Part – 2
Writer: S.Lien
Arrange: Naocy Haokip
Recap…….
Min akingai ahe eiti jongleh ikingai lou pouleh ipi khoh ding ham na,
Kaki muda pouve tipeh ji o
Ahintin….
Kalunga umpen gah seidoh jeng ding chu, ahah sa lheh-in
Ehem….ehem.. Tia kaki khut-sah thot thot leh
Neichong: Ipi hamo Ehem..ehem?? Corona vei khat tou nahim leh eihin tin
Kei: Corona vei hilouvin Nangvei kahi hija hi.
Nc: Kateiyo tijat sah a, ipi ti neivei hamo, hinsei tango
Ahin tin kenjong, golden chance katin kahin sei doh tai
Kei: Kum phabep masanga kon chun kakamin totnan kahin kidaipi ji in hijongleh Ka Lungsunga hin Lungsetna seidoh ngamlouvin kahinjui jing tan ahi, seidoh louvin koi koi jongleng amachama hung pot doh di ahilou jeh a ka hin seidoh jeng ahibouve, tin gah sei phot’in ama eihin donbut ding chu ka ngah in ahi
Nc: Oo chuti na?? Kipa aumval e He-U Sei..
ahin tileh, ka lungthima chun, Chuti bou hihta, ka ginchat khel’in athunom toh bouve…
Ahin seijomin..
Kei pi hi ima kahilou vanga Mi lungsetna hi kaha don dan chu o, Kanu Kapa chu seilouva het ahin Nanghon jong hitia hi nei lungset uleh, Kakipah-e ti kalval a lethuh nading jong kineilou, kaki sonlel ji dan hi, ahin ti taget’e
Kei: Ash!! Kei seidan chu hiti chu hilou chu o Chong, ken Jidinga kahindei hichume
Nc: Oh!! Jiding neiti ahileh kei lhing jou ponge
Kei: Lhingjou ponge tichu, kahe them mo tave khat khel kideila hilouva, khat chu nalhin nah lou ding hamo
Nc: Ka lhingpoi tichu anumber a chu ka lhin nah nah a chih na thepna felna neilou, keipen tah katina bou hichu
Kei: Qualification ngailou kei ji di chu ken kadei chu alhing ahijenge Houbung Upa ding kihol banga, Ahaojep, Gari nei khel khel, Lo-nei tiho umlou, ahe kati leh,
ahung nui tit tet’in, Tot vang nabol thei lheh-e na? hiti kit veh ta o
Kei, Tunilhah a hi, Kahin lungset na nei sanpeh lou leh kache lou di ahe,
Nc: Kahe themmo e USei Lungsetna sanpeh ding tichu, ka gel le jong ka-ngol doh leuvin, Crusade a Pengthah mo ho kabang jenge ahin tin
Kei: Thukhat hindong inge o? Kingaipi na neikhah mong mong em?
Nc, Pasal toh em?
Kei: Kingol sah hih-o, Hidehta Pasal
Nc: Oo, Pasal chu kaki ha ngaipi lou chu o, Nangleh UThangneo hitoh ikingai jep uva,
Ahinti tai
Chenu hi kagel gel leh Lungset na kiti hi helou lai hidin ka mong mo tan ahi, kati na jeh chu, aloi ho khat Lamshi chu kadoh leh, “Kingaipi anei lam kahe hih-e ati chutoh kitoh kahin sa’n achuti leh ol ol a hetsah joh din pha kahin satai,”
Keima: Ahipoi, Chong, kingai chu mijouse kingai mo ahipoi, Kilungset kiti khat um chom ahibouve,
Nc: Hinte bah kati chu o USei, Gollhang khat khat’in Kahin lungset’e eiti jiu leh, kalungdong kei, Kahin ngaiye eitiu hile chu alo naje khat uma, mi chu ingai ingailou um mama thou hija Lungset akiti phat leh ken Gollhang ho kalungset thei mong mong lou, ken mi ka Lungset chu Chatmo, Khomutheilou, Tehse tiho bou khu kalungset’a
Eh!! Chehi tuni lhah a hetthem sah jeng thei hiponte, apha e lhaso loubeh di ahi Virgin ati tiu chu chehi ba hinte katin, thuchomin a lunglam lamin kahou pi intin, ol ol a kingai sah cheh cheh a ahin hetthem phatleh kichenpi thei hinte katin.
