STORY BY; KIKIM….
✍️✍️✍️Lalpu lotjem.
6009048006.
Part 1
Thusim ana sim pan tao hite……
Khosung khat na hin, Kikim kiti nungah khat ana umme. kikim hi khosung miho sinthei tah le pachat na hung chang jing numei khat ana hie. Kikim jong ahung nungah tan, ahinlah kilungset nalam in vang ima ana hepha naipoiye.
Ginchat phah lou beh chun, ama jong akho uvin; gollhang khat toh hin, ahung kingai lhon tan ahile, ama ding chun, kilungset hinkho kiti chu ahung kipan tai.
Hiche akhouva golhang pa toh chun, akingai lhon hi; kum ni (2years) lang hi ahung kingai lhontai. Vangset jeh ti ding ham ama ni akilungset nalhon chu, Mi lunglhai loua kingai , kilungset ahi khah lhon jeh chun, Ol Ollin Ahung kigamlha lhon in, akikhen pai pai lhon tai..
Ama ni akikhen jou lhon phat sotpi jouvin, Kikim in alungsettah khat ahin kimu doh ae. “. Ama hi churachandpur a college khatna kaiya ahi in, (a collage min vang hin sei doh da tange), chuban in kikim te toh kinai cha khat khoa umma ahije. , nikhat kikim te kho ahi pasalpa hi aloi them khat toh hin aga vah doh uvin ahile, Kikim ahin mu dohtaiye. Amu mu chun, ana ve den in ahile, aloihon; ahin kou uchun ,ahung kingjap min, numei nu chu mae seuvin aven, hichun, adalha un, achi taove. Amu mua kon chun, alungin lungnop naleh, kipa nakhat aneiyin, kikim jeng bou chu alungin akilang in, melmu dingbou angah lel in, itih le kaki hetpi ding ham, amin ipi ahidem? Ti bou chun, aboi taiye. Alungtheh jeh chun, amu nom in; ama sanga ana muna munna, chun aloiho atem in, aga ve uvin ahile; ana muta pouve.
Amulou phat uchun, akoma umho gah doh ding atiuva ahile, adong ding akisuhmo kit un, achainan dong louvin; ahung kimoh le uve. Amulou jeh chun, alung boipi cheh cheh in; amu nathei ding lampi agellin ahile, achainan khatvei gaki ve phot phot kit hen atin, avella chikit ding chun aum taiye. Nikhat jouvin, aman jong aloi mikhat toh achi lhon in; amu na mun achun angah lhon taiye. Nilhah lang thim in Numeinu chu, ahung doh in ahile; pasalpa aloipa chun, ahin mudoh in; agah seipih in ahile, akipa dan dan chu;aseiji ana beihelle. chilaiya khu umma hinte atilhon in, lungmon na khat aneitaiye. Ahinlah ahet chen lhon lou jeh chun, akoma umte kom chun adong lhon in ahile, aseipih lhon taiye. Kikim chung chang ahet nom jeh chun, adoh be in ahile; hichepa jong chun, khosunga sinthei aumdan le, min ait dan ho chu asei pih taiye. Chijou chun adei na leh alungset na asang cheh cheh taiye.
Chujou apat chun, ama thu ahin khol lele in aloinu kom hin, phone number ahin kilah in, chia pat chun; ama tah in akisei pan taiye.
Alunga um alungset na, adei dan le angaidan, amu mua akipa dan ho chu abon in im neilou vin asei doh tan ahile, Kikim in jong agellin alangkhat in aman jong amoh lungset doh in hung kigel inge atipeh ae.. Ajing a jong chuto bang ma achu, Ahung kihou hou lhon a ahile, ama ni jong; ahung kilungset doh lhon taiye. Kikim injong Seiboi ( amin tah tah ahipoiye, amin tah chu hin sei doh da tange) ; Ahin lungset doh tah tah tan ahile, Kinepna , kipana, lungngap najouse ama chunga chun, akingam taiye. Akihou jilhon in, insung chen dan thuho jong asei khom jilhon in; khat le khat alungim lhon kom alungnop mo kom lhon teng jongle, akilhem to jilhon in; pilhing tah khat ahung hilhon taiye.
Kikim; Heo, Nachunga kipana, kinepna kanei ahin; kakinep nale kakipa navang athon in kile sah hih o na?
Seiboi; Kim, ken nang kalungset nale, kangailut nahi, athon na kile ding le seitheiya sei mai maiya kalungset danna nagel ham.
Kikim; Heo, chuti jong chun kagel deh poiye, ahinlah numei lungneo, lunglhom akihi jeh a kisonglel a kahi bouve.
