Mahatma Gandhi- Father of the Nation min kiputsah.
RURAL DEVELOPMENT NADING NATOH SANG A SMART CITY SEM JOH KHOHJO AHITADEM ?
Asun:
N.Lhungdim
Thangting House
Molnom- West
Date- 10/07/2020
Mahatma Gandhi National Rural Employment Guarantee Act kiti hi Congress makai na UPA Govt. 2003- 2013 ki kah kum 10 vai ana hom naova ana tohdoh uh lah a thil hoipen leh phapen khat ahi.
Hiche hi amasapen in 1991 kum in P.V Narasimha Rao in ana proposed in ol ol in
Parliament of India in ahin phasah in India sunga district 652 ah implementation ana kipan in hiche pilot experience a kon in chun 1st April 2008 in India sunga district jouse ana kihop in ahi.
Hiche Act hi August 25th 2005 a ana ki pass hijongleh September 7th 2006 in official notification ana kibol in 2nd February 2006 in Prime Minister Dr. Manmohan Singh in launched ana bol pan in atah tah a chu 1st phase a district 200 a notified ana kibol in aban ah 1st April 2008 in district 130 ah extent akibol in 2007-2008 kum in district 113 ah akibol in UP ah May 15th 2007 in District 17 ah notify akibol in adang district jouse chu April 1st 2008 a notified kibol a district
kimkhat khopi miho 100% chenna [urban population] ho tailou
India pumpi a cover ana kibol ahi. Hiche hi Ministry of Rural Development Govt. of India in implementation kibol jouse hi monitor kibol ahi.
Mission Statement chu hitin akisun in ahi.
“It aims to enhance
Livelihood Security in Rural Areas by providing atleast 100 days of *wage employment in a financial year to every household whose adult member volunteer to do unskilled manual work.”
Milham ho het thei ding in Kum Khat a alhompen a ni 100 neh kihol na leh village area a in tin a pilhing member ama nopna natong [volunteer] hon khut a
natoh [manual unskilled work ] peh ding tina ahi.
Hiche dan hi Govt. in
“ The largest and most ambitious social security and public welfare programme a anei ahin. World Bank in 2014 kum a World Development Report ah stellar example of rural development” ahi atin ahi.
2013 chan UPA Govt. vaipoh lai chun hiche MGNREGA noi ah budget allocation jong ana hoi in akah lah a mun phabep khat a haosa ho leh official hon inchen louchen sem nan ana neita jong leh alhangpi in gamsung leh khosung ah na tamtah ana kitongdoh in mit a mu thei in kho le veng gamsung a machalna anei e ti mijousen amu a ahet ahi. Kkotam tah in hiche Job card natoh jeh in akho a FACELIFT
ahung hin ahi.
Mizoram Govt hi Christian State ti lheh in Job Card hi bogus Nil ahi akitin.Manipur a vang ijaham khat vang hi Ghost card holder um lou in um ponte. Manipur is famouse for Manipulation .
Assam a bogus Card holder lakh 7 aum e ti Newspaper ah tujing kah in akimun ahi.
Ahin 2014 kuma BJP lamkai na a NDA Govt. in vai ahin hom a kipat in hiche Act noi a natoh hi machal lam hilou in nungchal lam joh ana jot tan ahi. BJP lamkaina NDA Govt. Prime Minister Narendra Modi thunei na leh thaneina noi ah Congress ho thilbol jouse taimo naleh pampai ding gotna lungput ahin nei uvin ahi.
Hiche MGNREGA jong hi taimo leh seiset ana nei kit uvin 2015 kum in Prime Minister Narendra Modi in Indian Parliament Floor ah hiche jobcard hi digging holes bep ahi ana tin ahi. Digging holes kiti hi ipi tina mong ham tia ivet leh to get yourself into a difficult situation. Eiho pao a Eima leh eima hahsatna a kiheilut tina) tobang ahi.
MGNREGA jong hi Living Monument of Failure tin taimo tah in ana sei in hiti ho jeh hin
kumseh in budget allotment jong alhomsuh alhomsuh in 2020 leh 2021 a budget allotment jong 2019-2020 a sang in ana kisunem in ahi.
Ahinla phat ahung kikhel in 2020 kum in koima kigin na lou beh Corona Virus ahung um
leh NDA Govt. in U-Turn tichu kol hon PICHHE MUR ahin bol uvin kasempha kasem hoi e ativang uvin ahiding bang ahi naipon ahi.
Hiche hi adihtah a chu World’s Largest Social Welfare Programme ahi in hiche vahi beneficiary [aphatchompi] hi mi 120 million um ahi.
NDA ho vaihom hoilou jeh in India ahi tu tu a UNEMPLOYMENT
hi achesa kum 45 sung a ding ahi asangpen [highest ] ahitan ahi.
