Home Lahkhom Naocy Haokip MEL MULOU LANU-III

MEL MULOU LANU-III

190
1
MEL MULOU LANU
MEL MULOU LANU

(The Ghost Angel)

Writer: S.Lien

Arrange By:- Naocy Haokip

(Episode – Three)

Khopi lailunga chun Buckingham Palace sanga jong thupi joding in vah pempum khat chu Cin.in eikomu in Chekhu keiho in ahi ati phat’in, Wau kamunom val’e katin ka kikou doh leuvin ahi

Ka ga lhunu leh, Gamkhat Haosapu in tideo ngei chu athupi lheh jengin a inu chubang thupi chu fencing aumpon Pacha pah hoitah tah hochu fenching ahijengin miphalou umlou ding ahi chu ahet theiyin compound chu carpet grass tobang hampa nem thipthep akipha in, pacha leh thingphung kamu khah lou hoi tah tah in adimin, anop dan dan chu aseije jong kahepoi,

In kotbul chu sana a kijem ahin a val seosou jengin, lutna ngamsan jong ahipoi, Cin.in kakhut’in eikaiyin, kotbul’a eina welcome uvin amel hoi thei lheh jengun, kalungthim chun ,”Oh Cindarella bou hi ahoi hidiham katileh, adangho jong ahoithei nauve” katin, vet nom nom aumuvin,, eina chibai sao saovuleh Chieft Guest ka bang jengin ka nervous hel jenge, insung kaga lut uleh chubanga nom kisa chu banga Satan lim lentah khat ana kitah kamu phat’in, ka umnom pon kapot kit’in varanda a ka din leh Cin.(Cinderrella) in kakhut lha louvin eituh peh jingin apa kom’ah, Hepa William hin Satan lim khu amu phat’a umnomlou ahi.ati phat’in, Apa chu hung lunghanginte katin kadip aphu tut tut jengin, Lunghan malah-in chubang mi thupi Haosa len chu aki letsah hihbeh-in, Kisonlel melpu tah in awnem heuvin, Oh!! Boi, nommo sa hih-in, Leiset mihon Pakai Jesu nahou banguva khu Keiho Noimi hon jong Satan hi pathena kanei jengu ahi, Nangho Pathen khu a thupi pen ahibouve, Lei leh van leh twikhanglen noi lang chana Thuneipa ahi, keihon jong ka houlou vanguva ka kichat penu ahi ati phat’in kalung ahung mong dom tan ahi.

Anu jong a pha lheh-in, mailhai sel’in ei houpi in a, a sopi houvin jong ei bolpha lheh-uve.

Noimi gamchu nom nasah hinam ei tiuvin,

Henge kiti leh, Chengdenin eiti diu chu kagel leh ka nom pon Cin ka ngailheh-in agam nom salheh jongleng, Mitah ahilouvu chu ka lungthim khat’in ka haipon, ka lung mong theipon ahi.

Umm anomnai, hijongleh KaNu le kaPa leh Ka Sopinu ka ngaiye amahon jong eihol tauvinte, kati phat’in, Apan hingut chu o, atin, Bang chu remote dandeu khat’a agah kho leh TV ahung kisoh in, chanel ho chu a hol suh suh uvin, a chanel hou chu, Pacific TV, Atlantic, Barmuda, China Sea tiho pou kamun, ahol suh suh-uleh BBC kiti khat kagah mujot in anoi jep ah London kiti khat ahung pot’in agah OK uleh, Eiho TV sanga ahoijoh na chu gam chu inop nop na live a vet theidin a tol lele theiyin, Chephat chun Cin.in remote chu agah lan Stainfort Beach a gah type in a OK leh Twi khanglen pam hoa chun jan noija mi tamtah lamp kidet a vah sao sao ahung kimu tan ahi, milah a chun Kanu leh Kanaovin Kap kom a eikou kouvu chu ahung kilang tan, che chu amu phat chun, Apan, Cin kintah-in ga thah doh-in mi nasu lunggim val’e ati toh remote neucha khat peh ahin tho in Cin.in a lan, Varanda bang jon achu agah meh leh bang chu ahung kihongin Car naltah khat, Toyota Fortuner toh kilou thim khat ahung lhaidoh ngal in ahi. Chephat chun Anu le Pa chun Boi Na inkote a lungdong tauvin che unlang phat ong nanei phat leh hung jiji ta o atiuvin Henge Henu, Hepa katin Car sung ah ei hung thahlut uvin a ginjong umlouin Cin chun atol in eujel in Beach lam chu kahin del tauvin ahi. chomlou kahh-in Beach chu kalhung tauvin, ka lhun phat’un Syringe khat ahin ladoh kit’in ka che kon’uva eikapna vaccine tobangama chun kaban lang khat ahin kap leh Twilen pama chun kading tauvin, ei lhalel tah-in kakhut atuh-in imajong seilouvin, veikhat kabeng a hin chop’in bye atin, ache in kavet jui leh Ngapi (Whale) chung khat a atouvin twipi sunga chun a lhummang tauvin ahi.

