MINTHANG LE HOINU HUNG KILUNGSET
[ EPISODE – 3 ]
SEIBOI KHONGSAI
8473864702
[ SIM MASA BAN JOM ]
Minthang in hoinu koma alungset nathu ho ana sei chu hoinun jong sumil louvin alungsunga akichin jingin niseh in aki gel gel jing nalai yin ahi. Minthang in jong hoinu chu phone ho in aki houpi jingin akigel lhah akigel lhah lou na thu ho chu ana dong jing in hinlah hoinun vang a lungset nathu hole aki gel lhah akigel lhah lou nathu ho vang ima cha ana sei doh peh ji pon thu dang dang ho joh in ana kihou pi jona laiyin ahi. Hitia au-minthang in phat jouse a, ahin doh doh jeng phat chun aman jong nom mo asa doh jeng tan ahijeh chun nikhat hoi tah in aki gel pha kit in akhon khon nan ahung kigel lha tan aman jong au-min koma aki gellhah nathu ho asei doh masangin anu le apa kom joh in au-min nin ana lungset dan holeh Christian insungnom semkhom pi dia ana deilhen dan thu ho le ama lunggel jouse jong abon chan anu le apa kom chun asei doh tan ahileh anu le apan jong phat sot apat minthang chu ana deisa lhon leh achanu lhon hoinu toh kilungset ding le kicheng dinga ana gelsa lhon ahi jeh chun aguh in akipah lheh jeng lhon nin ahi, achu tijeh chun achanu lhon hoinu thusei chu ana phat sah peh lhon tan ahi. Hoinun jong anu le apa phat sah najal chun au-min toh kilungset hinkho mang ding le nikho khat le alungtup lhon amolso lhona Christian Insungnom asemkhom thei lhon na din Pa koma atao jing jeng tan ahi. Nikhat minthang in jong abol angai bang in a office uva natong hon pha tah le kitup tah a na atoh jingu hinam tin ava kai ding le angai khoh jouse achoh nadiu vin sum jong achoi yin ache kit tan ahi, aman jong natong ho chu hoitah le pha tah in ave kaiyin angai khoh ding jouse achoh nadiu leh sun teng aneh diu aki choh nadiu vin na tong ho lah a alendom khat chu sum them khat apen chule pha tah a na atoh jing nadiu vin jong asei peh in, aman jong a office a lekha khat jih ding anei jeh chun a office room lam chun achen alekha jih ding chu ajih pan tan chom khat ajih jou vin ahin kijih chai gam tan aman jong nom chomchom tin asao pao tein lam chun achen chom khat atou asap pao to chun akihoulim lim l&on nin ahileh nilhah lam jong ahung hiphat chun minthang jong a in-lam uvin aki nung le kit tan ahi. A in nu aga lhung phat chun anao tele anu le apan phatah in ana lamtoh uvin anun jong cha ho asempeh in minthang in jong cha ho chu adon chai phat in anu kom chun henu chom khat gaki chol inge kache le kavah le naho in kachol le atin aroom sunga chun alut in aman jong hoinu koma lungset nathu ana sei chu iti le reply ahin bol dem tia agel lai tah in aphone chu ahung ging sou letlut in aman jong koi jong hiya tutah a call hin bol tin, agah ven ahi le aguh a ana lungset hoinu chu ana hiphat chun aman jong nuiheu chan call chu agah pick in…
Minthang : Hello, hoinu ipi thu hita? tu tah a call nahin bol jeng kipah sah a…
Hoinu : Hihihi, Heu-min jing le iki mu to thei ding ham kati chuo….
Minthang : Ash.. Hoi jingkhu kaki man diba hinam jong, amonga ipi thu ipi dinga ong….
Hoinu : Ash u-min na koma sei nom khoh ten khat kanei hi chuo hung teitei tana?
Minthang : Tua hinsei jeng tango ipi thu ham?
Hoinu : Ngai lou pi jing le na hung le bou kasei peh ding nahe, nahung lou le itih in nasei peh ta ponge
Minthang : Ole, ole, hung nange, hung nange nathu sei ngai ding gunset in, atin phone jong athat paipai lhon tan ahi.
