Home N Lhungdim MOLNOM KHO CHURACHANDPUR AH ITIH NAHUNG DING HI TAM?

MOLNOM KHO CHURACHANDPUR AH ITIH NAHUNG DING HI TAM?

36
0
churachandpur
churachandpur

MOLNOM, CHURACHANDPUR

Asun
N.Lhungdim
Thangting House
Molnom-West

n lhungdim
N-Lhungdim

20th October, 2021.

KHOMIN:Manipur. ding a lhanglam Sout Imphal khopi a pat a km. 58 a gamla a um aumna mun le mol ho hi anopbehjeh hinte khosat pa
PuThanghem
Lhungdim Kuki MC pu in akhomindinga MOLNOM anasah hiteiyin te.

Atil in kho neocha anahi jong leh tun kum 75 jen hita kho hi tun in 400 vel ahitan ahi.
2022 January leh Platinum Jubilee kum 75 lhinna lop na a nei dio ahi.

Adung Km 1 val avai half Km. val ahitan ahi. Kuki te kho ho hi amin chom chom khomin ngaitah leh ngaibehseh lou midang khomin toh kibang leh khodang mintoh kibang louhel jong umda ahipon ahi.

Meilhei te khomin hi leh kilou jong atam in ahi.
Vetsahnan:
Ucha Tampak, Keithelmanbi, Ujungmakhong, Kangpokpi le adang adang.

Hiche khomin kibang holah a khat chu MOLNOM kiti khomin jong hi khat ahi.
Kahetchan in Ukhrul District a Litan toh
kinai Tangkhul kho
Sanakeithel sah a Lunkim te Khongsai Bulpi pa chenna kho khat aum kit e.

Chule KANGPOKPI District a Kangpokpi kom a Molnom kiti kho khat aum in kho kipohdan athem uvin MODEL VILLAGE khat ahi akitin ahi.

Kachen na Molnom kh jong hi kahung penson akipat kana plan sa 2004 Model Village semdoh teiding,abana Kholmun leh
M Songgel kho 3 hin semding kana got chu Kho nei ten Co Operation eipeh lou jeh in ka Rural Development Programe ana guilhung tapon ahi

Hijeh a chu keiman ka in Thangting House Compound bou hi Model House a kahin bol ahitan ahi.

Saichang lhang kom a jong Molnom kiti kho khat aum kit e.
Hiche hi

L. Molnom akitin ahi.

Chandel District a Pallen koma jong Molnom kiti kho khat aum e.

Churachandpur District a Thanlon Sub Division a Songtal kho kom ah jong Guite te haosatna Mualnuam kho khat aum in ahi.

Hiche kho hi masang in Ngawnbung anakitin ahi.

I atiuleh Mualnuam ahin ti uham vang aki he pon ahi.

MOLNOM KHO HUNG KISAT PAT DAN:
Masang laiyin Tengnoupal kom a Sita Mangvung te kho ah Lhungdim te Thanghem kiti khat anacheng in ahi.

Ahung golhan til in Assam Rifles ah analut chun Assam Regiment hung kisem til til in Assam Regiment phutdoh loiyin ana pang in hitichun Japan Gal ahung umpaiyin galsat lah a anapang in Manipur a
Ukhrul District a

JESSAMI.

Japan leh British Indian
Galmun Battle ah1945 Japan te toh anakisat laiyin Sepai Galhangsan ho Medal chulaiya British Government in anapeh lah uva anina Military Cross-MC chu anapeh u ahi.

Hitichun Japan Gal jou in hichu Molnom kho hi ahin sat ahi.

Hichu 1946 kum chu ahi.
Khosat ding lunggel in ahung in gamneipa Teisengpa kom ah khosat nading gam agathum in Teiseng pan hiche gam le mun hi anapeh a kho ahinsat pan ahi.

Kajah dan in Teiseng pan gam apeh chu tua Tuibuong kho mun joh khu ahijong atiuvin ahi.

