(Rev.Siehkhojang Singson)
1. “Chanu, Najineina a Najipa chu, Phahen phamo hen, Chinghen mol hen, haohen vai hen, mithei hen mimo jongle, Ama bou chu Najabol pen ding ahi”.
Ajeh chu, Numei hin Ajipa chu aphatjeh le thildang jeh a ajabol ding hilouvin, A Innuipu ahijeh a ajabol ding ahi.
2. Ven, Chanu, Nangin Najipa chu imalam jouse a Najabolle, Nachaten Apa jaboluntin Pathena kona Pa phattheibohna chang diu, Mou nanei teng amahon jong Ajiteo jaboluntin, Nachanu ten jong Ajineinaova Ajiteo ajabol diu ahi. Hiti a chu, nangin Najipa jabolje nahetjeh a Natai guija hungpeng nachilhah ho khangtamtah geija Pathen phatthei boh hungchang toupeh diu ahi.
3. Chanu, ngaijin, Pathenin Numei hi Ajipa ajabolthemna jala phatthei aboh ahi. Chule Ajipa jabol Chanu chu ahungkondohna Insung dinga kipah umtah ahi.
4. Chanu, Najipa chu Jabol thei ahijeh a najabol ding ahipon, Jabol dinga Pathenin napeh ahijeh a najabol ding joh ahi. Najipa jabol ding chu kipana in gelin, chutile Numeipha nahi thei ding bou ahi.
5. Chanu, Mou ding, Jinu ding, Minu dinga, Napenna Insunga hungkile kitta louhel dinga, Nahinga nangailupen, Keini Nanu Napa hin phattheibohna puma kalhahdoh lhon nahitai. Kadam sungu hihin kathinungu hijongle, Nanu le Napa kinepna hin molso tei tei jin.
“Nachenna Insunga, Najipa lunglhaina, Natehpi Natehpu le Nachenna Insung mite Kipahna hung hin lang, Chung Pathen phatthei bohna in najui jing hen”
Thusimbu ahoi jing le aum jing thei nading pan analah cheh ute. Patron member hina ding hilai meh in
