Home N Lhungdim MILIM LEH MIKILIM SAH HI IPI AKI KHEHNA UM EM?

MILIM LEH MIKILIM SAH HI IPI AKI KHEHNA UM EM?

43
0

Leiset a alimsa tobang hung peng leh mo thit thet. tobang hung peng hi alimsa tobang sang in pilna nei beh seh lou a hung peng hi atam jon ahi.

Asun
N.Lhungdim
Thangting House
Molnom-West

n lhungdim
N-Lhungdim

14th October, 2021.

Anukhah group ho chu keijong kahin ahi.

Kamu danin milim hohi akilim sah pon akilimsah hohi ahetna lhom lim behseh loujoh in kamu in ahi.

Kahinkho ahin mi simjoulou tobang toh kana kimaito in kana ki houlim tan ahi.

Kapen apat lim lou ahivanga hetna holhat mikhat kahi jehin kahetna hohi kathil hettheina Memory aphat jehin kamansah a um behseh pon English ten Photographic Memory
atiu Pathen thilpeh loupi tah kanei jehin Memory phapen hihih jongleng aphaloinei kahi ding in kaki ging chan ahi.

Kami hetlah a kaki naipi kanaopa Rev. Ngulkhongam Lhungdim khu ahi.

Amahi chu lai a ahing nalai ka ucha 4 lah uva a Memory hoipen hinte katin ahi.

A School kaina ahoilou jehin ucha 4 lah a lekha themmo pen dan in um jongleh ama Memory hi keiho ucha 3 in kaphah louhel ujoh ahi.

Mihi khatvei amu a amin adoh a ahileh ahaimil lou tobang ahin khonung a anung mukit leh amin a akou thei jeng ahi.

Pastor apan til lai in hiche phai sahlang LeilonVaiphei kho ho khu ama Gambih ahi in aGambih sunga miho chu abon uva amel uleh amin uh khatvei adoh a aki melchih chu achekit phatleh amin uva akouthei ahi.

Kanaopa ahijeha kaphatsei ahipon kaphah jou lou jeh a kaseiphat ahi.

Aban a Memory hoi a kahet chu
Prof. Gangmumei Kabui chu ahi.

1966 kum June in D.M College a Post Graduate Dept. 2 Night Class akihong in khat chu Mathematics ahin khat History ahi.
Maths Prof. chu Prof. Dr Rajen Singh ahin amachu Lekhathem kidang Exam phat leh Question Paper a abul a Answer any 6 Questions kiti khu abon in a donbut in Evaluate any 6 answer ati e akitin ahi.

History Dept. a Professor chu Gangmumei Kamei ahi in amachuHistory a Gauhati University a M.A 1st class mu Goldmedalist ahi akitin alim le amel jong ivet leh ahoi in lekha athep toh mi kavetnom loitah khat ahi.

1966 June lha in M.A Admission kaga bol in Class kipat in Prof. Gangmumei Kabui ahunglut in Class a mi 40 val chu amin ahin kou in alim ave in ajing in Class ah kamin cheh uvin eikou thei uvin ahi kidang kasah tah khat ahi.

Achunga ithupi uh milim leh akilimsah kiti hi ipi akikhehna um em tihi themkhat kihoulim ding kadei in ahi.

Achunga kasei bangin milim a kithang kahipon ahinla hetna hao lah a min phah theikhat kahi ding kaging chan ahi.

Ajehchu kasei bangin kahetna hohi kamansah umlou tobang ahi kimkhat hi kaki hetmil sah jo

Kaneo lai kho kaha het masanga Loikhai a kachen lai uvin nikhat kanu toh joulei a kakon lhon leh pasal khat hattah in ahung lhai in ipi iti ham kati kanu adoh leh Japan ho ahung e ati in keini jong inlang a kaki nungle lhon in insunga thil phabep khat inkom a leiko kalai naova kasel un ahi.

Chomkhat jou in Japan Sepai khat ka in uva ahung in gaplhang chunglang jal lah ave in ipi ahol la akihe pon ahi.

Kahetkhel khat chu Japan hoh chun ipi to kimat ham tillai a numei nihsan khu amu uleh adei lheh uvin ngong o in akisem uve ti kaja in ahi.

Hiti hochu kakho hetthei masanga kana het ahi in tuni chan in ka Memory ah aum jing nalai in ahi.

Kangaina in min Advice thum hih jongleh miding a pha a kahet chen hohi amahon eidong hihjong leh thumop kana seipih nomji het in keisanga kum lhomjo chapang phabep khat ama ho dinga pha kana hil leh kahil nachu ngailou in ama hojoh in eihin le hil jui na um jui in ahi.

Hiche tobang hi kato tamtah aum in kanung vet leh hiche tobang miho chu ahinkho a misoh kamupon ahi.

Ching henlang them ujongleh kisuhmo nakhat anei uve.

Hinkho uvah alolhing uve tia seiding kamupon ahi.

Tamtah umjong leh kiseijou pontin vetsahna dingin khat sei ute.

Mi atamjon nahet dinguh ahi in Tuibong Haosate chapa Albert Gengoukhup Mate kitipa chu lekhathem brilliant tah miching tah khat ahi kahung kihet panna lhon chu Shillong ah College ana kai in
EIMI STUDENT UNION
kiti khat ah lamkai in ana pang in ahi.

1978 kum chun Jorhat a ka posting lai in Departmental Examination dingin Shillong ah October lha in kaga che in ahi.

Kagolpa P.K. Dev Varman IRS Residence
Upper Lachumiere ah kalhung in ahi.

Jingkah khat
Gengoukhup leh. aloihon eihung holdoh uvin Golf Link a
EIMI STUDENT UNION ho Fresher Meet a pangding in eihung tem un ahi.