Ajing nikho ahung lhun phat in minthang in jong asap pa kom chun aboi nathu hochu aseipeh tan ahile sap pan jong minthang chu lunggel chu ahet them peh in phal na ape tan ahi. Minthang in jong hoinu chu call agah bol’in hoi, hoilaiya kimu to ding ong? atin..hoinun jong amasa a itou na mun chun ana ngah tange nahung hitam heu-min? tin agah dong lekit in minthang in jong kahung nai hih e tua kahung ding ahi tai tin ama jong hoitah le a smart thei na chan nin aki semin aguh a ana lungset jing anao hoinu toh kimu to din avaikon doh tan ahi. Hoinun jong khut tah a asem pahcha Rose hoitah khat chu aumin peh ding in aki choiyin asei namun nachun aumin chu ana ngah tan ahi. Minthang in jong dukan in nehthei ho agah chopan kino tah in hoinun ana ngah nading mun lam jon nin ache tan ahileh chom lou kah in hoinu kom jong aga lhung tan ahi. Hoinun jong aumin amu mu chun ahung jah chathim jeng in hijong le jachat na chu apailhan aumin chu agah houpin “Heu nahung lhun hitam? keichun la kana ngah lel dan chu”..tin agah houpin ahile minthang in jong hoinu aw nem dan chu amoh ngai nomtho jengin lang khat a amel jong agah hoikit chule kipah nan adim den tan ahi. Minthang le Hoinu kimu tona mun khat achun mi jong ana hache jiuvin chule nungah gollhang ho jong hilai mun na chu aga kihou jiu vin amun jong agah sang thimin huilhi jong anung jing jin; ahijeh chun Minthang le Hoinu jong hiche lai munna chu huilhi kimut sah ding le aki hou din ache lhon’in amun jong agalhun lhon tan ahi.Minthang in jong Hoinu kom chun hitin asei yin “Hoi anom’e na hilai mun chu, tuni kho mong mong hi anop chom lheh e nidang ngaina in, nijong saval lou dap jong dap vallou anom bep e na tin, aneh thei choh ho chu ahin lah doh in aneh khom lhon tan ahi. Minthang in jong hoinu khom chun “Hoi ipi thuba nasei got a kimu to dinga neihin kou ham? tin adong tan ahileh hoinu jong ading doh in au-min chu anung ngah in hintin ahin sei tai..“Heu, tuni a kahin kou na ajeh jong henan nate, ven phat hichan kana kingah sah chu tuni apat a kadam sunga nang toh Christian Insungnom semkhom ding leh kathi to kah a nang to Pathen song jing puma kilungset hinkho mang jing dingin ken jong lungset kahin chan nahi tai heu-min” tin, akhut tah a asem pahcha chu a umin apen hitin asei in “Heu-min hiche pahcha hi lungset hinkho iman pat niteng nang peh ding monga kakhut tah a kana sem ahin ilungtup lhon imolso to kah in ana kikoi jing tan” tin pahcha chu aumin ape tan ahi.
