Home Lahkhom MEET ME IN DREAMLAND-VI

MEET ME IN DREAMLAND-VI

57
0
meet me dream
meet me dream

(Love Story)

Writer: S.Lien.
Arranged by: Naocy Haokip

A thusei toh kei thilmu, leh kamang chutoh, thakhat/akibah phat’in, kati mul ahung thou sul sul jengin, lunggel khat kahin neitai.

Ka lunggel chu ama koma seidoh ding nom kasah lou jeh-in, Boina khat neiyin kaki lep’in phat chom khat’a din Mangpha ka kithot phot tauvin ahi.

Ajing jingkah-in Ka Pulen chu a inn langa chedin Timaimukh road a lhai ho, parking Laitui Pharmacy mai chan Gari neovin kaga thah-in, kapu thusei chu ka ngainom manin, Hepu hoilai mun toh kinai hamo parking chu? ka gah ti leh hiti hin ahin sei kit tai,

Kate kate, gam hi na hetlou beh ran ahe onk jani langa Daitui pharmacy a lou iga chohna maiya Timaimuk doad a lhaiho palking khu ahin tin, amulou kah chun ka me tet tut’in ka ga lhun lhon leh agari tou nading hung kido nailou, chephat chun, kapu in, “Gamin atha gamu hija tuchana, a tame jong lhing ta hime, aronthiuva ahi, hung o Boi a ngah nan cha garon hite,” ahinti leh ahung lhung chet uvin, a hadiman pan gari chu ahin tol’in, ahin mu phat’in,

Vo karah!! A daibol pa jaolou vin, Che hil lou, ahanriman jui pa khun hintol kit veh ta o, bahara man jong kapeh tah leh in-gap inge, aronthia ahi” ahin ti leh akoma um jouse chu anuiyu vin
keijong chu jachat toh nuijat kop’in ka ehche nui tet tut’in kahung kile tai.

Hoiya umin, ipi bol jongleng Nunthar thu sei chun ka lungthim asu nommo lheh-in ahi,
Kah lah leh aphalang hinte kati jo in kah lah leh thilpha hidin ka tahsan thei kit poi

Ase langa kagel phat leh,
Keini hi ka kichen lhonpou pouleh, thina ka tolhon din ka koiyin
Apha langa kagel phatleh, Noma hinkho mangkhom dinga kagel kom jong aum kit’in kaboi lha jeng tai,

Ipi piham ka gel khomji vangin,
Ka kilungset na lhon naichakhat ahi vangin ka lungthim sunggil jouse ana lodim tah jeh chun, ipi hamkhat, manglam tobang thu jeh a, kisuh lunggim a thiding kichat jeh a kikhen jeng ding chu kagelgel leh kanom thei him him ta pon ahi.

Hiche thu chu unthar het sah lou chu phadin kagel’in phone a kaki hou lhon jongleh a lung nop nop nading kasei ji’n ama jong akipah-in munkhat’a um kihi hih jong leh, lungthim munkhat’a umkhomin, hitia chu hapta thum ham ka um jou uvin December lha jong akichai kon ahitai, Inlanga Christmas manga kache ding thu, kasei leh, eiphal tapon ahi, Ka inkote chun la Chistmass von di ei gal thot utoh, Meithal (toy gun) eithot utoh kache kal ngahlel ngen, Kei chula ka lungthim , Inlang sanga Saikot lang ngen’a umta, hiti hin kalung gel ahung um in… Inn langa ka che louleh, ka inkoten kidang eisah diu, chukit leh Insung kima Pakai penni kho mangkhom thei dinga damna kineiya, gamang hih leng aphat kikhel ding, eipe’ah Pa Pathen injong, ei kipapi lou hel ding, Saikot langa chu anikho tep umlou, Chrismas jou jou leh kiche kit jongleh Nunthar chu Nunhlui ana hideh lou ding tiho ka gel leh che ding joh chu pha kasa tan, Nunthar jah a hiti hin ka gah sei tai.

