-Aum theiding mong ham?
My ideas of Model Village are based on 3 things. They are LITERACY ,CLEANLINESS AND GREENNESS,modest attempt.
Asun:
N.Lhungdim
Thangting House
Molnom- West
20th August 2020
Prime Minister Narendra Modi in aniseh aphatseh in thil thah thah in aphongdoh in ahi. Athil gon asei doh hohi idea phamo hilou kitongdoh leh phatah ding ngen tobang ahi in ahinla atohdoh nom ahisah nom hi tam behseh ham atamjo hi aseidoh jou leh kichai tobang ngen ahin ahi. Hiche ho loi tohdoh na ding a budget allotment kisuh tahjong kikoi kitlou,proper monitoring system jong um lou ahijeh hin Smart City leh Model Village kiti hohi kum 6 jouin jong khatcha muthei a tohdoh aumpon ahi. Thilpha thilhoi tamtah iboldoh nom vanga aboldoh na ding sum le pai tha le jung man power angai in ahi.
Kahinkho a Govt Service kabol lai in kalung leh katha ahat in retire jou leh tohdoh dinga pha tampi kanei in ahinla katohdoh hi atam hih beh in ahi.
Kalung a kana gon lah a katohdoh ahi tia seiding hi ka in a Private Library midang tamtah phajou hih jongleh keima khambep a phamai mai a kagel Churachandpur District sunga Private Library lah a hoipen kaneidoh hi kahinkho a kalung lhaina pen khat ahi. Aban a kana gel chu kakho kachenna dinga kana lhen Molnom kho hi Model Village a semding hi ka retire masangpeh in kana gong in khosung khangthah 10 val kakimutopi in Public Charitable Trust khat kasem in hichu Village Welfare Foundation ka nasah in Churachandpur DC office a registration ka bolsah in keima Trust a Chairman kahin in khosunga ngense theidom khat Managing Trustee in kakoi in ka pension masang in suty a kache phatleh meeting kanei jui uvin Molnom khosung amasapen a tohding 3 kana gong uvin hiche ho chu÷
- Molnom a cheng kum 6 a kipat kum 50 sunga mijouse 100% literate hisah ding. The Most Literate Village in the district a semdoh ding.
- Molnom kho hi In ho leh Vengho abon a atheng lou jouse suhtheng ding, in jouse in minkhat kivo a inmai a akitahsoh kei diu, in jousen in mai a electric light bulb khat avahsoh kei diu tiho hi ahi. Hitia chu bol a Molnom chu the Cleanest Village in the District hisah ding.
- Molnom khosung ahi ahithei chan a thingkeh tam tah tu ding,khosung lamlen kilhung ho apam a thingkeh tu ding hiche ho chu um a phatah a ven tup ding chukit leh inkom jouse a thingphung khat khat tuding a in neiten akivet tup a athi sahlou ding tiho hi ahi.
Hiti ho kipat na ding in kachenna veng Molnom West kiti a pat ding kagong uvin Socio-Economic Educational Survey kabol sah in kaveng uhi in 60 tobang ana hitan hiche Statistic data a kon a chu keima veng chu sem masat ding, keima veng akichai phat leh khosung aban a veng khat aveng neiho toh kihou toh a natoh pat ding hitia chu ol ol a chal a chomkhat jouleh Molnom village chu Model Village a semding akichai phat leh khatvei thenso na kin nei a district a D.C pu kou a inauguration tihi kana tup ahi.
Aban a Molnom akichai phat leh til lai a Molnom kho chen til lai a chen khompi masapen chu Kholmun kho ahi. Kholmun Youth Club hotoh kihoutoh a Molnom kho banga Model Village a semdoh ding, aban a Kholmun kichai phat leh M.Songgel kho a M.Songgel Youth Club ho toh kitho a Molnom leh Kholmun banga Moldel Village a semding tihi keima plan leh projection ahi. Hitia kaveng uh Survey kabol jou chun keiman jong kaveng sung uh phatah in kahe tan ahi. Kana hetdoh lou kaveng uva Ojapu Jangkholun Haokip te chu a insung uva graduate 6 tah ana um uvin ahi. Vengsung a ama in a cheng mi in lo a cheng aman louphailei nei, mi lou lhou a um, matriculate,graduate,Post graduate ija um em, Doctor ija um em, Engineer leh Theology leh Ph D student ija um em akihet keo hilou in kum 70 chung lang leh kum 6 noilang ija um am kahesoh kei in ahi.
Hiche kho thum ho hi Model Village semdoh jou leh lekha khat ,THE THREE VILLAGES – An experiment of Rural Development, ti sut a khonung a Rural Development Reaearch bol hon Reference khat a anei thei ding u kati ahi.