Achengmasa ding in Sita kho a Lhungdim a in kote in 4/5 truck in aga podoh in ahi.

Amaho chu Lunkhokhai- Khaipu te, Jamlim te, Thongkhojam te leh Jamlhun -Jamjatong te ho anahiovin ahi.

Abanin Bijang kho a cheng Pa Limkhohem- Haothong pa jong Mantri a pangding in agajol in aman jong Bijang kho a nom tah a chengchu ahindalhan Molnom ah ahung cheng in ahi.

Hitichun khokisat til 1946 apat chun
Pu Limkhohem in Mantri na ahintong in
Pu Thanghem toh kitho in kho ahin po lhon in ahi.

1953 laiya KCA ahung kiphutil laiyin Houbung lhing loitah anahitoh kilhon in Houbung Upa ahung kilhen leh
Pa Limkhohen Lhungdim chu Houbung Upa in ngapdet Ordain ahung hitan ahi.

Khovai pohna leh Houbung kivaipohna toh akitolouna tampi ahung umphat in
Pa Limkhohem Lhungdim chu Mantri hina ah ahung haiyin Houbung vaipohna bou, ahin boipi tan ahi.

Amajou chun Pa Thangkhotong- Otkhoseipa chun Mantri ahinpotan ahi.

Hetthei din Pa Limkhohem chu Upa Haokhothong leh Pastor Lhunjangam pa ahi.
Pa Thangkhotong chu Pa Otkhosei leh Sub. Thangkholen tila Sagang MDC pa Tongminthang pu ahung hipeh in ahi.

MOLNOM KHO HI HOIYA UM HAM?

Molnom kho hi Imphal apat che a Km 58 na,

Lamka Town a pat a che a Km 2 tah ahi.

Kho kisat kum 1946. Golden Jubilee lopkum 1996
PlatinumJubilee 2022

Asan dan sea level apat a ft.3000 val [914.4 meter]

Longitude E94,
Latitude N 24.

Injat in 400 vel, Mihem jat 3000 vel,
Sub- DivisionTuibong

Churachandpur, District: Churachandpur,
PIN 795128
MLA Constituency:
Saikot,

MDC Constituency: Kholmun

Haosapa min: Hemlunminthang Lhungdim

MLA Telsing Ngamjang Haokip,

Ex MDC: Khaipao Haokip

HOUBUNG:
Houbung hi 1946 apat 1952 chan chu NEIG Mission a thakhatna umkhomlai chu anahin ahi.

1953 apat KCA ahung kiphu apat in 1982 chan chu KCA ah thakhat in akium khom in ahi.

1959 laiya pat a Kuki Christian Council hung kiphudoh a paokhat those ahithei leh Bible Pathen Lekhabu Theng neidoh ding chuleh Houbung khat a umkhom ding aphai ti tohgon umchu kho hinphut doh pa
Pu Thanghem Lhungdim hin anadei leh dih asah jeh a na juiya KCC meeting munchom chom Nagaland leh Assam a NC Hills lama anpang peh ahi.

Hitichun 1979 in Kuki Christian Council chu Kuki Christian Church a ahung kihei doh phat in Molnom kho jong KCC a luta jopding tihi Pu ThanghemLhungdim in anagel leh anatup ahi.

Hijeh chun 1983 kum a khosung a kikhen tel louva KCA Houbung chu KCC a jopding tia anagot laiyin khosung mi phabep leh ama Haosa pa insung mi phabep in polam a kon a thununna ananei jehun anungjam taovin ahi.

Hitichun Pu Thanghem Lhungdim MC jong amainsung leh jile chate toh Houin chom chom a kaiding dan a aumphat in lungnom loutah in KCA ah ana umdentan ahi.

Ahinlah abul a pat anachenkhompi Sita a agapohdoh hochun anajui tapouvin ahi.

Atupa Jamlim in bou anajuiyin ahi.