Athanop na lang langin
kahoupi in abang leh kadaiyin mi kilungset ho thusim Romeo and Juliet, Irene leh Mellory thusim ho kasei peh leh angainom lheh-in, Jansot phat’in che kagot leh, Ash seichai ngal tangem atin,
Jankhat a seichai thei ahipoi saotah ahin nilhah kit leh aban, hiti chu hapta khat lang isei ngai ding ahi kati phat’in, akipah lheh jengin nilhah kit chu ,Kangahlel tave, jingnilhah leh nahungvah jep ding ahi o
Irene leh Melory te thusim chu ka lungse val’e, ahiti tai
Mangpha kaki thot uvin Jingnilhah a kimu kit dingin ka hung ki khen tauvin ahi
Ka lupna chunga chun kalung kagel’in, Tulaimi chetobang Nungah jong a umthei chu kidang kasan, ei deilou mana aki hetmosah ham kati kom jong aumin ahi,
Ipi chu hileh ahelou dana chu koiya ol ola jol ding chu ka kinepna ahitan jan asot phat’in ka ihmu tai,
Jingkah in katho masangin Kanaonu Jenifer chapang cha a pasal nei khat ahung noh jam ham ahung vahlut’in, Kanuleh kapa chu athou tauvin, keijong ka thoudoh in ahileh a insung thu u anasei joh joh chu kagah toh khan
Jenifer: Katehpi nu khoh val val, eihouna kalunghanga kahung jam hichu atin,
Kei: Ipi ti nahin hou hamo katileh
Kapa’n Na Nu (na tehpi) Sei chu thudih hichume, School kaiya Napa neote ina Shillonga na um jing leh ima jong hin kihil manlou, nahung doh e iti leh na jamdoh toh kitoh chet’a
Jenifer: Bujong hontheilou, anchang jong sep theilou ipi bol dinga pasal na neiham Na Nu naPan jong nahin hil louvu ham ei tia ahin tileh
Mi ina cheng chu Bujong honding Anchang jong sep ding bol di jouse bol ngai ahe mimou chun, I pasal sanga Inu Ipa, Isopi ho lunghol ding tiho jong hin kihil manlouva, Che kit’in, atileh,
Kanun ahungkou louvuleh chuti tah ta ati laitah-in a Nu leh a Pau chu car khat’ah ahung lhai lut uvin ahungkouvun, Kapan, Namou nuu hi imacha helou ngolthet nalai ahin na sin themuleh navangphat u ahijenge Lulun Pa, Na dot bol loudiu jep angai jong leh aphat nadinga chu najep jeng diu ahi, Nangho a ahitan naki sinthem maidiu ahitai atipeh-in kasol kit tauvin ahi.
Anilhah in kakisil thengset’in ka hung kivon leh kei sap sap dingin Smart thim chu hiding kahin kahung pot doh leh Kanu leh Kapa’n eihin ve lhonin, Nungah hel dinga chu ei ginmo thouvu hivehta, aki hou gu sul sul lhonin a nui tet tut lhonin ahi
Neichong te ina chu kaga lut leh aNu anaumin Henu Neichong la em? Katileh, Ana touvo mi inn a kasol ahi, janni lhah a chu ipi nasei peh ham, athanop dan dan chu nahung kal angahlel kei ahe hung umsot hihbeh veh ta, atijou chet leh ahunglhun akitoh ngal jengin eihin mu mu chun Wau, Kipa aumval’e nahung vah chu atin anom chom lheh in, Anu chun ana tou uvo na Sei kei NapaKam te ina gache inge atin apot tai,
Apot pot chun Neichong in, USei Nathusim sei chu nilhum keija kalunga um hichu o, ka Lungset dan dan chu Anungah leh gollhang teni chu,
Atileh, Amani chu kikhen paiju hitamo, kahet nom ahe,
Kei: Ahile ipi jeh a Ama ni, Iryne leh Mellory chu ki chuti ngai lhon ahidem? Hinsei temo,
Nc: Akilungset jeh-uh hilou ding ham na
Kei: Achuti leh, Iryn chu Nang danin gah kigel te, Melory chu Amitduh a elbai la ahipon ipi jeh pentah a alungset ahidem? Kati leh akingaito keh kuh in.