Hiche keo hilou in Corona Virus pandemic jehin Indian economic
destruction in ahin lo khum MGNREGA hi kihuh hing nathei thil phatah ahidan ahung kilangdoh cheh cheh in ahi.
2019-2020 financial year kum in MGREGA sum jah ding jouse January lha in 95% ana kijang jou in Ministry of Rural Development in .
Rs.20,000 crore athum be leh Rs.5000 crore bou ana kipe in ahi.
Amin a kum khat a a alhompen a ni 100 tohding tia MGNREG Act in asei vangin NDA Govt. noi ah ni 45 leh 50 val kum khatcha akitong khapon ahi. Kajahdan in ningkum chun ni 37 bou akitong e tin job card lamkaiho a kon in kaja in ahi.
NDA Govt. in U-Turn kabol e tia nikhat a natoh man Rs.20 kal sah uve ati vang uvin India sung a State leh Union territory 31 ho minimum wage nikhat toh ho sang in alhom jo nalai in ahi.
Tulai in ka honsung a mi na katohsah numei hon alhom pen in Rs. 300/- angeh uvin pasal hon alhompn in Rs. 400/- angeh uvin ahi. Govt. in inson cheh a sum mu ding Rs2000 in kakal sah e tia asei ujong hi kumkhat a ni 100 akitong e ti dan a asei uh ahi. Atah tah a chu kum khat a ni 50 val nakitong khalou ahi.
Finance Minister Nirmala Sitarama in NREGA noi ah Rs. 40,000/- crore akipeh be e ati jong chu adihtah a chu
Rs. Rs.11,500 crore chu masang a due ho peh na ahin aval se ahi. Rs 300/- crore or 3 billion person days of work hung umdoh ding ahi atiujong hi tukum 2020 April-May lha chun 2019 a akeh khat sang in alhom nalai in ahi.
Tutu in nikho tha hi Rs.209 ahitai aki ti in ahinla mikhat in ni khat na atoh nilhum kei a atoh a a in kouva aneh diu vohsa kg khat Rs. 300/- man achoh joulou chu da umtah ahi.
2019 kum a Expert Committee hon asei
dungjui in nikho tha hi Rs 375 a revise ding ahi atin ahi.
BJP lamkai na India Govt. in agel khoh ding uchu
- Natong jouse ni 100 lhing kei a amu sah ding hiche hi adeh a Corona Virus pandemic jeh a thil khohpen ahipen in ahi.Chuti leh intin a sum hunglut Source of Income hi hung tam leh milham ho inchen khosah hi hung phachom ding ahi.
- Nikhotha hi Expert Committee ho sei dungjui a Rs. 375 a revised abol diuvin angai in ahi.
- Natoh man hi agei pen a ni 15 sunga apehdoh tei ding uh angai in ahi ajehchu tulai in March 25th 2020 a kipat a National Lockdown jehin sum mu na tamjo akikhah in milham ho sum muna alhom cheh cheh tan ahi.
- Unemployment allowance 15 days hi extend abol ding uvin aphan ahi.
Kidang tah in India sung ah West Bengal a Trinamool Congress in MGNREGA aphatchom na hi ahe pen in achesa kum 3 sung chu West Bengal in Best Implementation of the Programme Award amu in 2011 a kipat 2019 Trinamool Congress vaihom sung in MGNREGA a expenditure hi 200% in
akal tou in annual generation of person days 150 million a kipat in 330 million in akal tou in ahi.
April 2020 in India sung a top 3 state in terms of persons of day work ah ahung umpha in ahi.
Min kiputsah kiti hi kijana a kipu ahi.Inu i pa ten ipi ipu chu jana apeh jeh uva Kuki ten ipi leh ipu min kipu ahi.
UPA Govt. in Father of the Nation Mahatma Gandhi jana a hiche India sung a labour law and social security measure hiMahatma Gandhi min aputsah uh hi kilom tah leh hoitah ahi.
Ahinla vangset um leh da um tah chu
Mahatma Gandhi that pa Nathuram Godse jong BJP ngailudeh set hon MARTYR ahi ati nom taovin ahi.
Hiche MGNREGA hi manchah a tulai a Corona Virus jeh a mi tamtah in atohmun a natong theitalou a aum hi Govt in phatah leh hoitah in implement bolding go leh hiche
Act hin nasatah a ahin suh jangkhaiya ahinkithopi thei ahunghiding ahi.Gamchom munchom a Sum lo a che jong hung lhomsuh theiding ahi.
Mahatma Gandhi in ipi asei em?
Poverty is the worst form of violence ana tin ahi.”
Adih tah a chu India sung a hesoh genthei na thisan naisan sona [violence ] tamtah hi abul hi vaichat jeh ahi kiti leh kisei khel ponte.