Kangaipen Nunthar, Chrismas jouva kimuto kal ngahlel leh galdot jing pumin phat chomcha sunga din, Chibai leh Mangphha

Insung programme khoh tah khat, Christmas man to goma, man dinga aum jeh-in, hin ngaiyin hin lhalel lheh jongleng phat chomcha kahin dalhah ngai ding ahi jeh-in, lung thomhao louvin eina ngah inlang, New year jou date 4 Monday 2018. nileh kahung kit ding ahi.

Thu tam sei louvin hichan bou chu kagah thot’in, chomkhat ka nga leh.

Chrismas kah a veikhat, hoilai ham khat’a kimuto ding kasei chu, nanop lou jeh a Christmas nadi hapta khatval um na laiya, nei dalhah got hamo

He U Lalboi, neingai lou hitam” Ka inn uva nahung ni chu vang, nanga din haimil ni umta pon te na??? Kanu jah louvin gah kisei mai leh, KaPa leh Kanaovin jong apona lheh jeng uve na umdan chu, Kapa toh guhthimin Kanu jahlou kah-in kaki hou jiuvin, Ka pan ei lhamon ji in “Boi, lungneo hih-in Na-uLalboi toh na kichen thou thou diu ahi, che jeh a chu nanu alung ahan leh, a inn hin ken lut hi akisonpi hidi ahin, a inn leh ama hi dalhah a Saidan a na Palenten inmun lentah aneiyu ahin, inn hi phe lhah a ga sah jeng thei ahi” atin, atah tah a lunggel hisam hih jong leh ei panpi nai ti kahe doh in KaPa chunga kakipah val’in ahi,
A ipi chu hileh bailam tah a vang ilungtup imolso jou lou di ahi o He U,
Nang chun ipi lung nagel vang kahe pon, ken vang Nang tilou koi ma Pasal’a kanei lou di ahi tichu, Pathen het’a bou kaki tepna ahi, thiding hijong leng na anglaija neipoma na chunga kathi ding ahi,
tichu kahin seinom ahi,
A hithei ding leh Thaini leh dam tah-in che inlang, che masang chun jingleh. Kanao toh kahung potdoh diu ahin, hoilai ham mun khat’ah kimuto thei ding ham tichu na kengpi tuh koma kahin seiyin ana gel’o

Ti message khat eihin thotcin, Chechuba kija noma katin, kagah reply kit tai,
Kei sei dinga lom nangin nahin sei masat jeh-in ngaidam
Jing leh itih phat hidi hamo Nanao, ka hin ngai na lom lom e Boi ” Muah ”
che bou chu ka thot leh Saikot khonah langa Tuilelon phah masang jep lam sah langa Chahleiya o…

Ahin tin, Kangah lel dan dan chu, kati kalu thahleu jeng, jan’a jong chebou chu kalung’ah ka gel’in ka ihmu thei poi, ki hah khovah kit lela, kilel val inte ti ki gel kit chom chakhat chu kana ihmut dan ahin, Kapin eihin kou leh, Hoi, hoi lai nahin phah hitam Nao, ka gah ti leh kahung khang doh in
Buneh jou jouvin kaki go’n gah call di kati leh kiche phot phot hen katin ka lhai phei leh call ahungin, nisa noiya chun gari ka khamin ka phone kasat doh in, ve jong ve man louvin ka lung kino val jeh chun, Hepi Saikot langa kache di ahe, kasei got leh Vohcha-an napeh lai ahin, kasei man lou ahi bouve, ka gah ti jot jot leh, Oo, apha e ka Tupa, Saikot khonah’ah kahin ngah tai o ……

To be Continue Next Episode

Note:
Lunglut tah a nasim chai jeh-in kakipah-e, asim jouse Pathenin phatthei naboh cheh-u hen, aban ol’in anasim khom kit taute.

Thusim hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Site nalut a notification pop up hung potji ho allowed anabol ji uvo maban a thusim thah ahung ki post teng notice namu ji diu chule Bell button a subscribe kiti chu meh un.

Previous articleHINKHO LAMLHAH THUCHIN PHABEP-XII
Next articleINDIA SUNGA GOVT. SERVICE OPEN TAH A KIJOH NALEH KICHOH NAGAM HOIA UM HAM?

LEAVE A REPLY

Please enter your comment!
Please enter your name here