, dinga lhing joulou kahi jeh ahie. Seiboi hin alunga umho seidoh ding ati jongle, kikim in agel khel ding ham atin, seidoh louvin achang in akap jinge. Eini kingailou, kilungset lou ihi poiye, Chung Pathen phat sah lou ihi maitaiye, tin sang maitai hite.
Kikim hin agel ji in, itih le nom in kipah in ileng khom kit dem tia phat le nikhoa simma hinkho aman laiya,, hitobang thilgon ahung umchu, ama ding chun mang abange. Jan mang dinga jong dei umlou thil ahijeh chun, Kikim leh Seiboi ding hin, athoh ahah lheh jenge. Alang khat in, Seiboi chu pasal ahijeh chun, alunglen in athoh ding dan jong nom deu nante.
Kikim vang amasa apat lungset’ a vang neilou ahijeh chun, ahung kipat napat agel khom jin ahile, lunga gellou ding cheng agel doh jinge. Akichen na ding phat ho jong ahung nai cheh cheh jeng taiye.
Aphat ahung nai cheh cheh phat chun, Seiboi ding chun, ahah cheh cheh jenge. Kikim inla eilungset lou jeh ahe, tin gel tantin, mitlhi lounga amao jing in, phat chesa akhan kho lui cheng hon agel doh jin, Alha ngai jinge.
Seiboi hin, jinei ding phung dang chang ding ahiphat chun, alungset lheh, angailut lheh vang chun, mil na dingle, puldou banna ding in achainan khat vei akihoupi ae.
Seiboi – Kim, kalungset lou, kangailou in gel hih o, Chung Pathen phat sah lou jeh joh ihie.
Kikim – Kap pum pum in ahin donbut’in Heo, neihung puilou ding tam?
Seiboi – Kikim in Mitlhi pumma hiche thu ahin sei chun, Seiboi akitim joupon, thusei thei lou chun, akap lha den jeng tan ahile.
Kikim – Heo, phung dang chang jongleng, iki lungsetna vang kum khom miljou ponge.
Seiboi – Kim, puldou na dingle, ka nading bepma lungset hinkho ihin man lhon dan ahie.
Kikim – Mite, kilungset hinkho kamu jiteng, eini jong nikhat le hitia khu ium ding kinemma hiche phat kingah a tua, Hitia ahung umhi.
Seiboi – Iphat chesa ho chu, thusim a kisei ding bep ahitaiye.
Pung khat nikhat ahung chal chu, kikim ding in lunghel akibe cheh cheh jenge. Achun le jo ten alungdei ipi ham!? Ti chu ana dong uhen lang hile, kikim leh seiboi ding hin, kilungset hinkho chu puldou nan pang pontin, lungtup molso nale kipa na a pang ding ahin, hinlah ; Thil gon loule, lunggel lou bang tah a thil ahung um phat chun, ama ni ding chun, hinlo aum tapoi tina chen gei ding in aum taiye.
Chutia kikim in mitlhi jenga hinkho aman phat chun, atahsa dinmun jong ahung kikhel jenge. U seiboi, hiti ding bep ma hi lungset hinkho ina man, nang ngaiya kaka na mitlhi leh kapoh nat nahohi nang in jong nathoh dingle nanei ding katah sanne. Nei ngailut, nei lungset kahe them naiye. Keijeh in puldou nale ka na hinkho naman Nei ngaidammo.
Phat leh nikho ahung chal dung juiyin, anikho le aphat ahung lhung tai. Anikho masang chun, aphat alhin lou jeh chun, ana pohnat vang chun, kichen ding nikho toh chun abang poiye. Chi nikho chun agellin ahile, alungmit in aphat man khom Lhon lai amun, amit lhin ahin donbut pai jenge. Kangaiye, kalungset e, ti vang chun, achi ding ahiphat chun, alungin akitim in; achen na ding mun jon in achitai.
Chi nikho chun, seiboi jong ; Achaina ding in alung na chim in akap me. Mite dinga kipana eini dinga, puldou na ding le lounlhi lounna ding bep….
Hiti chun, phat jong ahung chi chitan, kikim jong Pathen Phatthei najal chun, cha le nao ahin tai. Alang khat in seiboi jong ji leh cha aneitaiye. Kikim hin akingai lhon laiya, ana kitep nakhat; kitepna ahijeh chun, amang pon, kikim akichen jouapat chun, lungmong leh lha mong acheng thei mong mong poiye.
” Heo, nang toh kaki chen loua ahile, lungmong in cheng ponge ” Tia ana kitepna chu ahiye.
Hiche phat chun, aman jong anung gella ahile, thil jouse ageldoh in ; Alung mon leh kipah tah a inchen asem thei na ding in, Au seiboi phone number kilah in Ngaidam kithum in, hiche akitep nalhon chu, akilah doh sah tan ahile, tun vang lungmong leh kipah tah in acheng taiye.
THE END….
HICHAN CHUN ” MONG JOU PONGE ” KITI THUSIM CHU AKICHAI TAIYE. LUNGLUT TAH A HIN SIM HO JOUSE CHUNG IN KIPATHU KAHIN PHONGE. CHULE ISIM NABAN UVA LUNGGEL SEINOM, NEIYA IUM ULE, KIPALAM LOU HELLA ACHUNGA KIPE CONTACT NUMBER AKHU CALL AHILOULE WHATAPP A IKI JAH MATTHEI YA AHE 😊😊😊😊….
KAKIPAH AE….