Seiboi; Sen, nakomma kana seisa lungset nachu, thi chan geiya dinga lungsetna ahiye.
Lungneo hih in, kisong lel ta hih in; nang adinga umjing dinga kahiye.
Kikim; Heo, nang banga eilungset ale, eingailua kakimu hi kavang apha ae.
Seiboi; keijoh vangpha a kahiye, melhoitah, sinthei umtah, feltah khat lungset kachan hi vangpha kakisa e.
Kikim; Akam thep jidan, kei kafelle ding vang chu… Nang nafel, nahoi, nakitah, imajousea lhingsella nahie.
Seiboi; Najou naseite😂😂…
Kikim; Hoilai ipi chu, kajou kaseiha nahung nui kit in…
Seiboi; Nakipat apat chu najou nasei ahite😂.
Kikim; Ahi hibou kaseiji ahie… Jou kamoh sei sei jipoiye.
Seiboi; Henge, Nielhat jouto😂😂…
Kingailut, kilungset kiti jongle amani kilungset lhon dan hi, ana jatchom dan in aumme.
Akihou jilhon teng le phat chilam ana hepha jilhon poiye. Akingai masang lhonna ana kimu khah lhon seh seh a chu kimuto nalai ahilhon jeh chun, Kikim hin kimuto na ding lampi ahin ngaito taiye. Jan khat hi akihou lhonna ahile kikim hin akimupi nomdan aseiya ahile, Seiboi jong chun, asei doh lou vanga chu amunom mama ahijeh chun, akimuto lhon ding chu agel thei taiye… Ahinlah hoilaiya, kimuto ding ham ti vang chu aman jong ahe naipoiye. Akihou lhon dan hito hi ahie…..
Kikim ; Heo, Thil khat kasei nom khat um chuo…
Seinoi; Ipi ham hin seijo. …..
Kikim; Itih le in lang nakile ding ham? (Seiboi hi mun chom ho ahie ccpur a collage hung kaiya ahie).
Seiboi; Kahe thei nai hih ae, ahithei dinga leh jing hapta leh gaphah ding kati thim, ipi thu um ham?
Kikim; Ima thupi tah jong chu aum deh hih ae. ?moh ale..
Seiboi; sei tango, ipi thu ham?
Kikim; khat vei cha kimu to kha nailou ihi lhon jeh a ikimuto ding ham kati chuo…
Seiboi; Hingot achuobah, kimuto thei chula..
Kikim; Isei loule nang jong geldoh neilou…
Seiboi; Amasa chu kana seigut kathasea le kana sei kit lou ahe.
Kikim; ipi thaset na ding um ham?
Seiboi; Amun lah hoilai itih le kimuto ding.
Kikim; inlanga nachia nahung kile lang leh, joh kimuto dita…
Seiboi; Kachi masanga joh kimuto hite, kachi le chom khat kahung um den maithei ahe..
Kikim; Oh.. Achutile, Saturday nile kain uva hungo, chia kon chun; chi hite….
Seiboi; amun dingla….
Kikim; Nahung phat le bou kasei pih dihe…
Seiboi; ale, Ngalel ahie….
Kikim; ken jongla😊😊…..
Phat le nikho ahung chal bang in; kimuto dinga ana kitep nalhon phat le nikho ahung lhung tai. Seiboi injong akihou lhon nabang chun, Kikim te in nin achi’in, kikim jong ana kigot chai lhon phat chun, akimutona ding mun hon jon in achi lhon taiye. Akimuto namun lhon hi ; Khugadam, ahie… Amun alhun hon phat chun, atou khom lhon in, nom tah in akihoulim lhon in ama ni kikah chun, kilungset najal chun, kitepna khat jong ana neilhonne. Heo, kahinkhoa nang toh, kaki chen louva midang komma kajineia ahile, kahinkhon lungmong leh kipah in cheng ponge, tia kitepna ana nei ahie. Ama ni dinga chinia akimuto lhon chu, akingai lhonna pat amasa pen ahijeh chun, akingailu dehset lhon in; phat ahom tho lheh hon jenge. Ahinlah, phat hom tho lheh hon jongle, idei deia kimang cha thei ahilou jeh chun, ama nu jong inlam jon in ahung kile lhon taiye….. Phat sotthim jou vin, Kikim jinei sah ding ahin go taove……
To be continue…… …….. …….
Part – 1 hichan chun akichaitai……..Lungluttah a hin sim jouse nabon chau chungin kakipana kahin phonge. Thusim isim naban uva hetbe nom ahiloule sei nom, dohnom neiya ium ule achung lang a kipe contact number akhu kipha lam lou hella call ahiloule whatapps a iki jah matto theiyu ahe…. 😊😊😊……
KAKIPAH AE….
