Part – 4
Writer: S.Lien
Arrange: Naocy Haokip
Kapan lupna lang ajot phat’in, Henu lumtaute na katia keijong kaki patdoh leh,
Kanu: Khongai tango, isei ding jong kisei chai loulaiya, Ajouva kasei banga chu, Nungah na hel chu kakipah-in hijongleh a tahsa lenjep ho kihol tang, Neichong loi khu achi lah na dinga neo val jep kasah hichu o
Kei: Talom loma Henu!! Achi-lah na ding tijeng pichu, gancha nabah sah jengin ,
Among monga, kicheng uving ting, Cha kanei phat’uleh Amelin Anu (Neichong) louvin tin alet langin Kei eilou leh Mihoi tah hidi hichume katileh
Kanu: Kahe hih-e, Aneo langin a Nu lou henlang, a Ngolin Nang hin kilo leh, Nal veh ta, ahin tin
Kei: A lungchang khoh-in Nang hin kilo kit nalai leh, kagah tileh
Lunghan ding chula nom jep louvin, A Eh-che nui thim sel sol’in, Lup di ahe atin a room lang uva chun a che lut vut vut jengin ahi,
Ajinkah in, Loudspeaker a, Anchang ki homding ,ala ding hon Mask kibu chehding kiti khat kagah jah leh ka hung khang lot’in 6:00am ana hitan keijong kahung thoudoh tai.
Kei kache di hamo Anchang la a chu katileh,
Kanu: Lahjong ngai kasa hih-e.
Mori’n mi khet’a Kg nga nga’n ana kihom uvin tia, Mi nga tah kihia kg10 pou mi pe loh loh uvin
Kapa: He kateiyo!! Eiho kho a ahom ho neh jong hi khel khel hih veh ta o, che jeh a chu inoh jeng leh koi lhase ding hamo?
Ei man nading bep hichu,
Mori natipa jong chun hepha kit pontin onk
Kanu: Oh!! Chuti chu hamo, keichun la ahom hokhun, aneh uham katia, eiho khote neh ahi sam louleh Gala loiyo Seipu,
Ane ne Alol khah henlang, Corona lingin a gil-piu jouse khot keh hen ahin tileh
Kapa’n : Vo karah, Agimnei tai !! ahin tin eihin ven, Kanu chu ngol salheh hileh kilom khun anui san tet tut’in keijong anchang la ding chun ka che tai.
Kino tah a kache leh ka lhunding konin Mask kapoh lou chu kahe doh-in, ga kilhung pou pou hen katin kagalhun leh,
Mi dan danin social distance chu a na bol vanglah uvin, anung uva kaga din petput leh, Lutpu Paipeh team a PK atipau khun, eihin koh-in, Mask jaolou chu kipe loudi ahe ahin tin,
Kei : Ash!! U Paokam, Police lom lom aumlou leh ipi khoh di hamo? Kahin kihai hita chu o katileh
PK: Avirus chu ima hilou chu o, akilom hichume, ga kilah jengo tulai hi akilom loma ium leh pha hijeng lou hamo, Mask beiya anchang lah chu kilom lou ahi,
Ahin ti phat’in keijong ka pot doh in aki johna dawr nai um jongleh sum ka poh lou jeh in
Cicy Neihsial ati nuu, thusim jih them “LUNGSET NALEN KINEP NA THON” leh “LUNGSET GILDAN HELOU” kiti jihnu, Naocy’n Arrange abol peh nu, Dawr akhun bat’in kagalan kache kit phat’in
Pk: Apha e tulai hi akilom loma um lai hiya, na Dip chu hinchoiyo atin, kaga che leh, kintah-in ei hin peuvin, keijong kahung pot in inn kaga lhun leh, Kanu ,anchang lah louding tinu chu ana kipa lot lot’in, Lamkai ho Damsot uhen ana ti kit taget’in ahi.
Cheni chu ka Natoh na area Containment zone akoi jeh-un natonga che ding chu anom theipon, in’ah kaumin Sun a Lockdown lai ahitoh ina um jeng ding ahi katin Neichong te ina ka gache leh akot’uh ana ki Lockup in ka hung vaikit tai, a Inmai teu nungah chapang cha khat kadoh leh UPaoboi toh ahung kilhon doh’uve ajou jep chun atin,
Kalungthima chun: Oh! Lungset umje kahil doh chu aman thei lheh hitam tipou kagel’in, kalung anom behpon, ipi chu hileh nilhah leh kiche nahen katin kahung pai pai tai.
Nilhah in ka che kit’in Anu leh Apa kholaiya kamu jeh chun ama bou umkit tei nante katin kache leh kot ana kikhah bih beh-in kidang sathima kagah vet phat leh varanda a light in akot’u akhovah seu seo jeh chun akot uchu apolanga kikam ahilou chu gal’a kon chun ka mutan kalung anom dom tan ahi.
Innmai kaphah phat’in Pasal o khat hi kaja tan, chephat chun lut louvin bang sah a konin ipi aseiyu ham ngaidin ka naipheiyin ahileh,
Neichong in Ash!! Ka nom hih-e naget inte,
Ati chu kahin ja tai,
Vet ding kati leh abangu bit val insung langkimu theilou, ka dip in kahaiyin kagah ngai phat leh,
Pasal aw khat’in, Ipi chu na kichat hamo, na jongleh nasot hih veh ta o, nangsang a chapang jo hon bon khoh salouva, apet’in na jongleh ahung nop na ding hi chume.
Ahinti kajah chu Vo Henu, ka ulsa lengdoh leuta, thingkeh khat bang sah a kitung chu kamat a chomlut ding sa a kapan ahitai kati sa doh henhun jeng ka lha jong asen ka thang jong tom lheh-in ahi
Ka ngai kit leh.
Phatah in do o, Chongboi
Hin ti kit nalai, chephat vangchun kachil jong hulthet ta, kalung gel khat hung um chu, Chenu hi keikoma aki-ngolsah vanga hi lhungsang lheh dan ahi tai onk, tipou kagel’in.
Thip beh a dalhah ding ham oleh lenlut a Pasal pa khu vei lih ding ham ti kagel lai tah in
Neichong in Anai ahin ti leh Pasal pan, Wau alhong taiye kicha hih-in kati hilou ham, Tua chu Hana a na pen pen tah louding hichu twiyin nakam chu ga kho theng o ahin tileh,
Neichong in Hepu Paoboi kipa aum val’e tunia Doctor pan bodoh jengding ahe atia ken bopeh nange natia chu kahin sonbeh lou hija ahin tin chu…
Vo Karah, Habot ahiu kahin het doh khu, ka thingkeh choi chu olchan akitun na mama a chun ka tung kit’in, kunjih achun ka Tuike nui vel vul in, insunga lut ding jong kajah acha tan aguh chan ka hung ki nungle kit tai.
Part-4 hichan hi ahitai….
Nasim chai jeh-in kakipah-e, aban jingle simkhom kit taute……..
Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.