Ahinla vangset umtah in kalung gel leh kagot jouse chu suh bulhing lou in ana umtan ahi. Ajehpen chu ahileh kakho uva Haosa te in tilkhoua kithopi sang in Sabatage ding joh aboipi un kakikah uva Mistrust umjeh in
umlou khat in kathil gon chu tohdoh theilou in aum tan ahi. Mihem khat leh khat kikah a hi kitimatna hi 3 aum in No.1 chu Understanding,
No.2 chu Misunderstanding ahin chuleh
No.3 a chu Non- Understanding ahi. A chung a no.2 leh 3 ho jeh hung hiding in katahsan in ahi. English a Mistrust kiti aum in ahileh natoh na hi kichal theilou ahi.Trust um louna a chu na kitong nom jong leh kitong theilou ahi. Natohna chalna dinga khat le khat kitilkhou to johding ahi. Hiti ho jouse jou chun keiman khosung Vengsung a jong kadon tapoi, , apha ding ahoiding jong kasei tapoi keima Compound Thangting Estate koima thunei na umlou na chu kadei dan tah in land scapping kabol in tourist spot tobang ding in kasem in adeh in ka in compound chu pahcha tamtah katu in,garden lamps kato in thengsel in kakoi in kana toh nading Library phatah kaki sem in Salt Brook School kibol til lai thim chun Principal pa Pu Vanlallien Haokip in a student ho chu Thangting House veding in ahinpui in amaho chun school alhun uvin Thangting House visit abol uh chungchang Essay asut sah in ahoi tamtah asut lah uva student khat in asut ka haimil theilou chu ahileh, ” Molnom a ka che e nati a Thangting House a nache lou leh Molnom a nache chu a chelou tobang nahi” tin comment ahin bol in ahi. Hiti chun ka in a kholai leng ahung a ahileh ahung kit nom nading in ding a kasem ahi. Lamka langa khun Pu Vunglallian Tonsing in Bungmual kho jotna sah ah Lalpuitluai Foundation School khat asem in ama in khu phat kanei seh leh kaga che in a Compound jong nom, pahcha dimset, a insung jong athil koidan leh furniture aman atam a tam hilou ahivanga hoitah leh kilom tah ahi in amani nupa jong Hospitality pha ma ma in hiche khu town sunga dia ka Model House khat ahi. A in lhon a che chu nungche kit ding thanop um ahi.
Tuni a iseinom uchu kum 30 lhingdeh Govt Secrvice kahin bol na ahin amasapen in Jorhat aban a Tezpur, aban a Calcutta, aban a Shillong achaina in Dibrugarh a posting kahin khopi danga ka office neocha ho chu thengsel sel in kakoi in Dibrugarh a kahung posting in Dibrugarh Range a alenpen [top officer] kahijeh in Dibrugarh Central Revenue Building Income Tax in alo jouse chu Model Income Tax Office in kana semdoh in India sunga Income Tax a thengpen, thingphung tamna pen in kana semdoh in ahi. THE CLEANEST AND THE GREENEST INCOME TAX OFFICE IN INDIA a kasemdoh ahi. Hiche hi kanatoh sunga kalung lhaina pen leh office ahung jouse Tax payer hihen lang dept. mi hihen lang Top officer ho hihen milham leh Politician ho hijongleh nom salou leh hoi salou khatcha ana umpoi. Keima tah jong Civil Servant lah a Role Model hiding kadei in katha anom lheh in ahi. Ahinla lhinlal na tampi kinei ahijeh in mihodei bang leh keima deibang tah in Role Model Civil Servant kahijou pon ahi.
Achaina a iseinom uchu mijouse hin Pa hon odel Pa hiding go hen Nu hon model Nu hiding, Student hon Model Student hiding agel bang hin school bol ho jong hin Model School hiding leh Principal in Model Principal hiding hi kinei cheh leh kadei in ahi.
Tulai a Churachandpur a Tuibong lang kai a School bol ho lah ahin Model Principal leh Model School naithei pen ding hi Tuibong Laizon venga Salt Brook School khu akinai dompen in ka mu in ahi. Ajehchu school a kon a Sum amu hohi Principal pa hin mundang gamdang a suhlut [investment] ding gellou a a School ma ma a asuhlut jeha midang ho akhel na a muthei khat ahi.
Achaina kei in Prime Minister Modi in athupeh dungjui a MP khat khat in kho khat khat Model Village a asem ding tihi thil phatah leh thil hoitah ahi. Ajehchu MP khat in kum khat a jah ding Rs. 5 crore anei in hiche hochu aman uleh kho khat chu Model Village soh tei tei ding ahi. Kum 5 sung a chu kho 5 chu Model Village hung hiding ahi. Ahinla kamu dan leh kahet dan in kahet khel lou leh MP hohin Model Village inauguration abol niva khu akichai in kamu in Survey ima jong kibol lou hitia chu sang ija hamkhat ajah uva kichaidoh ji ahitai.Amin mai mai a bol lou pha mo ahiti
M P ngen tobang ahitan ahi. . Hiche sang chun Churachandpur a hoi kasah khat District aJail kom a um N.Molhoi khu Haosa pu PuSolet Lhungdim in akho a in jouse govt. Scheme toh kitho a Septic Latrine asem peh khu asei le le lou vang a Model Village leh Model Chief ahilou leh N Molhoi khu Model Village ahi ti thei ahi.Akholeh a veng ngailu kiti Haosa chu ama hi ahi.Tulaiyin Haosa tamtah hin akho sang in ama insung aboipi in akho miding heikon a akho a kivah atam jotan ahi. Anatoh umlou a amin a Model Village kiti ho vang thil phalou beh ahi.
Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.
