Home N Lhungdim MIPI HON ITABANG MI VOTE PEH DING HAM?

MIPI HON ITABANG MI VOTE PEH DING HAM?

26
0

CHEMTATPA nahim O leh KAIKONG nahim.

Asun
N.Lhungdim
Thangting House
Molnom-West

n lhungdim
N-Lhungdim

2nd September, 2021.

Election kiti chu Politics a kichepna khat ahin hiche kichepna hi aphat natah khat chu lamkai ding kum 5 seh leh kilhen dohna ahin aphatlou natah chu kisot tona umlou kisot lhahna,
kisei setna,
kitomo naleh kimit thipna hungkon na ahi.

Election bolna ahin Party dungjui a Election um ahi in ahinla phatah a dan le mol um a kigongtoh Well Organized Party kiti hi Manipur ah atampon ahi.

Het theidom in Congress party leh BJP party ahi tichu abul umding aleh jong umding ahi.

Party dang hohi amin a Party hi a President keo
keo kiti um a abah kai Organisation umlou ngen ahi.

Tuni a iseinom uchu MLA election hi kum 5 seh a kilheng ahi in kum 5 lhinna ding chu khovei February leh Assembly Election umding hi mipi VOTER hon itobang miho lhen a pha ham ti kihoulim na nei ute.

Manipur thinglhang ah constituency 20 aum in abon in kihop jou pontin ChurandpurDistrict a Constituency 6 ho vetna nei ute.

Constituency 6 hohi akhantou dan alhahsam dan kibanglou ngen ahi.

Churachandpur Town constituencytoh kinai Saikawt Constituency ngaichat hohi Henglep leh Pherzawl
Thanlon chuleh Singngat ho ngaichat kibanglou ahi.

Hiche dungjui a chu a candidate ho chu atetnao constituency a chu ipi abolthei uvem chuleh mipihon angaichat pen ho chu ipi pi ham hiche hi akhohpen ahi.

  1. Vetsahna in Churachandpur Constituency ahin lamlen, educational institution angaicha pon ahi ajehchu lamlen semding chu priority ahipon chuleh School leh College phudoh ding jong angaipon ahi. Athum thei pen uchu Churachandpur College a Manipur University Centre phudoh ding angai in ahi ajehchu Degree college 2 leh 3 Rayburn College, Lamka Govt College,
    V.K Tawna College kitiho umjongleh Fees pehna College ngen ahijehinHigher Education Imphal ManipurUniversity a admissionboi tah a del sanga Churachandpur College a subject tamthei chan a Post Graduate simthei na umding hi townConstituency a Candidate hon akhohsah ding ahi.

SANGAI INTERNATIONAL UNIVERSITY Private University la hoilang gei hitam ?

  1. Saikot Constituency a mipi ho in angaichat uleh candidate ho abolthei uhi ipi ham hiti hohi akhohpen e. Candidate hon abol thei isei masang uvin Saikot Constitiency a mipi hon ipi angaichat uham sei masa taote. Saikot Constituency ahin Higher Secondary School private in phabep pi aumtan Bethel ah 2 LEGACY FAITH ACADEMY leh Happy Heart Junior School a um in Molnom West a Diadem Academy
    leh 4JsHigher Secondary School MolnomKolveng aum in hiche hohi Fee pehna ngen ahi jehin tulai sum le pai hahsa lai in nu le pa ten chate class 12 chan asim nading ahin sum tamtah alut in tua Saikot Constituency akhohpen khat chu Govt. Higher Secondary School khat angai in ahi.

Gandhi Memorial High School hi Saikot Constituency a School
luipen 1964 kuma SEBA Assam Board ah Recognition mu Churachandpur District a Churachandpur HighSchool bana
masapen ahi.

Ahinla local communal politics jehin Gandhi Memorial High School chan dingchu 1966 leh 2016 in 2 vei tah , Kangvai High School joh peh in ana um in ahi.

Kangvai High School hi ama ho jahda lou dingin Kangvai hi Educational Centre ahipoi.

Chuleh Meilhei toh Gamgi ahin semlen thei mun ahipon ahi.

Tutu in adeh in Gandhi Memorial High School hi
HUB
of Educational Institutions ahung hi in akimvel ahi School tamtah in a um khum ahi.
Akimvela Bethel a FaithLegacy Academy ,HappyHeart Jr College,
St Mary Higher SecondarySchool,
Tuibong,
DiademAcademy,
MolnomWest,
4Js Higher SecondarySchool,
Kolveng Molnom .

Local Communal Politics jeh a ahiding dol tuchan a hinailou ahi ajehchu District khat a Model School khat um ding kiti chu Gandhi Memorial High School
lhendoh a ana um a tuchan a Gandhi Memorial High School hi Churachandpur
undivided District aum sun Model high school ahi.

Chukit leh Saikot Constiuency in Govt. College khat achom in angaicha in ahi ajehchu class 12 ahinchai phat uleh degree class simna dingin town langa che angai in town langa kaina thei dom chu Churachandpur College leh Rayburn College ahi.

Amani hi phalheh jong leh sahlang a ikinaipi houvin gitlou ahinbol phat uleh Sielmat leia LOC akikal theilou ahijeh a Saikot Constituency ahi
Govt Degree College khat apoimo in ahi.

  1. 1997 lai a jat khat leh jat khat kinah jeha kum khat lhingdeh kitha kimat in kihalto umjou a Kuki Inpi Ccpur leh Zomi Council in kinoptona leh kichamna
    ana bol joua ahetjing nadinga Tuibong gam ongsung chu
    PEACE GROUND
    tia hung kisemdoh kum 24 jou a abep bep hi jachat umtah ahi. Hiche Peace Ground hi Private leh Public function ima jouse hung kibol na District Administration in Republic Day leh Independent Day bolna
    hung kinei ahi chuleh Kuki te in2005 a Chavang kut bolna a jong hung kinei ahi.