Chephat chun thomhao tah a inlam jona kahung leh, Gollhang eihol ho Manipur India Gama ka inkouva kache laiyuva, Kuki hon KKL atihou dandeuva mi phachom ngai loikhat’in eihin mu’uvin eihin del pheiyun ka inlamjonin eipui tauvin ahi. phone’ah kamutauve tithu eihol ho mun chom choma cheho a seipeh uvin Ka in maiyuva mi tamtah khosung nulepa ho ana umun ahinga mukit dinga eina ginchat louvu chu hiding ahin, insunga kagin athong jeju jengin ahi,

Ka ga lut leh Kanao, Kanu, Ka Aunty hon eina kol’un akap’un kenjong seiding kahetlou jeh-in ka moh ka jeng tai.

Akap ho jong ahungbi phat’u chun Saint John Cathedral a Houbung lamkai len hon Taona eineipeh-uvin, che jou chun, thudoh ei neiyuvin, ka thilto chu sei kagot leh kalung amo-in seijom theidin ka hemat thei tapoi, che phat chun, aki veto chetchut uvin a dihlou khat vang aume, atiuvin Pastor Min he tah thilha boh-in amat hojong nodoh ji khat, Rev.Steward kitipa chu a phone in akouvun, ahung lhun kah chun kicha thim gehguh-in eiveuvin, Kanu leh Ka Aunty in kakhut kakeng leh ka luchang thao namtui einu peh uvin che pet tah chu Pastor pa jong ahunglhung tai.

Lhonglaiya eitousah in, Bible chang (Mark 1:24-26) Pakai Jesu Leiset’a alenlaiya Thilhaboh a nodoh thu chu asimin, ka luchung’ah akhut angamin Taona einei peh in, Amen ati jouvin, Kipamel putah in ei chibaiyin, Asung’ah Lhagao phalou aumpoi, Praise the Lord ahin tin mipi ho chun Amen! Amen! atiuvin ahi.

Pastor pan ahin sei jomin Mutheilou (Ghost) jouse jonghi a phalou ahideh pouve, Pathen kicha tah tah jong aum thou uvin, tua i-chapao jonghi a puimang vanguva kisih a ahung nungthah kit’u ahi,
“Nahung pui doh chu Numei hamo?” Boi tin eihin dongin “Henge” tin ka donbut in hethem kasa lheh in ahi,
Pastor pachun alu ahin sudot’in a khutchal ahin tungin,
Hitin bol’ute, William hi kintah a ji neisah ngai di ahi, ahin ti leh ka kingdot jengin ahi.

Kanu’n Henge, Lynda thijou jouva program gon chu hithei jep kasah lou jeh-uva kana khongaiyu ahin, Ka-Upa Johnson (kapa teo ucha) chanu Iryn khu toh gop dinga ka kiguh houchaiyu ahitai atileh mipi um hochun akhut abeng sao saovun, Kapa’n OK atin a lu asu joh joh-in ahi.

Waiting for next episode part-4

NOTE:
Lunglut tah a simchai jouse chungin kakipah-e! Aban jingle simkhom kit taute.

Thusim hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Site nalut a notification pop up hung potji ho allowed anabol ji uvo maban a thusim thah ahung ki post teng notice namu ji diu chule Bell button a subscribe kiti chu meh un.

Previous articleCHONDAN KHANKHO
Next articleTRIBAL CHRISTIAN HO DING IN DEI A UM NA DEM ?

1 COMMENT

LEAVE A REPLY

Please enter your comment!
Please enter your name here