Hitichun Houbung chu 1983 apat in KEH2 ahung kisotan ahi. Haosapa kainalam ahijeh in Houin luichu KCA lam anachang un KCC lama hochu kaina ding le kikhop nading theilou in lhambuh laha akikhom un maina in agenthei pouve.

Tun KCA tichu ECA lam chu khosung a ahung chengthah atam jon ECA lam ajop uvin atam cheh cheh uvin inson 300 lam alhingtan chule KCC lama jong inson 100 vel ahitan ahi.
.

ECA HOUIN hi Churachandpur a Kuki te Houin 100×83 ft lenpen hidin kagingchai.

Alen a kahet Kangpokpi. Christian Church Houin khu adung ft.70 avai ft.40 bou ahi.Sq. ft 2800 ahin.

Houbung mi ECA ah mi 2500 vel ahin KCC a mi 1000 vel ahi.
Houin letdan iseileh ECA Houin thahhi Churachandpur a Kuki ho chenna kho holah a Hou in lenpen hinte.

BLACK TOP LAMLEN

Khosung lamlen blacktop-pucca koikho nahet um em?Churachandpur District a khosung lamlen Black top himasapen ham kati e.

Tunvang khodang dang jong umkhat tante.

Molnom khosung lamlen Blacktop kibollai in khodang lamlen Blacktop aumlam kanahepon ahi.

Anop dan:

Hiche hi ajehpen chu Saikot MLA pu leh khosunga cheng Pu

JangkhongamExcutive Engineer pu jeh hidin kagel e.

Amani chunga kipathu seiyute.

TUINEH:

Hoilai hijong leh khochen nople noplou kihetna chu TUINE, ahi.
1
Molnom kho ahin TUINEH anom e.

PHED a kon a pipe a supply tui kisuhtah kamulou vang uvin khosung hopsung ahin tui aput hoiyin injouse tobang in TUIKUL-well akilai uvin khodang tuineh hahsat jeh a numei chapang maole vang uvin Molnom kho ah chenghon tuineh hahsat kanei pouve.

TUI nehkhopnei le nehval neihon jong TUI aki it ngaipoi atiuvin khodang veng dang a, tuingaicha ho ahoptheichan u ahop uvin alithalsah uvin ahi.

TUINEH NOM KHO CHU KHONOM AHI. Molnom te tuineh a phatdan chu inmun jouse Tubewelll baitah a laidoh thei ahi.

THEMJIL NALE HOILE PHA:

Amasapen KCA a umlaiyin Mission s
School anaum in Ojapu ThangsumGuite aban a Ojapu HranglienkhumSinate anaum lhon in ahi.
Chomkhat jou in Govt. Aided JB School ana umkit ahi.
1963 kum chun gamsunga khohethei lamkai masahon High School khat phudoh ding anagon u guilhun na in Pu Holkhomang in Delhi a MA simlai ahin dalhan March lha in Molnom ahunglhung in April 15, 1963 akipat in J B School building ah class anakaipan un ahi.

Hiti chun gamsung adeh a khokimvel a khom, bi, go , nang chule thale jung kithokhom jehin Headmaster Holkhomang chennading inkhat,
100 ft X 14 ft. School building khat leh Hostel building 2-Boys & Girls sahdoh in aum in 1964 session in ana kimang tan ahi.
Manipur sunga

Sadar Hills,

Tengnoupal,
Ukhrul gam lama kon in eimi chapang lekha simding ahung khom uvin lunglut tah le pontho tah in MIHIL- Oja hon anahil un KUKI te lah a mipoimo leh lamkai leh Govt. Officer tamtah ahung umdoh in ahi.
Hiche lah a minphahthei phabep ho chu
Pu Ngamthang,
PuTN Haokip,
Pu Chungsei,
Pu Vungzagin,
Pu D P Haokip
Dr D D Haokip
Pu J. Lhungdim,
Pu Lamkhosem,
PubDS. Haokip,
PuD.T. Haokip,
Pu Henkholun leh adang dang chuleh MDC
Pu Ngamhao,
PuJangkhongam,
Pu Khaipao,
Pu Nehthang,
Pu Otkhomang,
Pu Semkholun,
Pu Thangjang le adang ahiuve.

