Alelang ah mi haosa ho leh officer len len ho adau ahin achateovin nehkiholna a hahsatna ahin nei ding u ahi.
LEKHA THEP Education NEI HI SOCHATNA LAM HIL AHI.
Tahsa leh lungthim Vaichat leh Hetlouna a kon a.
Natahsan em ?
Asun:
N.Lhungdim
Thangting House
Molnom- West
20.07.2020
Achung a thu kisei khu English ten PARADOX atio amani chu Contradictory tobang ahi.
1975 March to June a Mussourie a Lalbahadur Academy of Administration a Foundational Course for all Central Govt Sevices combined lha 4
Training a ka che chun LBS Academy a Director pa chu Rajeswar Prasad A S ahin a cha pa 2 khat chu IAS ahin ajinu jong IAS ma ahin khatpachu IFS ahin ahi.
Kaseinom chu IAS officer ho chu masang in apa IAS ngen tobang ahin ahi.Hitia chu vaihom ho IAS hi chu achate chun kigoulo tobang a vai ahin hom son son u ahi.
India Independent jou til lai chun India vaihom ho chu Brahmin ngen tobang anahin ahi.Hiche phat chu ahung kikhel in India vaihomna chu jatnem leh insung hahsa toh hungkisepdoh chau chapa hon vai ahin hom pan u ahin ahi.
Hitichun IAS jeng a jong IAS nule pa ho chate hilou in vaichatoh anu leh pa jing an jan an kihol thu ho chate ahung hitan ahi.
Hiche Manipur a jong BOSEM,CHOSEM, CBSC clas x leh class xii ho result ahung so leh kidang tah tah in khatvei laichun Kangpokpi District a apa jing an jan an kiholthu chapa khat chu top 10 sung a ahung imin akidang lheh in ahi.
Churachandpur a Choshem Exam a numei chapang Kimngaihching chu 4th position a hung pass nu pa chu Rickshaw thou ahi kiti chu kidang pen in kahenalaiyin ahi.Adang dang tampi jong umnante kaseinom chu tulaiya Exam a asang lang ho hi atamjo inchen hahsa vaicha genthei ho cha te atam jon ahi.Ahinla Class xii Exam a 4th position a hungpang Kimngaihching chu mihao mi incheng thei anu apa govt office len hilou a Rickshaw tol pa chanu ahi chu imu leh akidang in Mivaicha ho hi Pathen in vang ahomjoh ahitai ti ding ahitai. Top 10 ahung pang ho chu IAS ,MCS ho chate ahitapon mivaicha nehding kihol thu ho chate tute ngen bou ahitaovin ahi.
Alelang a mihao leh milen itihou hi apate loupina leh thilbolthei chu akisonpi uvin apate Glory shadow lima hing uva Group A officer ho chate atam jon Group D service jong amu joulou ahitan ahi. Amahon Group B,C leh D hochu kadei lou u ahi Group A bou kadei ahi ati dio ahi ahinla Group A sevice munading pot thona, lunglutna hesoh genthei chu athoh nom lou u ahi. Ajehchu apa te hi Struggle tah a anahin atam jo hi silver spoon hilou a wooden spoon a ana peng uahin Officer ho chate hi Born with silver spoon ahijeh uvin jing an jan nehding aboipi tapouvin ahi.
Hiche hi Disadvantages of being the children of welltodo and high officials ahi.. Amahoding a Plus point chu Minus point asodoh uva ahitan ahi.
Tulai ConoraVirus lai in mihon Negative adei in khatcha in Positive adei pon ahi. Positive ahi pouleh Covid + care centre a Negative ahitoh kah alhom pen a ni 14 um ahitan ahi.
Mihem hinkho a hi alhang pi a Positive attitude neilou leh positive thinking mind neilou ho chu alhun nading lalhung ngei lou ahi.
Inpo a ahungdoh leh van a AHSI amu ham tola BON LHOH amu ham Ahsi mu ho chu ahina sanga sang a lhung ding Bon mu ho chu Bonlah a kichem ding u ahi.
Hiche jeh a chu
MIVAICHA ho anun nom uve achateo lekha hung them ding leiset a officer len leh Mihao ho chate sang a vaihomna leh thuneina ahin neiding ahi kati ahi.
LEKHA THEP KITI HIN THIL 3 ga apeh ahi.
No.1. Lekhathep chun Vaichat adelmang ding ahi. Education removes Poverty,
No 2. Lekha thep in Suffering thohgimna a suhlhom ding ahi.Education reduces Sufferings,
No.3. LEKHA THEP IN HETLOUNA A suh mang ding ahi.Education Eradicates IGNORANCE,
Lekhathep a natoh pha amu leh hiche achung a kisei POVERT,SUFFERING leh IGNORANCE kon a hi SOCHATNA Salvation muna lampi phapen leh hoipen ahi.
Tunia hiche chapang numei Kimngaihching hin a insung uva hiche 3 kisei ho kon a SOCHATNA ahin poh lutding a Family ding uva ama hi Huhhigna hinpolut hung hiding u ahi. Amasang a a Vah pel in ahi. Kum ija ham jou leh hiche tua ain chen u toh hung bang lou hel ding u ahi.Apa in jong Rickshaw toltalouding ,anu in jong cha tea hotel bol ta ponte. Adam nah uleh a pa in Rickshaw akon in Car hin tolintin anu jong apa veilam a Car sung hung tou ding ahi.
Lekhathep kal a inchen semna leh hinkho machal nading adang aum pon ahi Ajehchu Mihem thepna chu Gucha in aguhmang theilou Gou Asset ahi. Sumle pai sana dangka chu Gucha in aguh mang thei ahi.
Bible a Ngetle tuieh inaneh mang theilouna gucha in a guhmang thei lou na ah na Gou khol in kiti tobang ahi.
Keiman jong vaicha tah insung a kon hijong leng Pathen lungset na jeh lekha kana sim a Education akham kham kananei jeh in hiche achung a thil 3 ho akon a SOCHATNA kamu ahitan ahi. Niseh in nehding kanei in inlelou gole dai a kon a kihoidohna kanei in chuleh hetlou na
IGNORANCE akon in sochatna kamu tan ahi.
Hiche mivaicha migenthei ho chung thil hunglhung hi ei ho Manipur keo ahipon muntamtah a jonglhung ahi. Tamtah kisei jouhoh jong leh tukum 2020 a UP gam a CBSE a UP a loulhou mi chapa Arunag Tiwary kiti khat in 98.2% amun 100% scholarship a America a University hoipen Cornel University a aban simding a cheding ahitai akitin ahi.
