Part – 5
Writer: S.Lien
Arrange: Naocy Haokip
In lang ka jonin mun danga jong ka bangpa tapoi,
Ka thil to chu vainunga kagel leh ka nui ajan jachat jong um kasan ahi.
Innmai ka lhun leh Kanu han jah jah gin kajan,
Kanu chu complainer khat ahin, ipi thupi tah chu hi ponte katin, insung ka ga lut leh kaginchat dan dan chu ana hi thouvin ahi.
Kanu kasuh molphou na hilouvin ahan nachu hin sei mong mong inge onk.
Akipatna chu, Tunia bazaar a ache leh avon choh got ho, Lockdown lai ahijeh a amujou umlou, che a chu hung kipan a gam le lei ahin ban kop dan ahe,
“Lockdown na tiu jong hi ka ehgop ahi jenge, Corona kicha nahiu leh, jingkah til a khu corona chu thou loulai ham, New Bazaar a mejoh hokhu Na natna seiyu chun akichat ham, dawr ah von chong’e iti leh akikhah ngen chang, ami la Lamlen a dimset kit,
Houin kaiding kisan najada uvin, Mun danga khun la mul het lhong deh deh in naki bom lul lul’uvin, ahin tin,
Kapa chu angoh bangjeng, Kapa chula me thim tet tut’in tin,
Kapa: Phatan te
Houin ki khah hi, aki honlaiya, Houina kimu khalou beh hohin, ana pona kei vehtao o ahin tileh
Kanu: Cheroh o !!
Houina kimu kha lou ho, hinti veh ta o
Iti nei mu dihamo nang Houinn lut khalou beh chu,
Kei Christmas laiya jong kaki khop jia, kumbul langa Haptakhat lang Crusade kimana Pastor Solal thusei a kiman laiya jong nivei tah kache chula
Hin ti nalai
Ka lungthim chun,
Avangpha bon ihi nalaiyuve, idam damuva inehmat ham ham uleh Nangni, mi kaihoi ding bon hiti bepseo hi katin, ka lupna lang kaki jot tai
Ajingin ka natoh na lah Salem veng khosung mi Corona, na hiuvem,…Buhse……. Ih!! Ka seinom khat aumin, seida jeng inge…..jahda ding ahol thei theiyutoh, Lamkai kahi tihokhun hin jadoh leu Midinga Lock-down chu Keidinga Lock-up ahi sangin.
Mi 30 val tah amatdoh jeh uva Containment zone a aphone u jong ahin ladoh tauvin, ka dam nah leh Bu chu kingol man samponte katin lungmonna khat kaneiyin, Mahajon pa ka gah call leh, Tuni chu kichol nalaiyutin, Jing ngal ngal leh kipan’ute atin,
Kalungthimin, “Containmen zone sung chu Chol aumtoh tai” katin
Ole tin kadon but’in, tuni chu Neichong te Inn’ah kiche kit hen katin, sun pung 11:00am lah a ka che phei leh, anaum vanglah-in ahi,
Phone neilou ham kiti chu, MI 7 Pro thahset khat angeiphe toh ana sonbeh tet tut’in,
Kanom hih-e, kei hungpot doh thei ponge, ati laitah a kaga lut leh, eihin mu phat’in
Touvo He-U atin, akihou jom uvin
……………..
Koi hijongleh ipi di natiham???
………………….
Kadongma hihenlang, Ka melma hijongleh ima cha di nati hih-e
…………………
Lockdown lai ahi hi nahet lou? Nang athanom dan dana,
Seidijong nahet loupi chu koi hite onk, atin, acut tai
Kei: Koijong hija Chongboi? Kihou pi tadi tangem na thakhum jengin
Neichong: Cut khum leng akhoh hihbeh-e, anop nop asei hibouva chu, mingol kichih sah ho khu ahibouve,
Bazar langa cheute ati hija kanop lou ahe, He-U ipi dinga jannilhah a chu nahung lou hamo.
Kana nga nga leh nahung louphat’a pung 11 a kana lupsan hita chu, Kahin ngai dan dan chu o, nang chun la hepha pon natin onk? Lungsetna umje neihil doh a a meaning kahet phat a nei ki lepsan got hitam katia jankho a nang gel na a mitlhi puma nei koi hichu o, atin, eihin koi khu, Vohenu!! Ka ulsa lengdoh leu .