Hitichun 1978 in Govt. School ahung hitan abana 2010 kum in District sung a khatbou kipe Govt Model High School ahung hitan ahi. 1963 kum a chapang
30 vel a anakipan chu tu in chapang 1000 val akaitan ahi.

Mihil- oja jong 30 val set aumtan ahi.

Class X hinchai tuni chan in1000 Val aphatan ahi.

GMHS lhanga hin Sunshine English High School kiti Private High School phatah khat jong aum in ahi.

Tedim Road lam pama lamsah a chapang School khat
ARCADIA SCHOOL kiti khat aum kit in School pha hiteiyinte chapang atam thei lheh e ti .
Tu thah inMolnom Kho hi HUB of Hub of School Education ahitan ahi .
Kolveng ah 4 Js Higher Secondary School , Catholic hon St Doninic School, leh Village School ahung umkit in Molnom kho kom Bethel ah Legacy Faith Academy leh Happy Heart Jr College aum kit in Diadem School kiti Class IX – Xii simna khatjong aum in ahi.

High School Compound jong mundang a high School umho atoh itekah alen in anavah in anom in ahi.

KHO LE E VENG:

Molnom kho hi alen in adunglam hi Km 1 val ahin avai hi half km val hinte.

Kholai len jong Gari a iche louleh tehse ho din ahahsatai.

Kho hi veng 9 tabang in akikhen in Imphal a kon a nahung leh amasape
a Zion Veng nahin muding, abana Changlei veng nahinphah jouleh lamnoilam chu

Sharon veng akitin lamsah chu
Kolveng akitin ahi.
Masang a Burma lang a hung ho chenna Veng
Kolveng a kon a khopi lam najot leh
Central Road akitin Haosate in a kon a nache suh leh Thanghem Road akitin ahi.

Lamnoilam se chu Jubilee veng akitikit in ahi.
Masang a KCA/ECA hon Jubilee ana lop nao mun ahi.

High School lam a nahung leh Molnom Bazar um nalamse khu Bazar veng akitin ahi.

KHO KIM LE VEL HO:

Molnom kho hi akimvel a khodang ho chu solam a K. Salbung ahin sahlam a Jalenmun, le Haijang ahin lhumlam ah New Boljang le Bethel ahin lhanglam a hi Khomawi le M. Ramthar aum in ahi.
,
Bethel Khomawi le M Songgel hi Molnom khopel anahin tun kholhing ahi.

INMUN LOUMUN:

Khodang vengdang sang in Molnom kho ahin in mun man atamdeh in ahi.

Ajeh pipen chu akho hi anom in town a kon a gamla behseh lou ahivanga jot nom chukit le Molnom a inmun mundang sanga detjo patta um cheh ahi.
Chukit leh Tui problem umlouna kho ahi.

Ichoh jong le mantam ijoh jong le mantam ahi.
Na choh pou pouleh nakisih louding ahi.
Tutah in sq.ft a Rs 200 lam hitan te.
Bank a sum kikoi chu kum 8 leh aleja a pung ahin Molnom a gam choh chu Kum 3 in aleja pungding ahi.

THINGLE GO Atmosphere, climate leh Environment:

Khosung thingphung atam in ahi.

Injouse tobang in thingphung, gophung le theiphung neingen ahin khosunga ilutleh adap hoi in abana insung ilut a ijoule adap hei in ahi.
Khodang toh abang pon ahi.

Hiti hojeh hin Khosungq huinun atmosphere, Climate le Environment ahoideh in ahi.

Munsang khat a ikaldoh a ivet leh khosung hi adum- green tah in akimui.

THEN NALE KICHIN TUPNA:

Molnom kho hi District sunga then na Cleanliness neiloi tah jong ahi.

National Cleanliness Day 2nd Oct. nileh first Prize jong sang jingl khokhat ahi.

