Part – 6 (Final Episode)
Writer: S.Lien
Arrange: Naocy Haokip
Neichongin hitin ahin seitai
He-USei..Seidoh khel khel louding kati khat Seidoh tei tei ngai kasa kit, hin seijeng tange.
Lungsetna kiti hi kahet lou ahipon, Nathusim sei kangainom jeh leh, Na Lunggel dihtah kahet nom jeh a kaki ngolsah bou ahi, Nei Lungset tah tah hinante tia kinepna kanei jeh a kahin seidoh ding ahitai,
Koimacha hetlou, Kanu Kapa kisanin ahet doh lou ka chunga hin thu kiselgu khat aumin, Chechu….
Atin seidoh jeng louvin kalengkouva ahung kingamin akap tai…
Kei, Ipi hamo seijengin..
Ahin seijomin… Mikhat chung’ah Kitepna khat kana neiyin ipi kati ding hitam,
Nangvang hinkhen jou ponge atin lhase tah in akap tai,
Kalunggel chu Lei le Van kah a kikhai abang jeng tai,
Ipi bepseu hamo naki tep na chu, Koi chung hamo?
Neichong: Koi madang ahipoi, Nasopi pa, Na Palen chapa Robert khutoh kana kingaiyuvin, damsunga kikhen lou dinga kitem na jong kana neiyu ahin, iti kiseileh lhapkit thei hiding ham, eisei peh o Please ken Nang hinkhen jou ponge atin eikol chah kheh jeng tan ahi.
Chephat chun, Ipi lunggel mong mong aneidem, alunghan leh, ngailheh jong leng kikhenpi jeng ding, katin a Lungthim vet nan
Oh!! Chong, ka U-pa toh nei kinah sah got hichula na,
Nakitep nau chu Ken iti kahin suhboi thei dihamo, Ken, Kahin Lungset jeh-in, imacha thu jong gelmasa louva nakoma ka lungthima um jouse kahin seidoh jeng leh, kiphatlam aumval’e He-UChong nei ngaidamin o
Na chihna tuni hin kamu doh e,
Ika ti diham? Tia neihin doh mong mong chu nal kasa val’e, Neimusit nan jong la ponge, kipa aume tijenging kate, hijongleh ahin donbut nading vang Idea ka neipoi,
Katia ka lengkouva kingai chu ka sot doh a ka hung dindoh leh,
Neichong: He-U… atin ipi hamkhat sei go ham katileh a ka den phat’in
He-U nei dalhah got eng hamo, Neingaidam jou lou jong leh Neikhen hih beh-in o
Kei: Kahin khen ahipoi, Ka-U chu iti kakhen thei diham, insung khat ihi chume, Kaplouvin ei lha jotan, mitlhi pumin kahin dalha nom poi, katileh ka nunglanga konin eikolin achuti ka jeng phat’in keijong kalha ahung se doh in, amulou chun, kane a soi pot pot jeng tan ahi, ahinla ka mitlhi chu kamusah nom poi,
Neichong: He-U asei be dingdan jong kahe pon thu khat hinseiying ting, chechu na pom leh napom lou chu Nangthu hitante,
Neikhen leh, Thingphung bah on noi khat’a nei muding
Nei Saan leh Na indan sunga mailhai sel a ka um neimu ding ahi
Ahinti chu, Alunghang tah tah kihi lechu kideh jouvintin dalhah tei tei di ahi chu kihai lou, aki lunghan sah kihi chu, ka nem jen jung jeng tai ka kiheiyin, mitlhi doh gel gol a kagah vet leh,
Sei kha kisa deu khun ahung ka nui pel pul’in ,
Ama mit lhi kai neonou jong don louvin keiya themkhat bou pot chu a khut nem ngih ngeh a eihin theh peh-in, chephat chun kenjong ama a theh peh ding chu kahin hedoh in, ka Cement khoi na khut khip bet but a chu kagah theh peh leh a king jap jap jengin, iti em na am? Kati leh
Neichong: Nat chu ana pon a peh e
Ahintin ahungnui tit tet’in,
He-U, Kahin jui ding ahe, o ahin ti taget’e
Numei hi mivangse ahiuve ibol gim leh mipha hiuva idep bol leh kichung lap jeng ahiuve atiu chu kahin gel doh in, chebang khut ham thet thut’a amit lhi gah kitheh a bon, ei jui go lei, ka khut nem lai chu hivang leh” Nei po a che tate ati jong kahe hih-e”.
Enjong isei doh noplou vanga lhasoh khah ding ki kicha kei
Asoh soh soh hen katin, Inn la kipuilut ngamlou, D,Phailen a kaloi ho inn khat’ah ka puilut tan ahi.
Ka loipa Nuleh Pa chun eikipapi lot lot uvin, Vohsa aga chouvin Moulop na ahi atiuvin
Buneh kona PaLun (ka loipa pa) in taona a nei jouchet leh Police ho ahunguvin, Eihung man tauvin, Neichong in Ipi dinga na hung mat uham? Atia ei tuhchah kei phat’in, a Sappau SI khat’in, Kidnap case ahe ahinti leh, Neichong in
Kidnap chu ipi kiseina ahi na hetlouvu ham? Kei thu a ka kijam lhon ahi atileh,
SI pan: Keiho thu ahipoi a ipi chu hileh Office lhun ngai ding ahi atin kei chu Gypsy khat ah ei podoh uvin, Neichong jong ahung kal got leh a janom pouvin, ei podoh tauvin ahi.
Police Station ka lhun phat uvin Lockup’ah eikoi tauvin,
Keijong ka lungdon toh kalung ahung hang doh tan gate bul a chun Police ho chu aki hou gu chut chut uvin, amaho jah ah,
Ipi ka bolkhel uma Neimat u hamo ? Kadih louna a umjong leh, ei manpa chutoh Court ah ei puiyuvinlang athudih chu kholdoh tauvango, ka Nungah jampi chu Court in a phal lou ham, kati jeng leh
Police khat ahungin,
Ahin kivoh louleh ipi jeh ham hethem jeng tango,
Ahungti phat’in,
Oo, Ka-U Robert thilbol ahitai ti kahe tan
Neingaidamo Sir, kahethem tai
Kol lah Meilhei lah ho hileh, adih adihlou tilouva, voh atia eivoh diu ahin, Police hijong leuchun, Eimi cheh ihi jeh uva, ka ngeiphe cha jong eibeh peh lou uva lungset tah a neibol jeh uvin Kakipah val’e katin
Seidi aumpoi, Kei ngol jeh a
Mi dinga LOCK-DOWN chu Kei dinga LOCK-UP ahitai katin, Chongboi ngaiyin ka kap tai.
(THE END)
Thusim chu hichan hin akichai tai, abul’a pat achaina gei lunglut tah a simchai jouse chungin kakipah-e.
©️Copyright
Hiche articles hi akichai nachan kasim in nom kasa lheh jeng e tihon anoiya “LIKE” button khu meh u tin comments penom ho jong anoiya khu nan peh thei u ahi lem ahijing in ahi.
Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.