Kei: Hiti chu hichume Lungset na umje chu, ken jong kahin ngailou man a hunglou neisah ham,
Nangin Lungset kitia umje nahet masang langpeh akon a keiman kana thoh chimdeh ahitai, Nilhah khat neimu lou jeh a na lungneo a na mitlhi long ahileh, Kei dinmun’ah ding lechun Lonlhia na lonkang ding ahitai, keiman, nang chunga chetobang genthei kathoh na hi kum thum lang ahitai,
Jannilhah a jong kahung ahin, kahung lut pai lou na jeh chu, Na habo jeh uchu hichume Habot nahiu kahet masanga na ogin ubou kajah a chu, Tolthat ngam leuva kalung ana hang man hi bouva chu.
Nc: A ipi chu nakhuti lunghan hita.
Kei: Nangin, Kanom mo tave, naget inte na tia, Aman, Na jongleh, thoh ham hamin ajou leh nom nahin sah nadi ahi, phate chan do o Chongboi ahin tichu katileh, chomkhat ahung ki ngaito keh kuh in, ahin hetdoh phat’in
chepa cha hi, amuhnou cha hi kape lhah di ahe ahin tin, petlha sam louvin…….kicheng tate kahin ngai val val’e, ahin ti chu
Vo karen!! Kivel seileh ka nom hel jenge
Chongboi lungset hinkho hi Henglep Lampia Scorpio a ki che tobang hiding ahi o, apet leh nom intin, iche gotna ilhunding kon leh hahsat na hungtam maithei ahi o, kahlah leh lampi nomtah hungbang ding kah lah leh bonlhoh lah, kahlah leh gomsung tobang song lah thingbong lah kijot ding, kisih nathei, lunglhah na thei hung tamding, che a chu lunglha louva iche che leh, amun ilhun phat leh Ginchat khel’a ana nom ding hibouva chu o, tia ka sei leh,
Nc: Henge Heo iti hahsat henlang lingle khao lah pal di hijongleh Ka masanga na che pou leh, Nanung, lhaso louva kahin jui jing ding ahi,
Inu iPa teuvin, Genthei ithoh masat leh Nungleh Nopsah na ahi atiu hija,
Lungset hinkho pichu, Kipana Masa dinga lailunga gentheina thoh ding, ajo naleh Nopsah na hidi hi chu o na, kenjong Pha kasa joe, Genthei thoh masat di hileh ki kisih pai di hija, na He-U
Atin, nui siu seuvin eihin vet khu…
Mitcheng bei, mit ngat jimjem, ahung nuileh a beng neucha koh nalai, a khabe beh thim bih beh, amuh jetlang a avom (thilha melchih) neocha khat um, a Uiha kehtho asam alengkou noijep pha a vom jil jel nel thi the jeng nalai.
Chehi keiya hijeng pichu kagel leh Vangpha kahung kisan
Kana penlou khah ding chu dipchah aum dan chu, ima jong seilouvin ki lhaidoh vol vol henlang Kanu, Kapa Chibai gakibol henlang, thipbeh in kihung le lhai leh ka lung’ah aume.
A ngol mong mong chu kahi jeng tai…..
Hitia khongai geh guh a chomkhat lunggel nom kana nei kah chun eina ve kih keh-in
Ipi ti nahim He-U, na pao hih beh-in oleh, ka thusei chu dihlou khat hamo ahin ti leh kahung kingdot’in
Kei : Hi louve Chongboi dih val val a leh ahin bonbut dingdan ka gel ahibouve ,
Kalunga um khat hinsei inge o, itopic chutoh kibang jeplou jongleh seimat thei ahi thouvin,
Katin, seijeng ding ka hetlou manchun
Chongboi, “Life is not the bed of Roses,” ti ahie.
Mihem te hi Haosat jeh a kipah ding hileh USA, UK UAE mi hokhun lungdon, lunggim hepouvin tin Eiho hi Kipa na neilouva iki khailih gam diu ahitai,
Ikim bolthei Pathenin Ahou hojong alunggim nadiu agot peh bangin Eiho adin jong kipana ding ei gonpeh thouvin ahi.
Gentheiyin ki vaicha lheh jongleh, iki Lungset a ichan chunga ikipah a Pathen ihet leh, Ahao kipah lou ho sanga Haosa jo kihi ahi jenge.
Phathenin pha eisah peh leh Kumlhun kah a Lungtup molso dinga iki got ding ahi tai, Genthei jongleng iki lungset pouleh koima ka otcha poi,
Ipi lung gel na neiyem?
Katileh, Hiti hin ahin seiye……
End of part-5
To be continue final episode
Nasim chai jeh-in kakipah-e, aban jingle simkhom kit taute……
Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.