Kholai a che le chun nen bom dustbin akikhai mun natin jan ahung hile inmai jouse Electric bulb khat kikhai cheh namu ding ahi Inhoi leh inthupi vang atam hih nai.

Pucca in cheh in jong , khut jung a sim kham ahi nalai e.

Ahinlah moh noise hih in in sung lut le chun akham akham a Common Room neija Sofa set neicheh ahi uve.

Sofa set khat sang a tamjo nei jong umda ponte.

Thangting House ka in a hung le chun Sana dangka kanei lou vang in

District sunga Sofa set tam neipen le Lekhabu- Book nei tam pen hinge.

Sofa set som val kanei in lekhabu ajat a tam behseh lou ahivanga man value 2 lakh man ding ahi.
Hite ni hi ka Gou ka Wealth ahi.

Dr. Frank Crane(1861-1928) lekhabu minthang Ten Rooms that should be the house of life sun pan hitin asun e

A rich person is not some one who has a library, but who likes a library ati..

THI LE MAN:

Molnom kho kipoh dan in khosunga mithi aum leh jingkah lam nidan 12 masang a thi jouse anikho a vui doh ding, .m
sun nidan 12 joua jan1 jan hapi dinga jing aq nidan 2 masanga vuiding ti thulhuh ahi. Thikong coffin sem nadinga inson a dangka 20 chengsomni tocheh ding chuleh mithi te kithopi na a anchang kilo 1 choi cheh ding jong ahi.

Jan a mithi lenkhom a janha piding insonna mikhat hitei ahijeh in janha hi compulsory ahi.

LHANMOL- CEMETRY:
Mi athi leh ahing nalaiho kin chu mithi chu vuidohding ti ahijeh in Lhanmol thu seitaote.

Molnom lhanmol hi khodang ho lhanmol sang in anom e kitileh kiseikhel ponte.
Lhanmol hi khopam lampeh Tuitha dung toh kinai lam ahin mun ong lentah, thing tamtah kena mun kichoi, navah thet, hiu lhahiu heo ahi. Khomiten job card tha a asem toh uva amunle ajang aheitoh dem u Lhanmol .

Molnom a nahung khah le Lhanmol a chenlang gave teiyin.

Hiche Lhanmol ahin mithupi tah Pu ThanghemLhungdim Kuki MC kho hinsat dohpa leh
PuNgulkhohaoKhungdim Saikot a MLA 1984 – 1989 thumvei anakaidoh a Minister jong, Parliamentary Secretary leh Deputy Chairman, State Planning Board pa Lhansong kilom tah a kitung ho namu ding ahi.

Adang dang holah a kapa Hemthang Thangting lhanga kipana thupha- Gospel 1937 a pat hinlhangsap pa lhansong jong na muding ahi.

Tun amahi sapten UNSUNG HERO atidan u ahitai.

MOLNOM KHO A MUTEIDING LE VETTEI DING
Molnom Haosate in pucca in kisa masapen,

Molnom kho Golden Jubilee Monument-
song kiphut.
Molnom ECA Houi kisa thah aletdan 100x 83 ft Town naia Houin lenpen hinte .

Gandhi Memorial Govt. Model High School Double Storied Building

Upa JangkhongamHaokip
E E Retrd insong 3 a kisa – insangpen, hoipen le manlupen- JUBILEE In kiti.

Thangting Estate .. THANGTING HOUSE:
KANU VEINEM MEMORIAL LIBRARY aum in kum 30 sung a kichom khom lekhabu mantamtah leh minthang tah kikoikhom ahi.

Thangting House hi Molnom- WestaHighSchool Veng jong kiti a um
N. Lhungdim chenna in ahi.

Hiche in hi ahoijong hilou aman tamjong hilou ahivanga English a
UNIQUE
kiti adang atobang umlou in khat ahi.