Ahinla hi ivet leh thinglhang village
e football ground toh akilou nalai in ahi.

Hiche hi akinthei pen a Artificial turf kipha Ground hisahding hi mipi in adeipen ahi chukit leh MLA hon agelkhoh diuva deiahi.

Saikawt MLA hiding Candidate ho koi hileh PEACE GROUND sempha ding a Assurance pe thei ngaichat ahi.

  1. MLA ding hohin aluipa sangin phajong kate mipi ngailu jo ing kate keima inchen louchen kisem sangin Saikot Constituency semding gojong kate ti lungput neiho bouchu hileh hoi le phading ahi.

Nehguh loubeh a jong Constutuency khantou sah mo ahi pon ahi.

Chukit mipi voter hohin candidate lhending hohi Congress ahijeh BJP ahijeh thingnoi ho support ahijeh a lhenlou helding ahi.

MLA kaidoh chu poimo ahin Congress, BJP leh thingnoimi ho deichu thupi ahipon ahi ajehchu tulai MLA hohi Govt. a kon a facility amuding uh tamtah aum in ruling party gajao a minister hi ngaikhoh sese pon ahi.

Vetsahna ding in tulai MLA hohin lhaseh a atolop le allowancemu ho jonghi abon a akigop leh lakh 2 val ahi chukit leh MLA Local Area DevelopmentFund amu jong hiRs 3 crore ahi.
Mipi ngailu a natong ahiu leh hiche ho keo keo manga a Constituency uhi Bronze a kon Golden Constituency aso thei uh ahi.

Tutu a MLA ho akon phatchomna mu hi Haosa phabep khat leh Service anabol peh hobou in aphachom in midang dingin MLA umham umlou ham akihepon ahi.

MLA a kiti hohi mi khat leh ni phatchom nadia kilheng doh ahipon Constituency sunga hesoh genthei chaga ho atamjo ahijeh in amaho lunglhai na chu Constituency lunglhaina chu Pathen lunglhaina hiding ahi.

Mihem la lunglhai lou Pathen iti lang lhai ding hitam ?

Achunga isei bang uvin Saikot Constituency ho NGAICHAT chu Henglep Constituency ho NGAICHAT ahipon ahi.
Saikul leh Saitu constituency ho ngaichat khoh chom chom um cheh ahi.

Henglep constituency hi khangtou lou Constituency tia kihe ahi.

Akhantou louna hi amiho khangtoulou ahipo in agam hi kichotmatna lhahsam jeh ahi.

Hiche
ROAD COMMINICATION
hi akisem hoilou leh Henglep Constituency chu a tonsot a jong a khangtoulou ding ahi.

CM Biren Singh in
Go to the Hill
asem a thinglhang leh phaicham thakhat tah a khantou sah ding ati chu Henglep Constituency a lamsem na ding projects jouse Ukhrul langa asondoh a Henglep MLA Pu T.T Haokip lungnommo behseh a MLA a kon a haidoh hilou ham?

Imphal Valley a
4- lane HIGHWAY tamtah asem uva Henglep a Pathway semding joh khohsah lou a
Go to the Hill programme kisem a Tuibong a Programme kimang chua
Go to the Hill ham ham
Go to Tuibong
chu ipi phachom ding hi tam?

Henglep gam a kon a adamlou Stretcher a hung kijong a CCpur Hospital hung kilhut chun ipi avetsah ham?

MLA hohin Meilhei khopi Imphal angailut diu ahipon hijeh a chu
Pherzawl MLA,
Thanlon MLA
leh
Singngat MLA
hohin a Constituency ho ngaichat ipi um em chuleh abol thei ding uh ipi um ham tiho avet diu ahi.

Ama ho insah na ding leh akho sah hou bou na toh pehna dinga MLA ahipon ahi.

Koi koi MLA ding ding ham tiho ahung kicheh cheh cheh in hiche lah a kipa umtah a kamu chu alui ho sangin athah ahung ding kigo hohi lekha lam ah
Post Graduate Degree
neijong ahung tamin chukit leh a Constituency a Commitment phatah leh hoitah nei ahung um in ahi.

Abana Mipi Voter hon Constituency MLA ding a itobang hokhu idei uvem?

  1. GAM leh NAM ding a ama Kiphalna
    Sacrifice Bolho Dei le ngaichat ahi.

2.Mihao MLA sang a chaga genthei khohsah miding a kiphalna nei MLA dei ahi.

  1. Christian gam Christian ngen Candidate jong Voters hojong ihi jeh un Pathen hemi Houngaisah mi dei ahi.
  2. Party boipi sang a Gam le Nam boipi dei ahi jon ahi.
    Party boipi hohi Statusleh Position del joh ahiovin ahi.

MIPI HI PARTY A NEI MLA DEI AHI.

  1. Aphapenle deium pen chu a lha sumsan jong mipi ding a phaldoh ngam mi akidei in ahi.

Achaina keiyin mipi hon lunggel phatah in nei utin masang bang in MLA lheng kit tapoute.

Politics a thucheng kisei khat in mihon amaho toh kilom bep thalheng akilhen doh uve tikhu ichung uva hung chuding ahi.

Articles hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Site nalut a notification pop up hung potji ho allowed anabol ji uvo maban a thusim thah ahung ki post teng notice namu ji diu chule Bell button a subscribe kiti chu meh un.

Previous articleHINKHO LAMLHAH THUCHIN PHABEP-VIII
Next articleChonset phondoh hi dam na ahi

LEAVE A REPLY

Please enter your comment!
Please enter your name here