Minthang le hoinu jong hiche ni apat chun Pathen geldoh jing pumin kilungset hinkho chu ahin mang lhon tan ahi. Minthang in jong anu le apa chu ahin seipeh in anu le apan jong pha asa lhonin hitichun ana mini nupan jong anasei salhon bang chun nikhat hoinu te kho a din ache lhon in hoinu nule pa to chun aga kihou lhon nin acha te niu kichen na ding phat ho jong ahin sei khom uvin ama ninu pa jong a in-lam’a dan ahung kile kit lhon tan ahi. Minthang le hoinu jong theng tah le kitup tah in kilungset hinkho chu amang jing lhonin chule miho kivet doh thei ding le phat khat le Christian Insung nom asem khom thei lhon na din Pathen koma chimjou vin atao jing lhon tan ahi. Hitia minthang le hoinu hung kilungset chu nungah gollhang khat le ni hin ana lunghan piu vin ana mu nom ji pouvin ahijeh chun ama hon jong minthang le hoinu chu suhminset tei ding agel uvin ache na jouseu le akholai len na mun jouseu vin ana sei set dehduh jeng jiu vin hi jong le minthang le hoinu chu hinkho thengsel le Pathen ging jing puma lungset hinkho mang ahi lhon jeh chu ama nin jong hiche ho loi khat le ni thu sei chu ima chan agel jilhon pon chule nungah gollhang apha hole minu mipa ten jong minthang teni kilungset chu ahe uvin aki pah pi lheh jeng uvin ahi. Minthang le hoinun jong seiset na hole boi na jat chom chom thoh pumin Pathen geldoh jing le Pathen koma tao jing puma kilungset hinkho ahin man nalhon jong kumle lha ho jong ahung sot tan ahijeh chun minthang nu le pa ten jong hoinu aga thum ji nao jong ajo na pen ahi ditah jeh chun minthang in jong anu te apa te ho chu ajui yin hoinu chu ajo na pen din aga thum kit tau vin ahi. Hoinu nu le pan jong achanu lhon hoinu chu minthang to ki cheng ding le Insung nom tah semkhom lhon ding in achanu lhon hoinu chu minthang dingin ana phal peh lhon tan ahi. Kum le lha jong ahung chal jingin November lha jong ahung hitan ama hon jong ana kinop to nao bang chun minthang le hoinu kichen na ding lekha jong khosung veng sung ho in ahom jal tauvin ahi. Minthang in jong hoinu toh aki chen ding nikho hin ana kidei pat lhon ni a hoinun ana peh pahcha jong chu loupi tah in akoi na ding asem min mipi te mu thei din mun khat a akoi yin ama ni jong hinkho a cheng khom ding le Christian Insung nom tah semkhom din Pathen het le mipi het in loupi tah in Pathen Dantheng in aki cheng lhon tan ahi.
MINTHANG IN THANGGIN TENI AGA PUIDOH
Kum pha bep ache tan minthang nun jong amounu hoinu chu ama khel dingin treacher in apan sah tan ahi. Hiti chun niseh in hoinun jong chapang ho chu lekha ahil jin nom tah in school jong ahung kai jing tau vin chuleh au-min jong niseh in office a din ache jing in hitichun a inko chau vin kilungset tah le kingailu tah in ahung cheng khom jing uvin minthang le hoinun jong Pathen sumil lou vin hinkho amang jing lhon nin agenthei ahah ho chun anei kham kham uleh ajo kham kham uvin akitho pi jing uvin chule Pathen kom’in jong a tao jing jeng uvin ahi. Nikhat Thanggin nu le pa chule Lulun nu le pa chu minthang pa Seiboi kom le ajinu Kimneo kom ma ngaidam thum din minthang te in lam chu ahin jon tauvin inn jong aga lhung kit tau vin ahi. Hoinun jong ahung ho chu phatah in ana lam toh in hitin ahou pin..“Hung tou uvo henu te hepa te” tin agah houpin Thanggin nu le pa chule Lulun nu le pan jong hoinu kom chun “Boinu napa le nanu um lou ham?” tin adong uvin hoinun jong um lhon na chuo tin anu le apa chu aga kou tan ahi.