Kum 15/16 masang chun Salt Brook School neipa Pu Vanlallen in School chapang 20 lang ahin puiyin Thangting House avetsah in apuile in anungche uvin ajing in acheho chu a visit uchu assay competition khat ajihsah in hiche holah a hoicheh alhendoh 4 chu eihin pe in kavet leh chapang khat chun hitin asun in ahi.

A VISIT TO MOLNOM IS NOT COMPLETE WITHOUT VISITING THANGTING HOUSE’ atin ahi.
Achung themkhat seh kiseibang in Thangting House a thilmantam pen le lupen chu LIBRARY ahi.

Library sunga lekha kijih ho chu,
A ROOM WITHOUT BOOKS IS LIKE A BODY WITHOUT SOUL ‘ khatkit chu

NO POSSESION CAN SURPASS OR EVEN EGUAL A GOOD LIBRARY TO THE LOVER OF BOOKS’- Langford.

Hiche Library ahin Bible Commentary 5/6 ,
Dictionary 10, Encyclopedia Britannica Vol-29. English Literature Great Books Vol-60,
World Classics Vol- 40,ki Great Ages of Man Vol-11,
Handyman- do it Yourself Encyclopaedia Vol- 26, Lexicon Universal Encyclopaedia Vol-24, Reader Digest Book Vol-10,
le adang dang simding, Biography,
History,
Economics, Anthropology, Sociology,
Psychology,
Novel le Fiction, Children’s book ho um ahi.
MANAGEMENT BOOKS TAMTAH JONG.

Thangting House hi keidinga in nompen le in hoipen ahi. K

Lakhat in
IN NOM KA IN NOM KA IN NEOCHA SANG A NOMJO MUNDANG UMLOU
atichu adih mong mong e.
Thangting House a nacheleh N.Lhungdim Office chu
THE STUDY akitin amindang khat chu PRIVATE RETREAT jong akitin ahi.

Hiche a lekha kitah khat chu ‘
DOING WHAT YOU LIKE IS FREEDOM & LIKING WHAT YOU DO IS HAPPINESS’ kiti chu ahi
.
Calcutta,

Chennai
Delhi
Jaipur
Chandigarh,
Shimla,
Agra,
Bangalore,

Myshore,

Guwahati,

Shillong le adang dang khopi tamtah mumo ahideh poi.

Chuleh Govt. Service jong sangtah India Govt. a Jt. Secretary Rank jong phahmo ahipoi ti vetsahna jong ahi.

Seidoh louva thiltamtah aseijoh ahi. Leiset chung a mineilou khat kanei hiche in jong hi ahi.
Midinga ima hilou keidinga aman lutah IN ahi.

MOLNOM KHOLE KHODANG:
Molnom khojong mikhodang tobang kho kahi thouve.
Khosung a JUDU, June aumda dehpoi, khamna thei loule ai boljong umda ponte.
Kahlah lah leh drug leh ju jeh thi kaumjing un ahi..

Masang kum 35 laichun No.4 jeh in Gollhang melhoitah tah 15 val anathi in ahi.

Seiding jong da um in lhaset jong aum e.

Koi mo pen hintem? Amaho ham ahilouleh anuleh pate joh ham?Abailam tah seiding in anilhon a mo a hi kitile kiseikhel ponte.
Khosung a discipline vetupding in MolnomDedence Board jhat aum in ahoi lheh in ahi.
Tunvang hichu aumtapoi khodang
hosanga apha loi tah hitante.

Nang jong khatveibeh Molnom hungtei in .

Articles hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Site nalut a notification pop up hung potji ho allowed anabol ji uvo maban a thusim thah ahung ki post teng notice namu ji diu chule Bell button a subscribe kiti chu meh un.

Previous articleKUKITE CHONDOL A SA-AI CHANG-AI (CHON) BOLDING MIKHAT IN ASUH BULHIT TEIDING CHONDAN KHANKHO HO
Next articleKilet sah na kiti hi Pakai jadia thet umtah ahibouve

LEAVE A REPLY

Please enter your comment!
Please enter your name here