Nc: ..iih..i… angaijeh hichula,
Kei: Aleh Kei nei ngaiyem leh?
Nc: Kahin ngai ngei hih diham, kahin ngaiya iki vop ji hichula
Kei: Achuti leh Nei Lungset em leh,,
Nc: Ash!! Thusim nasei ban chu seiloiyo, kangah lel’e
Kei: Seiyinge leh, Iryn chun Melory chu akhen jou mong mong poi, aNu leh Pan aha kham laisen angai cheh cheh jengin, Hiche jan chu Lhavah jong ahoisel’in, window akon chun Mellory te inlang chu ave ve jeng tan ahi,
A kinuh hup hup gin chu a Nun ahin jah hidi ahin, a chanu room a aga lut leh, Iryne in Mellory lim chu ana ven a mitlhi twiyin alim jong achap mol hel chu aga mutai, che phat chun a Nun jong seiding helouvin, adalha kit tai..
A jing chu Captain Cox (Britian Navy) toh aki chen ding nikhou ahitah jeh-in, Mellory jong ihmu theilouvin lhavah noiya chun avah le le in, Lhavah chun Twikhanglen chung chu ahin sal emsil sel’in ahileh, gamlha tah a Ngaman mi ho kong jong chu aki galmu theiyin ahi.
Iryn chu mitthi theh jou ding jong hitalouvin a chuti kaa tai
A room akona chun ahung doh in inmaiya chun adingin Lhavah noiya chun,
O ka ngai Mellory, nei hung puiyo, Nangngai lonlhi a longkang ding kahitai tin akap den tai.
Mellory jong aki ngaito leh, Leiset’a kangaipen Iryn in Jing nikho leh ei dalhah (ji einei san) ding ahitai, Aw Thina gu na thanei na chu kei chungah hinso maitan atin, lhavah noiya chun avah le le in ahileh, Iryn te Inn lhang alhun phat’in ahung pil doh lot’in,
Iryn Kinepna ding beija inmaiya ding chun Lampi a Pasal khat ding amu phat’in, jankhang laiya che a um hi koi bepseu ham tia agah vet leh, Melloryn jong Iryn te inmaija Numei khat chu ahin mu chet’in kidang satah a avet leh Iryn in Mellory mel’in ahin mun, aga naisuh jep in, Koi nahim?? Ka Lungset pen Mellory chula na bangin, Ka ngai Mellory lhagao nahi hamo, nahileh neihung puiyo atin akap tan ahileh,
Nang hin Lungset Mellory kahi Lhagao kahipoi ahin ti phat’in Iryn chu a lhaisuh in Mellory chu akol chah kheh in seiding jong he louvin a lhase tah in akap tan ahi
Mellory chun ipi ham khat sei go hileh kilomin agah vet leh, Twikhanglen akona Solang huijin, Lampi chunga Sidar thing ahin mut ling dil del vang kah a lhavah in Iryn benga mitlhi long chut chut ahin sal khah chu agah muleh ama jong amoh kaa jeng tan ima asei tapoi, che pet tah chun Iryn Nun achanu ahin kou voh voh ajah phat’in Melloryn Iryn Muh chu a chop in ada lha tai
Tichu kagah sei leh Neichong chu akinuh dup dup gin kajan,
Ipi hamo Chongboi, Na lungset hamo kagah ti leh, Umm jong tithei louvin mitlhi kaineo nouvin, Huumm ahin tin ahi.
Part-2 hichan hin chaitaute.
Nasim chai jeh-in kakipah-e, aban jingle simkhom kit taute…….
Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.