Keijong tepna bangin kaloipa Dev Vàrman toh kaga lha lhon in Catholic Father khat jong ahung in kikhopna leh lim kilahna jong kana nei un ahi.

Hiche joukal se chu Gengoukhup toh kaki nung mutolhon tapon ahinla kipa umtahkhat chu 1997 lai a Kuki – Paite 1997 aComnunal tension lai chun
KUKI INPI Churachandpur President in ana pangin katupa Ngamkholun Haokip Secy ana hin Zomi lang hotoh Memorandum Of understanding Agreement MOUA ana nei un ahi.

Akhoh laitah a jalhang mipi
lamkai a ana panchu apha in kipa aum lheh in ahi.

2002 a Pension a kahungdoh jouin khatvei ka in ah ahung kholai leng in Shillong Golf Link a 1978 a lim ikilah hou kahe in
photo khatcha la kamupon kati leh aman akoi group photo 3 tah eihinpe in ahinla da umtah in photo frame kana bollou jehin chomkhat jou in ase tai ka in Library a tahdoh dingin aum thei tapon ahi.

Kasei nompen chu
IAS/ Civil Service Exam kiti hi mijouse bolthei ahipon abol dinga kilom IAS Material mi aum in nanghi lekha themtah nahin na inchen jong phamolou ahin gelkhoh inlang hiche CivilService Exam hi boltei tei in tia kahil leh ama joh in eihin lehil in gam le nam ngailut ding tia Shillong a kaum lai a Thangkhanlal Ngaihte hotoh kana kitep ahi atin nabol nomleh na pension jouleh bol nan nate kati leh
khangthah lai ihat leh iphat lai a igam leh nam dinga toh ding ahi
ati in eidonbut in khohsah tah a kihol a aman joh in eile hil inkada lheh jengin ahi.

Chuche jou in phat chomkhat kahol leh kamu jou tapon chomkhat jouin ka in ahung kitin hoia nache a kaholmo kei ham katileh Geneva a UNPO Meetinga kache ahi atin hoilang sum nakilah a nache ham kati leh ka Honda City Car min ipeh chu kajoh a kache ahi atin ahil
Amaho koma kasei chu min sum natopih ahileh Switzerland mu to goma na che chu hileh
akhohpon na Car najoh a na che chu nabol khel ahitai kanatin ahi.

Hiche jong chu khonung a kajah leh eina lhep ahibou in ahi,

JAT le NAM ngailut chu thil phamo ahipon ahinla amasapen a eimakingailut ding joh ahi.

Abana ihina nomchu eima Background,
Position leh
Status to akitoh lou leh jat le nam ngailut chu eima dinga manna joh ahi.

Hiche adihlou a Student hilai a ana

kitepnao kahin hetchen nachu Gengoukhup thigal ni in kaga che in ahileh Thangkhanlal Ngaihte in abon in ahin seidoh in kahechen sel in ahi.

Pu Albert Gengoukhup Mate chu a Political Career Planning chu avel a um mi phabep khat in Misguide ana boljeh uvin angailou beh khat in ahinkho ana chanlo tan ahi.
Nom le daleh akilimsah mikhat ana hin ahi.

Hinkho hi khat keo keo kinei ahin natoh dinghi phatah a geltoh ding kapen kit phat leh tua kabol khel thah bolkit tange tithei ahipon ahi.

Abang bang leh
itohnom atam behseh in phat le nikho tehi aki itjui in ahi.

Tillai Indira Gandhi Prime Minister phatlai a Foreign Minister anahi Natawar Singh IFS in a Autobiography
ONE LIFE IS NOT ENOUGH
tia asut chu kah lah leh keiman jong katohnom atamjui kahin kho lah khat bou ahi in ahi.

Achunga kasei chu Example dinga kasei ahi.

Hoilai hileh ka posting0 namun adeh a

Jorhat,
Shillong
leh

Dibrugarh a
Student tamtah toh kana kimaitopi in kimkhat chu kana hil leh phatah in ana ngai uvin phabep khat in amaho joh in eihin lehil jui uvin hiche eile hil hochu khonung a kavet leh alolhing hoisel kamu hih in ahi.

Amaho chu akilimsah ahiove ahivang a hetna lhasam ahiovin ahi

Hiche hi kahinkho a kamelchih khat ahijeh a tulai khangthah te koman isang Senior leh Experience hao joho koma hi thumop ngaichat kithum dinga ahi.

Vangphat khat a thumlou a thumop eihin nei uh ahijong leh kilim sah tah a nungle hil lou ding ahi.

Hijeha chu ithupi uvin

AKILIMSAH HOCHU ALIM AHIPOU VIN A HETNA LHOMJEH A KILIMSAH AHIUVE TI HI TUNIA KAHIN SEIDOH NOM PEN AHI.

Thuchih khat in

TRY TO BE RAINBOW IN SOME OWN’S CLOUD.

Achaina a iseinom u chu Hetna lhasam nahileh nang sang a kumtam jo leh hetna lam a Hao heng a nahetnom aum leh kidoh in mi nadih vang lahs sese ding tina ahipon ahi.

Nasang Senior leh Experience nei hon nahil leh nang in nung hil ding go hih in
BAD HABIT/ ahi.

A thu mop nalah nomlou jong leh akhopoi lahda in .

AHILEH NANG ALIM NAHI E AKILIMSAH JOH NAHI EM ?

Articles hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Site nalut a notification pop up hung potji ho allowed anabol ji uvo maban a thusim thah ahung ki post teng notice namu ji diu chule Bell button a subscribe kiti chu meh un.

Previous articleJu kiti hi mi dai chavaiya pang ahi
Next articleCHAVANG KUT HI NAM CHOISANGNA A MAN DING AHI

LEAVE A REPLY

Please enter your comment!
Please enter your name here