Home L Seikholen Khongsai Molvailup Vangkho (village)

Molvailup Vangkho (village)

150
2
Molvailup Vangkho (village)
Molvailup Vangkho (village)

KNOW YOUR VILLAGE

By- L. Seikholen Khongsai,
Tuibong, Churachandpur.

April 09, 2020 (Thursday).

Molvailup Khopi hi Kukite khopi luitah khat, 1917-1919 Kuki Rebellion laiya British hole Kuki Army ho Chahsat (Chassad) gamkaiya Galpi anakisat laiyuva galmun khat jong anahije. umin ahi. Aban in India in 1947 kuma chamlhatna ahinmu jouvin Ukhrul District noijah ana ume. Tuhin Kamjong Chassad District Manipur sungah a umtai.

2011 Census dungjui in Molvailup Village Code No. 270468 noija um ahin inlap hi 63 tobang cheng ahiuve. Mihing jat hi hi 380- 400 kikah ho hinte. District, PS, Tehsil jong Kamjong Chassad noija um ahi. District Head Quarter Kamkong apat km 33 gamlha a um ahin Ukhrul apat 117 kms a gamlha chu le Imphal apat 70 kms tobanga glha Burma border chinlanga um ahi. Kamjong District sunga Kuki kuo dang akinaipi hochu Chahsat, Nampon-gal, Phaikoh Khoikai chule adang dang ahiuve.

Indian Sepai umna akinaipi pen hi Kamjong Chassad HQR a Assam Rifles leh Police Station khu ahijenge. Masanglai pu le pite Khanglaiya Ayapurel lhang sungin anahop ahi. Ayapurel lhang hi Tengnoupal Dingpi le koljaang dingpi toh kikho mat ahitai.

Molvailup gam hi thinglhanga gam ahin, mol le lhanga akikhang dildel in, molchung ho akona gamtin igal doh leh van mong kive bangin Mol lhang dingpi ho kikholhah kimu mangjel in vetnom nom a ume. Thinglhang gammang ahijeh in thinglui atamin, gamgil atame. Hijeh chun ju le va atamin, gamsa len len jong tampi a umin ahi. Thingna louna tamjeh in hui athengin mihem adamtheijin lungmon a ume.

Chule lhatun laileh Thingna thah ahung noudoh toh kilhon in thingna louna namkim adon thah in, gelphah lou hampa pahcha tampi ahungpah doh in, agam alhang pahnamtui in abome. Thingphung songphung anengin hijeh chun Thingga Songga jong atame. Thinglhang me jong choh louhel a kikum phahna thei umjing thei ahi. Gam leiset ahoijin mipontho ho din nehle chah a lungkham ding a umpoi.

Ahin kho le veng chenkhompi atamjo Tangkhul ho ngen tobang ahiuve. Gam le ho lhangai na gam ajin, mihem ijat le inam kihomtho na gam ahi. Lou natoh lai hihen lhosoh khoptup lai hijongleh ituhsat kibahpi lou, ham le pao kibahpi loutoh chenkhom nagam ahijeh in lungmong le lhamonga chen kal ngah lel a galdot nagam ahijinge.

Articles hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Site nalut a notification pop up hung potji ho allowed anabol ji uvo maban a thusim thah ahung ki post teng notice namu ji diu chule Bell button a subscribe kiti chu meh un.

Previous articleRSS KITI HI IPI TINA HAM?
Next articleGUILHUNG JOULOU-II

2 COMMENTS

  1. Na sun hoilheh ae heo… Namsung a ding a jong mun poimo tah, Mi mantam tah2 hung kisep doh na ahin, tu khang in ahe khalou jong atam tan nahin tahdoh chu kipa um ae…

Comments are closed.