Seiboi le Kimneo jong inn sunga ahung lhon nin seiboi in jong ipi thua hung na hiu ham? tin adong tan ahileh Thanggin nu le pa chule lulun nu le pan jong ahung lonao ajeh chu pha tah in asei uvin chule Seiboi le Kimneo kom chun ngaidam jong aki thum uvin chu kit le thanggin le lulun jong anung mu kit thei nadiu le apui doh thei tei tei na diu vin minthang pa Seiboi kom chun atao tao jeng tau vin ahi. Seiboi le Kimneo in jong Pathen min in angai dam lhon’in hinlah thanggin teni vang chu seiboi in ama thu thua agapui doh jeng thei ahi lou jeh chun seiboi in jong hitin asei peh tai. “Nop mo sa hih un lang hiche thu hi keima dei dan dan na kabol thei ding thil ahi pon ipi hile lamkai cheng to hung kihou uvin katin na chateu chu puidoh dia lom ahi tah le kachapa Minthang in gapui doh mai tante atipeh tan ahi. Ama hon jong acha te cheh u aki lhah doh na diu va sum ahin choi uchu Seiboi chu ape tau vin hijong le Seiboi in akilah nom pon ahijeh chun ama ho mama aki nung lah uvin akho lang uvin aki nung le kit tau vin ahi. Seiboi in jong chom khat lung agel’in agel chai phat chun namlam kaipa chu phone abol lin thu um dan ho chu abon chan asei peh in ahileh nam sepai lamkai pan jong ana gelthem in ahijeh chun seiboi in jong jong achapa Minthang chu office ahung kikhen phat chun hitin ana sei peh tai.. “Min chol in lang lel lheh jeng jong le chun tu ni maman phat masa a kana sei peh Thanggin le aloipa Lulun chun nang in na gapui doh lou le apui doh thei ding dang aum tapoi ahijeh chun ki gon lang namsepai lamkai pa to gakimu to masan lang chu teng Thanggin teni chun gapui doh in lang inn lam min hinpui paipai tan” ati peh tan ahi. Minthang jong chol hen lang lel lheh jeng jong le apan asol naa chu chelou thei ahi lou jeh chun ama jong phatah in aki gong in nam sepai pa um na camp lam chun achen camp mun aga lhun phat chun nam lamkai pan jong minthang chu jana neitah in ana lam toh in chom khat akihou lim lim lhon nin Minthang in jong Thanggin le Lulun chu aki henna lhona kon nin aga pui doh in ama ho thum jong ani kho maman inlam min ahung kile kit tauvin ahi. Minthang in apa sei banga inn chan ahin pui lhung phat chun apa seiboi in jong phatah in ana lam toh in thanggin teni jong ana hatmo lheh jeng lhon tan ahijeh chun an ho pha in aneh sah uvin aneh jou lhon phat in seiboi le kimneo in jong thanggin le lulun chu pha tah in Pathen thun a tilkhou lhon’in chule ahung kisem thah thei lhon na ding in jong Pathen kom min tao na aman peh lhon nin ahi. Thanggin le Lulun in jong kisih pumle kap pumpum chun seiboi le kimneo kom chun ngaidam aki thum lhon in tunikho apat a iti chan hi jong leh Pathen natoh na dinga kahinkho lhon kaman chah jing lhon ding ahi tai tin kitep na jong anei gel lhon’in ama ni jong kipah tah in akho lang uvin aki nung le lhon tan ahi. Kum khat kum ni jong vin Minthang le Hoinun jong Pathen phatthei boh na cha le nao jong ahin nei lhon tan ama ho jong insung kikimsel le kipah tah le tha nom tah in ahung cheng khom jing tau vin ahi. Phat jong ahung sot jeng tan Thanggin le Lulun jong ana kitep na lhon bang le seiboi le kimneo in ana tao peh na jal lhon chun amani jong Pathen phatthei na ahung chang lhon nin lhagao lam hihen lang tahsa lam hijong le ahal mama jeng lhon tan ahi. Nikhat ama ni golcha jong Minthang tekho chun ache lhon nin khosung mipi te kom’in ngaidam aki thum lhon’in ama ho jouse jong Pathen min nin ahung ki ngaidam to tau vin ahi. Hiti chun ama nin jong phat homtho tah in gam sung ho chu achon lhon nin ngaidam aga ki thum lele lhon tan ahile Pathen lungset na achan lhon jal chun mijousen jong ngaidam na sangpen in ahin ngaidam gam tau vin ahi. Ahijeh chun Thanggin le Lulun jong Pathen bel jing pum le kisih pum chun adamlai hinkho lhon chu Pathen vahchoi nale Pathen Thusei phong le nan ahinkho lhon chu amang cha jing jeng lhon tan ahi.
Moral chomcha = MIHEM CHU ITO BANGIN PHA MO HENLANG ANA CHONSE LHAH JENG JONG LE KISIH NA DIH TAH ANEI YA PATHEN KOM IBEL TENG PATHENIN ACHE TE CHU NGAIDAM MO ANEI POI.
BEI TA…
Ngeimo tah hijong le asim jouse Pathen in phatthei na boh tao hen
